खास चेलों 8:9 - Garhwali

⁹ अर वे नगर मा फिलिप्पुस से पैलि शमौन नौ को एक जादूगर छौ, अर ये जादूगर न अपणा जादु-टोंणा का द्‍वारा उखा सब लोगु तैं घंघतोळ मा डालि के रख्युं छौ। अर यू जादूगर इन दावा करदु छौ, कि मि भि एक महान मनखि छौं।

गढवली नयो नियम

⁹ यु नगर मा शमौन नौं को एक आदिम रौंदो छो, जु अपड़ा जादु-टोणा ल सामरिया प्रान्त का अन्य-जाति लुखुं तैं चकित कनु छो अर उ दावा करदो छो कि उ एक बड़ो आदिम छों।

खास चेलों 8:9 Referans Kwoze

खास चेलों 13:6

अर पूरा टापू की यात्रा का दौरान ऊ जब पाफुस नगर मा पौंछिनी, त ऊंकी मुलाकात बार-यीशु नौ का एक यहूदी मनखि से ह्‍वे जु कि झूठ्‍ठु रैबर्या अर जादु-टोंणा करण वळु छौ।

खास चेलों 5:36

किलैकि कुछ दिन पैलि थियुदास नौ को मनखि मुखिया बणि के ऐ छौ, अर बुल्दु छौ की मि भि कुछ छौं, अर करीब चार सौ लोग वेका दल मा सामिल ह्‍वे गै छा। पर जब वेतैं मरवयै गै, त जथगा भि लोग वेकी शिक्षा तैं मनण वळा छा, वु सब तितर-बितर ह्‍वे गैनी, अर अब ऊंका दल को कुई अता-पता ही नि च।

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

खास चेलों 8:11

अर येन भौत दिनों बटि लोगु तैं अपणा जादु-टोंणा का द्‍वारा ताजुब मा डलयुं छौ, इलै सब लोग वेतैं भौत मणदा छा।

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

2 तीमुथियुस 3:2

किलैकि लोग केवल अफ बटि ही प्यार करण वळा, अर अपणा धन-दौलत बटि प्यार करण वळा होला। अर डींग मरण वळा, अपणी सब बातों पर बड़ु मोन करण वळा, अर एक-दुसरा की बेजती करण वळा होला। इख तक की लोग अपणा ब्वे-बबा की बातों तैं भि नि मणला, अर कै का उपकार तैं नि मणला, अर ना ही वु पवित्र जीवन जीण वळा होला।

2 थिस्सलुनीकी 2:4

अर येसे पैलि की पाप का पुत्र तैं दण्ड मिलु, उ हमरा परमेस्वर को भि विरोध करलु। अर जौं तैं लोग भगवान समझि के ऊंकी भक्‍ति करदिन, ऊ सभ्यों बटि पाप को पुत्र अफ तैं बड़ु बणालु। अर इख तक की उ परमेस्वर का मन्दिर मा बैठि के परमेस्वर होण को दावा करलु।

खास चेलों 13:8

पर इलीमास ऊंको विरोध करण लगि गै, ताकि गवर्नर बरनबास अर शाऊल की बातों पर बिस्वास नि कैरो (बार-यीशु को दुसरो नौ इलीमास च)।