खास चेलों 9:15 - Garhwali

¹⁵ मगर प्रभु न वेकू बोलि, “तू जा, किलैकि मिन वेतैं अपणी सेवा करणु खुणि चुण्यालि, ताकि जु लोग यहूदी जाति का नि छिन वु ऊंका बीच मा, राजा लोगु का बीच मा, अर इस्राएली लोगु का बीच मा मेरु नौ को परचार कैरो।

गढवली नयो नियम

¹⁵ पर प्रभु ल वे बट्टी बोलि, “तू जा, मिल वे तैं अन्यजातियों अर राजाओं अर इस्राएलियों का संमणी मेरा बारा मा प्रचार कनु कु मेरू चुणयूं जन च।

खास चेलों 9:15 Referans Kwoze

रोमियों 11:13

हे मेरा भै-बैंणो, तुम जु यहूदी जाति का नि छाँ, मि तुमतै बतै देन्दु कि मि ऊं लोगु खुणि ही यीशु मसीह को खास चेला का रुप मा चुणै ग्यों, जु यहूदी जाति का नि छिन। अर अब जब मेरा पास यू काम च, इलै मि बटि जथगा जादा ह्‍वे सकदु मि ईं बात को पूरु फैदा उठौण चान्दु।

रोमियों 1:5

अर वेका द्‍वारा हम लोगु न परमेस्वर की किरपा अर वेको खास चेला होण को पद पै, ताकि हरेक जाति का लोग यीशु मसीह का नौ पर बिस्वास कैरा अर वेकी आज्ञाओं तैं माणा।

1 तीमुथियुस 2:7

इलै ही परमेस्वर न मितैं खास चेला अर परचार करण वळा का रुप मा चुणी। ताकि बिस्वास अर सच्‍च क्या च, वेका बारा मा मि ऊं लोगु तैं सिखौ जु यहूदी जाति का नि छिन। अर मि सच्‍च बोन्‍नु छौं, या बात झूठ्‍ठी नि च।

2 तीमुथियुस 2:4

अर जु मनखि परमेस्वर का सिपै को काम करदु, उ दुनियां का कामों मा नि फसदु, किलैकि उ हमेसा अपणा चुनण वळा अधिकारी तैं खुश रखण चान्दु जु कि वेतैं अगनै लि जान्दु।

खास चेलों 22:21

अर प्रभु न मिकू बोलि, ‘पौलुस, तू जा, किलैकि मि त्वेतै भौत दूर तक, ऊं लोगु का बीच मा भेजलु जु लोग यहूदी जाति का नि छिन।’”

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

2 तीमुथियुस 1:11

अर ये ही शुभ समाचार तैं फैलाणु खुणि अर लोगु तैं सिखौणु खुणि वे परमेस्वर न मितैं एक खास चेला का रुप मा चुण्यालि।

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

1 कुरिन्थि 15:10

बल्किन मा पिता परमेस्वर न मि पर अपणी किरपा कैरी, इलै आज मि भि एक खास चेला छौं। अर ज्वा किरपा वेन मि पर कैरी वा बेकार नि गै, किलैकि मिन दुसरा खास चेलों से जादा मेनत कैरी। अर सच्‍चै त या च कि या मेनत पिता परमेस्वर की वीं किरपा न कैरी ज्वा कि मेरा दगड़ा मा च।

खास चेलों 13:2

अर एक दिन इन ह्‍वे कि यू लोग उपवास रखी के परमेस्वर की भक्‍ति कना छा। तब पवित्र आत्मा न ऊंकू बोलि, “जै काम तैं करणु खुणि मिन बरनबास अर शाऊल तैं चुण्यूं च, वे काम तैं पूरु करणु खुणि तुम लोग ऊंतैं मि खुणि अलग कैरा।”

