खास चेलों 8:7 - Garhwali

⁷ किलैकि भौत सा लोगु पर खबेस लग्यां छा, वु खबेस चिल्‍लै-चिल्‍लै के ऊंमा बटि निकळि जान्दा छा। अर भौत सा लोग जौं तैं लकवा पोड़्यूं छौ, अर जु लंगड़ा छा यों सब लोगु तैं खूब किये जान्दु छौ।

गढवली नयो नियम

⁷ जब फिलिप्पुस ल आज्ञा द्ये त भौत लुखुं मा बट्टी दुष्टात्मा चिलै के निकली गै, अर भौत लकवा का रोगी अर लंगड़ा भि खूब किये गैनी।

खास चेलों 8:7 Referans Kwoze

मत्ती 10:1

अर यीशु न अपणा बारह चेलों तैं अपणा पास बुलै अर ऊंतैं मनखियों मा बटि खबेसों तैं निकळण को, अर सब किसमे बिमारियों तैं अर हरेक कमजोरियों तैं दूर करण को अधिकार दिनी।

खास चेलों 5:16

अर यरूशलेम नगर का आस-पास का ग्‍वोंऽ बटि भि लोग भौत सा बिमारों तैं अर जौं पर खबेस लग्यां छा ऊं सब लोगु तैं लेके ऐनी। अर परमेस्वर का द्‍वारा सब लोग खूब किये जान्दा छा।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

लूका 10:17

अर फिर यीशु का द्‍वारा चुण्यां सत्तर लोग खुश ह्‍वेके वापस ऐनी अर बोन्‍न लगि गैनी, “प्रभु, तुमरा नौ से त खबेस भि हमरा समणि हार माणी जनदिन।”

मरकुस 9:26

तब उ चिल्‍लै के अर वे नौना तैं भौत जादा मरोड़ि के वेमा बटि निकळि गै, अर वु नौनु इन ह्‍वे गै जन कि वेका पराण वेमा बटि निकळि गै हो। अर यू देखि के भौत सा लोग इन बोन्‍न लगि गैनी कि, “अरे, यू त मोरि गै।”

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

खास चेलों 8:6

अर भौत सा लोगु न फिलिप्पुस की बातों तैं ध्यान से सुणी, अर वेका द्‍वारा किये जाण वळा चमत्कारों तैं देखि, अर वेकी बातों पर अपणु-अपणु ध्यान लगै।