खास चेलों 9:13 - Garhwali

¹³ पर हनन्याह न प्रभु तैं इन जबाब दिनी, “प्रभु, मिन ये मनखि का बारा मा भौत कुछ सुणयूं च, कि येन यरूशलेम नगर मा तुमरा बिस्वासी लोगु का दगड़ा मा भौत बुरु बरतौ कैरी।

गढवली नयो नियम

¹³ पर हनन्याह ल बोलि, “प्रभु, मिल भौत लुखुं बट्टी यु आदिम का बारा मा सूंणि, कि येल यरूशलेम शहर मा तुम्हरा विश्वासी लुखुं तैं दुःख द्ये;

खास चेलों 9:13 Referans Kwoze

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

खास चेलों 9:1

अर यरूशलेम नगर मा शाऊल नौ को उ ज्वान मनखि अभि तक यीशु पर बिस्वास करण वळो तैं धमकौणु ही छौ, अर ऊंतैं जान से मरणे की एक धुन वेमा ऐ गै छै।

रोमियों 16:15

फिलुलुगुस भै अर यूलिया बैंण अर नेर्युस अर वेकी बैंण, अर उलुम्पास भै तैं, अर ऊंका दगड़ा-दगड़ि सब बिस्वासी लोगु तैं भि मेरु सलाम।

रोमियों 16:2

कि तुम लोग वींतैं प्रभु का नौ से स्वीकार कैरा। अर या बात मि इलै बोन्‍नु छौं, किलैकि पवित्र लोगु को स्वागत इन्‍नि किये जाण चयेणु। अर अगर कै भि काम मा वींतैं तुमरि जरुरत पोड़ो त वीं की मदद कर्यां, किलैकि वींन मेरी मदद कैरी अर मेरा दगड़ा-दगड़ि भौत सा लोगु की भि मदद कैरी।

रोमियों 15:31

अर पिता परमेस्वर से इन भि प्रार्थना कैरा, कि मि यहूदिया मुलक का ऊं लोगु से बचि जौं, जु कि पिता परमेस्वर की आज्ञा को पालन नि करदिन। अर इन भि प्रार्थना कर्यां, कि यरूशलेम नगर मा रौण वळा बिस्वासी लोग वे दान तैं स्वीकार कैरा जैतैं लेके मि उख जाणु छौं।

रोमियों 1:7

हे मेरा भै-बैंणो, या चिठ्‍ठी रोम नगर मा रौण वळा सब बिस्वासी लोगु खुणि च, जु कि हमरा पिता परमेस्वर तैं भौत प्यारा छिन अर वेका द्‍वारा पवित्र होण खुणि चुण्यां छिन। अर हम इन प्रार्थना करद्‍यां कि हमरा पिता परमेस्वर अर प्रभु यीशु मसीह की तरफा बटि तुमतै वेकी किरपा अर शान्ति मिलदी रौ।

खास चेलों 22:4

“अर मिन यीशु पर बिस्वास करण वळा लोगु तैं भौत सतै, इख तक कि भौतों तैं मार भि दिनी, इख तक कि भौत सि जनानियों अर बैखों तैं बन्धी बणै के जेलखाना मा डलवै दिनी।

खास चेलों 9:32

अर जब पतरस एक नगर बटि दुसरा नगर मा यात्रा कनु छौ, त उ मुलाकात करणु खुणि ऊं बिस्वासी लोगु का पास ऐ जु लुद्‍दा नगर मा रौन्दा छा।

मत्ती 10:16

अर यीशु न खास चेलों कू इन भि बोलि, “सुणा, जन भेड़ खतरनाक भेड़ियों का बीच मा जान्दी, ठिक उन्‍नि मि भि तुमतै बुरा लोगु का बीच मा भेजणु छौं। इलै गुरौ की तरौं चालाक अर कबूतर की तरौं सीदा बणा।