मत्ती 10:18

अर मेरी वजै से वु तुमतै सासन करण वळो अर राजाओं का समणि लि जाला, अर यू वु अवसर होलु जब तुम यों का अर ऊं लोगु का समणि मेरा गवा ह्‍वा जु यहूदी जाति का नि छिन।

दिब्य दरस 17:14

अर यू यीशु का खिलाप मा युद्ध करला, मगर यीशु जु कि मेम्‍ना च ऊं पर जीत हासिल करलु, किलैकि उ मेम्‍ना प्रभुओं को प्रभु अर राजाओं को राजा च। अर जौं लोगु तैं वेन बुलै के चुणी वु सब बिस्वासी लोग भि जु कि भरोसामन्द छिन मेम्‍ना का दगड़ा मा जीत हासिल करला।”

खास चेलों 27:24

‘पौलुस डौऽर ना, त्वेतै महाराजा का समणि हाजिर होण जरुरी च। अर सुण, जथगा भि लोग तेरा दगड़ा मा यात्रा कना छिन, तेरी प्रार्थना तैं सुणी के परमेस्वर ऊं लोगु की भि हिफाजत करलु।’

खास चेलों 26:32

अर अग्रिप्पा न फेस्तुस कू बोलि, “अगर जु ये मनखि न अपणा न्याय की मांग महाराजा से नि करीं रौन्दी, त हम येतैं छोड़ि देन्दा।”

खास चेलों 25:22

तब राजा अग्रिप्पा न फेस्तुस कू बोलि, “फेस्तुस, मि खुद भि वे मनखि की सुनण चान्दु। अर वेन बोलि, ठिक च साब तुम भोळ सुणी लियां।”

खास चेलों 21:19

तब पौलुस न ऊंतैं सलाम बोलि, अर ऊं सब कामों का बारा मा बतै, जु परमेस्वर न वेका द्‍वारा ऊं लोगु का बीच मा करिनी जु यहूदी जाति का नि छा।

खास चेलों 28:17

अर तीन दिन का बाद पौलुस न यहूदियों का खास लोगु तैं एक साथ बुलै। अर जब वु इकट्‍ठा ह्‍वेनि, त वेन ऊंकू बोलि, “हे मेरा भैयों, मिन अपणा लोगु या अपणा पितरों की रीति-रिवाजों का खिलाप मा कुछ भि नि कैरी। फिर भि यरूशलेम नगर का लोगु न मितैं कैदी बणै के रोमियों का सुपुर्द कैरी दिनी।

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

खास चेलों 26:1

तब राजा अग्रिप्पा न पौलुस कू बोलि, “त्वेतै अपणा बचाव मा बोन्‍ने की पूरि इजाजत च।” अर पौलुस न हाथळ इसारा कैरिके अपणी सफै मा इन बोलि कि,

खास चेलों 28:28

“इलै तुम भि जाणि जा कि परमेस्वर को बचौण वळु वचन अब ऊं लोगु का पास भि भेजि गै, जु कि यहूदी जाति का नि छिन अर वु लोग वेका बारा मा सुणला।” [

रोमियों 1:1

हे मेरा भै-बैंणो, मि प्रभु यीशु मसीह को सेवक पौलुस छौं अर मि या चिठ्‍ठी इलै लिखणु छौं, किलैकि पिता परमेस्वर न मितैं यीशु मसीह को खास चेला होणु खुणि अर वेका शुभ समाचार तैं लोगु तैं सुनौण खुणि अलग कर्युं च।

1 कुरिन्थि 9:16

अर जु शुभ समाचार मि सुणौन्दु, वीं बात पर मिन बड़ु मोन नि कैरी, किलैकि यू काम मेरु अपणु च। अगर जु मि शुभ समाचार नि सुणौलु, त मि पर हाय च।

इफिसुस 3:1

इलै मि पौलुस, तुम लोगु तैं यीशु मसीह का शुभ समाचार सुनौण की वजै से कैद मा छौं, तुम लोग जु कि यहूदी जाति का नि छाँ।