खास चेलों 7:60 - Garhwali

⁶⁰ फिर वेन घुंडा टिकनी अर चिल्‍लै के बोलि, “मेरा प्रभु, ये पाप को दोष यों पर नि लग्यां” अर इन बोलि के वेन ईं दुनियां तैं छोड़ि दिनी।

गढवली नयो नियम

⁶⁰ फिर घुंडा टेकि कै ऊंची आवाज मा बोलि, “हे प्रभु यूं तैं यु पाप को भंगारी नि ठैरो।” अर इन बोलि उ मोरि गै।

खास चेलों 7:60 Referans Kwoze

मत्ती 5:44

पर मि तुमतै बतै देन्दु, कि अपणा दुसमनों बटि भि प्यार कैरा, अर जु लोग तुमतै सतौणा छिन ऊं खुणि प्रार्थना कैरा।

लूका 23:34

तब यीशु न बोलि, “मेरा पिता, यों तैं माफ कैरी द्‍या, किलैकि यों तैं पता नि च कि यू क्या कना छिन।” अर ऊं सिपयों न पांसा डालि के वेका कपड़ा आपस मा बांट दिनी।

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।

खास चेलों 20:36

अर यू सब बोन्‍न का बाद पौलुस न अपणा घुंडा टिकनी, अर ऊं सभ्यों का दगड़ा मा मिली के प्रार्थना कैरी।

खास चेलों 9:40

तब पतरस न सब लोगु तैं उख बटि भैर भेजि, अर घुंडा टेकी के प्रार्थना कैरी। अर लांश जनै देखि के बोलि, “तबीता उठ जा,” तब वींन अपणा आंखा खुलीनि अर पतरस तैं देखि के वा उठी अर बैठि गै।

लूका 6:28

अर जु तुमतै असगार देन्दिन तुम ऊं खुणि परमेस्वर बटि आसीस मांगा। अर जु तुमरा दगड़ा मा अच्छु बरतौ नि करदिन, ऊं खुणि प्रार्थना कैरा।

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

लूका 22:41

तब यीशु कुछ दूर गै अर घुंडा टेकी के प्रार्थना करण लगि गै,

1 थिस्सलुनीकी 5:10

अर यीशु मसीह हम कू इलै मोरि ताकि हम चै ज्यून्दा रा या मोरि जां, हम सब मिली के वेका दगड़ा मा जीवन ज्यूला।

1 कुरिन्थि 15:6

अर वेका बाद यीशु एक ही बगत मा पांच सौ से भि जादा बिस्वासी लोगु तैं दिखै, अर ऊंमा बटि भौत सा लोग अभि ज्यून्दा छिन, मगर कुछ लोग ईं दुनियां तैं छोड़ि के चलि गैनी।

मत्ती 27:52

अर इख तक की कबर खुलि गैनी, अर भौत सा परमेस्वर का पवित्र लोग जु मोरि गै छा, ऊ अपणा-अपणा सरील मा ज्यून्दा ह्‍वे गैनी।

1 कुरिन्थि 11:30

इलै ही तुमरा बीच मा भौत सा लोग कमजोर अर बिमार छिन, अर कई त मोरि भि गैनी।

1 कुरिन्थि 15:51

अर सुणा, मि तुमतै राज की एक बात बतौन्दु, हम मा बटि कुछ लोग इन छिन जौन मुरण नि च बल्किन मा ऊंका सरील बदलि जाण।

यूहन्ना 11:11

इन बुलण का बाद यीशु न ऊंकू फिर से बोलि कि, “हमरु दगड़्या लाजर सै गै, इलै मि वेतैं उठौणु कू जाणु छौं।”

2 तीमुथियुस 4:16

अर जब पैलि दौं रोम देस मा मेरु न्याय करण खुणि मितैं कचैरी मा खड़ु किये गै छौ, त मितैं बचौणु खुणि कैन भि गवै नि देई, किलैकि सब लोग मितैं छोड़ के चलि गै छा। मगर फिर भि मेरु प्रभु मेरा दगड़ा मा छौ अर वेन मितैं ताकत देई, ताकि मि शुभ समाचार का परचार तैं पूरु कैर सैकु, अर जु लोग यहूदी जाति का नि छिन ऊं सभ्यों तैं शुभ समाचार सुणो। अर परमेस्वर न मितैं मौत का गिच्‍चा बटि बचै, अर मि इन प्रार्थना करदु कि जु लोग मितैं छोड़ि के चलि गै छा, परमेस्वर ऊंतैं माफ कैरो।

2 पतरस 3:4

अर इन बुलला कि, “अरे, यीशु मसीह न वापस औण को जु करार कैरी छौ वेको क्या ह्‍वे? किलैकि हमरा पितर त मोरि गैनी, अर जब बटि या दुनियां बणि तब बटि लेके अभि तक ठिक उन्‍नि होणु च जन पैलि होन्दु छौ।”