खास चेलों 9:17 - Garhwali

¹⁷ तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

गढवली नयो नियम

¹⁷ तब हनन्याह उठि के वेका घौर का भितर गै जख शाऊल छो, अर वे पर हथ रखि के बोलि, “हे भैय शाऊल, प्रभु यीशु जैल त्वे तैं रस्ता मा दर्शन दींनि, वेल मि तैं भेजि, कि तू दुबरा दिखण लगि जा अर पवित्र आत्मा बट्टी भरपूर हवे जा।”

खास चेलों 9:17 Referans Kwoze

खास चेलों 8:17

तब पतरस अर यूहन्‍ना न ऊंन लोगु पर हाथ रखी, अर ऊंन पवित्र आत्मा तैं पै।

खास चेलों 6:6

अर यों तैं यीशु का खास चेलों का समणि खड़ु किये गै। अर ऊंन यों सातों पर हाथ रखी के प्रार्थना कैरी।

खास चेलों 2:4

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

1 तीमुथियुस 5:22

अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।

खास चेलों 13:52

मगर बिस्वासी लोग पवित्र आत्मा मा भरपूर होण रैनी, अर भौत आनन्द मनौणा रैनी।

इब्रानी 6:2

अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

फिलेमोन 1:16

पर अब वु एक गुलाम नि च बल्किन मा गुलाम से भि कई बढी के च, किलैकि अब उ एक बिस्वासी भै च जै बटि मि भौत प्यार करदु। पर अब वु त्वे खुणि जादा लाडलु होलु, किलैकि अब वु त्वे खुणि एक गुलाम का दगड़ा-दगड़ि एक बिस्वासी भै भि च।

2 तीमुथियुस 1:6

इलै मि त्वेतै याद दिलै देन्दु, कि जब मिन तेरा मुण्ड़ मा हाथ रखी के प्रार्थना कैरी छै, तब परमेस्वर न जु दान-बरदान त्वेतै दिनी ऊंको इस्तेमाल आग सुलगौण की तरौं कैरा।

1 तीमुथियुस 4:14

अर जब बिस्वासी समुदाय का अध्यक्ष लोगु न तेरा मुण्ड़ मा हाथ रखी के भविष्यबाणी कैरी छै, तब त्वेतै जु दान-बरदान मिली छा, ऊं पर ध्यान देणु रौ।

1 कुरिन्थि 15:47

अर पैलु मनखि आदम धरती को च जैतैं माटाळ बणयै गै, अर दुसरो मनखि यीशु मसीह च जु कि स्वर्ग बटि ऐ।

1 कुरिन्थि 15:8

अर ऊं सभ्यों का बाद मि पौलुस न भि वेतैं देखि, अर वे पर बिस्वास कैरी। अर वे बगत मेरी हालत वे बच्‍चा का जन छै जु कि बगत से पैलि ही जनम ले देन्दु।

रोमियों 15:7

अर जन यीशु मसीह न तुमतै स्वीकार कैरी, ठिक उन्‍नि तुम भि एक-दुसरा तैं स्वीकार कैरा, ताकि इन कैरिके पिता परमेस्वर की तारीफ हो।

खास चेलों 26:15

तब मिन पूछी, ‘हे प्रभु, तुम कु छाँ?’ प्रभु न बोलि, ‘मि यीशु छौं, जैतैं तू सतौणी छैई।

खास चेलों 21:20

अर यों बातों तैं सुणी के अध्यक्ष लोगु न परमेस्वर की बडै कैरी। तब ऊंन वेकू बोलि, “पौलुस भै, क्या तुमतै पता च, कि यहूदियों मा बटि भौत सरा लोगु न बिस्वास कैरी, पर वु लोग इन सोचदिन कि मूसा का नियम-कानूनों तैं मनण भौत जरुरी च।

खास चेलों 19:6

तब पौलुस न ऊं पर अपणा हाथ रखिनी, त पवित्र आत्मा ऊं लोगु पर ऐ गै अर वु बन्‍नि-बन्‍नि किसमे की भाषा बोन्‍न लगि गैनी।

