खास चेलों 8:15 - Garhwali

¹⁵ तब यू दुईया का दुईया उख गैनी। अर जब पतरस अर यूहन्‍ना सामरिया मुलक मा पौंछिनी, त उख पौंछण का बाद ऊंन लोगु खुणि प्रार्थना कैरी, ताकि ऊ लोग भि पवित्र आत्मा पा।

गढवली नयो नियम

¹⁵ अर उ द्वी उख गैनी अर ऊंल सामरिया प्रदेश का लुखुं कु पिता परमेश्वर बट्टी प्रार्थना कैरी की ऊं तैं पवित्र आत्मा मिलो।

खास चेलों 8:15 Referans Kwoze

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

फिलिप्पी 1:19

किलैकि मि जणदु छौं कि तुम लोगु की प्रार्थनाओं का द्‍वारा अर यीशु की पवित्र आत्मा की मदद से मितैं छुटकारु मिललु।

मत्ती 18:19

मि तुम बटि फिर से सच्‍च बोन्‍नु छौं, अगर तुम मा बटि दुई लोग ईं धरती पर कैं चीज खुणि एक मन ह्‍वेके मंगला, त स्वर्ग मा मेरा पिता की तरफा बटि तुम खुणि उन्‍नि किये जालु।

खास चेलों 19:2

“जब तुम न बिस्वास कैरी, त क्या वे बगत पर तुमतै पवित्र आत्मा भि मिली?” अर ऊंन बोलि, “अरे क्या च पवित्र आत्मा? हमुन त वेका बारा मा कभि नि सुणी।”

1 कुरिन्थि 14:13

इलै जु मनखि दुसरि भाषा मा बुल्दु, उ पिता परमेस्वर से इन भि प्रार्थना कैरो कि उ वीं भाषा को मतलब आम बोल-चाल मा भि बतै सैको, ताकि सब लोग समझि सैका।