खास चेलों 9:21

अर शाऊल की या बात सुणी के लोग घंघतोळ मा पोड़ि गैनी अर बुलण लगि गैनी कि, “क्या यू उई मनखि नि च जु यरूशलेम नगर मा यीशु पर बिस्वास करण वळो तैं नास कनु छौ? अरे यू त इख भि ये ही मकदस से अयूं छौ, कि बिस्वासी लोगु तैं गिरफ्तार कैरिके मुख्य पुरोहितों का पास लि जौ।”

खास चेलों 9:41

अर पतरस न अपणु हाथ देके तबीता तैं खड़ु उठे, तब वेन बिस्वासी लोगु अर ऊं विधवा जनानियों तैं बुलै, अर ऊं सभ्यों न वींतैं ज्यून्द देखि।

1 कुरिन्थि 6:5

अर या बात मि तुम खुणि इलै बोन्‍नु छौं, ताकि तुमतै खुद पर सरम अऽ। अर एक बात बता, क्या सच्‍चि मा तुमरा इख एक भि समझदार नि च, जु कि तुम बिस्वासी लोगु का वाद-विवाद तैं सुळझै सैको।

1 कुरिन्थि 14:33

किलैकि परमेस्वर गड़बड़ी कन वळु परमेस्वर नि च, बल्किन मा शान्ति को परमेस्वर च। जन कि पवित्र लोगु का समुदाय मा भि होन्दु,

1 कुरिन्थि 16:1

हे मेरा भै-बैंणो, तुमुन चिठ्‍ठी मा यरूशलेम नगर का गरीब बिस्वासी लोगु का बारा मा मि बटि पूछी छौ। अर जन मिन गलाति मुलक का बिस्वासी समुदाय खुणि बोलि ठिक उन्‍नि मि तुम खुणि भि बुल्दु कि,

इफिसुस 1:1

हे मेरा भै-बैंणो मि पौलुस छौं अर मि पिता परमेस्वर की मनसा से यीशु मसीह को खास चेला छौं। अर मि या चिठ्‍ठी इफिसुस नगर मा रौण वळा बिस्वासी समुदाय का सब लोगु खुणि लिखणु छौं, जु कि यीशु मसीह पर बिस्वास करण वळा पवित्र लोग छिन।

फिलिप्पी 1:1

हे मेरा भै-बैंणो, मि पौलुस छौं अर मेरा दगड़ा मा तीमुथियुस भै च अर हम दुईया का दुई यीशु मसीह का सेवक छां। अर मि या चिठ्‍ठी यीशु मसीह पर बिस्वास करण वळा ऊं सब पवित्र लोगु खुणि लिखणु छौं, जु कि फिलिप्पी नगर मा रौनदिन अर बिस्वासी समुदाय का अध्यक्ष, अर सेवा का काम मा मदद करण वळा छिन।

फिलिप्पी 4:22

सभि पवित्र लोगु तैं, अर खास कैरिके महाराजा का घौर का सब लोग भि तुम कू सलाम बुल्दिन

कुलुसी 1:2

कुलुसी नगर मा रौण वळा यीशु मसीह का भक्‍त अर बिस्वासयोग्य लोगु खुणि लिखणु छौं। मि इन प्रार्थना करदु, कि हमरा पिता परमेस्वर की तरफा बटि तुम सभ्यों तैं वेकी किरपा अर शान्ति मिलदी रौ।

इब्रानी 13:24

अर सुणा, तुम लोग अपणा मुखिया कू अर सब पवित्र लोगु कू मेरु सलाम बुलयां, अर इटली देस का सब मसीह लोग तुमकु सलाम बोन्‍ना छिन।

यहूदा 1:3

हे मेरा प्यारा भै-बैंणो, मि भौत चान्दु छौ, कि मि तुमतै बचयै जाण का बारा बतौ, जै बचयै जाण मा हम सब हिस्सेदार छां। मगर अब मितैं यू जरुरी लगदु, कि मि तुमरा हौसला तैं बढ़ो, ताकि तुम लोग वे बिस्वास मा कड़ी मेनत कैरा, जु कि बिस्वासी लोगु तैं हमेसा खुणि एक ही बार सौंपे गै।