खास चेलों 13:3

अर जब ऊंकी उपवास प्रार्थना खतम ह्‍वे गै, त ऊंन बरनबास अर शाऊल पर हाथ रखी के आसीस देके बिदा कैरी।

खास चेलों 10:36

अर यीशु मसीह जु की सभ्यों को प्रभु च वेका द्‍वारा शान्ति को शुभ समाचार सुणौन्द दौं परमेस्वर न इस्राएली लोगु का पास जै वचन तैं भेजि वेतैं त तुम जणदा ही छाँ।

खास चेलों 4:31

अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

लूका 15:32

पर चल, अब हमतै आनन्द अर खुशी मनौण चयेणी, किलैकि तेरु भुला जु मोरि गै छौ पर अब उ ज्यून्दु ह्‍वे गै, जु हरचि गै छौ अब उ वापिस मिली गै।’”

लूका 15:30

पर जन्‍नि तुमरो यू नौनु ऐ, त तुमुन वे खुणि बड़िया बखरु कटवै, जैन तुमरि जैजाद तैं वेश्याओं का पिछनै उड़ै दिनी।’

लूका 2:11

अर वु इन च कि आज राजा दाऊद का नगर मा तुम खुणि छुटकारा देण वळा को जनम होयुं च, अर उई मसीह प्रभु च।

लूका 1:76

तब जकरयाह न अपणा नौना खुणि बोलि कि, “हे मेरा नौना, त्वे खुणि सबसे महान परमेस्वर को रैबर्या बुले जालु। किलैकि तू प्रभु का औण से पैलि वे खुणि बाटु तयार करली।

मरकुस 6:5

अर ऊंन वेतैं स्वीकार नि कैरी, इलै यीशु न उखा कुछ बिमारों पर हाथ रखी के ऊंतैं खूब कैरी, अर येका अलावा वु कुछ भि अदभुत काम नि कैर पै।

मत्ती 19:13

अर फिर लोग अपणा बाल-बच्‍चों तैं यीशु का पास लैनि, कि उ ऊं पर अपणु हाथ रखी के प्रार्थना कैरो, मगर वेका चेलों न ऊंतैं झिड़की।

मरकुस 5:23

वेन इन बोलि कि, “गुरुजी, मेरी छुटी नौनि मुरण वळी च, तुम चलि के अपणु हाथ वीं पर रख द्‍या, ताकि वा ठिक ह्‍वे जौ अर ज्यून्द रौ।”

लूका 1:41

अर जन्‍नि इलीशिबा न मरियम को सलाम सुणी, तन्‍नि वींका पुटगुन्द बच्‍चा उछलि। अर तब इलीशिबा पवित्र आत्मा बटि भरपूर ह्‍वे गै।

लूका 1:67

तब बच्‍चा को बुबा जकरयाह पवित्र आत्मा से भरपूर ह्‍वे गै, अर भविष्यबाणी करण लगि गै।

खास चेलों 9:18

अर जन्‍नि वेन इन बोलि तन्‍नि वेका आंख्यों बटि छिलकों का जन कुछ चीज पोड़ि, अर उ फिर से सब कुछ दिखण लगि गै। तब शाऊल उख बटि उठी अर वेन बपतिस्मा ले।

1 कुरिन्थि 9:1

हे मेरा भै-बैंणो, मेरी बात पर ध्यान द्‍या मि एक आजाद मनखि छौं, अर प्रभु यीशु को खास चेला भि, अर हमरा प्रभु यीशु तैं मिन अपणा समणि देखि छौ। अर मेरा काम को नतीजा तुम लोग ही छाँ, जौन यीशु पर बिस्वास कैरी।

2 पतरस 3:15

अर जरा ईं बात का बारा मा सोचा कि हमरु प्रभु सबर रखण मा कथगा महान च जु कि हमतै इन मौका देणु च, कि सब बचि जा। अर ईं बात का बारा मा हमरा प्यारा भै पौलुस न भि बड़ी समझदारी से तुम खुणि चिठ्‍ठी मा लिखी, किलैकि पिता परमेस्वर न वेतैं ऊं बातों तैं बिंगणु खुणि अकल दिनी।