खास चेलों 6:9 - Garhwali

⁹ मगर उख एक प्रार्थना भवन छौ जैमा वु लोग औन्दा छा जु की गुलामी से आजाद होयां छा। तब यों लोगु का बीच मा बटि कुरेनी, सिकन्दरिया अर किलिकिया अर आसिया मुलकों का कुछ लोग स्तिफनुस का दगड़ा मा वाद-विवाद करणु खुणि खड़ा ह्‍वेनि। अर वाद-विवाद करण लगि गैनी,

गढवली नयो नियम

⁹ पर कुछ लुखुं ल स्तिफनुस कु विरोध कैरी, जु दासत्व-मुक्त यहूदियों का मिलणा का भवन को सदस्य छा। उ लोग कुरेन अर सिकन्दरिया शहरों बट्टी अर किलिकिया अर एशिया प्रान्तों बट्टी भि छा, यु लोग स्तिफनुस का दगड़ी वाद-विवाद कन लगि गैनी।

खास चेलों 6:9 Referans Kwoze

खास चेलों 23:34

तब गवर्नर फेलिक्स न चिठ्‍ठी पैड़ी अर वे बटि पूछी कि, “तू कै मुलक को छैई?” तब वेतैं इन पता चलि कि पौलुस किलिकिया मुलक को च।

खास चेलों 22:3

“मि एक यहूदी जाति को मनखि छौं। मेरी पैदेस त किलिकिया मुलक का तरसुस नगर मा ह्‍वे, अर ये यरूशलेम नगर मा मेरु पालन-पोसण ह्‍वे। अर पितरों का नियम-कानूनों की शिक्षा मितैं गमलीएल गुरुजी बटि बड़ी सख्‍तै से मिली। अर मि मा भि परमेस्वर खुणि जोस छौ, जन की तुम सब लोगु मा च।

खास चेलों 15:41

अर सीरिया मुलक अर किलिकिया मुलक बटि ह्‍वेके वेन बिस्वासी समुदाय का भै-बैंणो तैं ऊंका बिस्वास मा मजबूत कैरी।

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

मत्ती 27:32

जब रोमी सिपै यीशु तैं लि जाणा छा। तब सिपयों न कुरेन नगर का रौण वळा शमौन तैं पकड़ी, अर वेतैं मजबूर कैरी कि उ यीशु की क्रूस तैं उठे के लि जौ।

गलातियों 1:21

अर यरूशलेम नगर बटि निकळण का बाद मि सीरिया अर किलिकिया का मुलक कू ग्यों।

खास चेलों 21:27

अर जब शुद्धिकरण का सात दिन पूरा होण वळा छा, त आसिया मुलक का कुछ यहूदी लोगु न पौलुस तैं मन्दिर मा देखि। अर ऊंन भीड़ का लोगु तैं पौलुस का खिलाप मा उकसै, अर वेतैं पकड़ी दिनी।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

खास चेलों 18:24

अपुल्‍लोस नौ को एक यहूदी मनखि जैको जनम सिकन्दरिया नगर मा ह्‍वे छौ। यू भौत अच्छु गुरु अर पवित्रशास्‍त्र को भौत अच्छु जानकार छौ, अर यू इफिसुस नगर मा ऐ।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

लूका 21:12

अर यू सब होण से पैलि लोग तुमतै सताला अर पकड़वै द्‍याला, अर तुमतै प्रार्थना भवन का लोगु का सुपुर्द कैरी द्‍याला। इख तक की वु तुमतै राजाओं अर सासन करण वळो का समणि लि जाला, अर जेलखाना मा भि डलवै द्‍याला। अर यू सब वु मेरा नौ की वजै से तुमरा दगड़ा मा करला।

मरकुस 13:9

“पर तुम अपणा बारा मा चौकस रा, किलैकि लोग तुमतै न्याय समितियों का हवाला करला अर तुमतै प्रार्थना भवनों मा पिटला, अर मेरा खातिर लोग तुमतै अधिकारीयों अर राजाओं का समणि खड़ा करला, अर यू वु अवसर होलु, जब तुम मेरा बारा मा बता।

मत्ती 10:17

अर लोगु से चौकस रा, किलैकि उ तुमतै न्याय खुणि पंचैत का हवाला कैरी द्‍याला, अर अपणा प्रार्थना भवनों मा तुम पर कोड़ा मरवाला।

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

खास चेलों 26:11

इख तक कि यीशु पर बिस्वास करण वळा लोगु तैं मि प्रार्थना भवनों मा जै-जैके दण्ड दिलान्दु छौ, अर मजबूर कर देन्दु छौ कि वु यीशु की बुरै कैरा। इख तक कि मि गुस्सा मा इथगा बौल्या ह्‍वे जान्दु छौ, कि भैर का नगरों मा भि जैके ऊंतैं सतौन्दु छौ।

खास चेलों 22:19

अर मिन बोलि, ‘प्रभु ऊ लोग त खुद ही जणदिन, कि तुम पर बिस्वास करण वळा लोगु तैं मिन प्रार्थना भवनों मा जै-जैके पिटवै अर जेलखाना मा डलवै,

खास चेलों 21:39

तब पौलुस न बोलि, “असल मा साब, मि एक यहूदी नागरिक छौं, अर किलिकिया मुलक का जाणा-माणा नगर तरसुस को वासी छौं। अर मि तुम से बिन्ती करदु, कि मितैं यों लोगु का दगड़ा मा बात करण की इजाजत दे द्‍या।”

खास चेलों 19:26

अर तुमुन अफि देखि अर सुणी भि च कि ये पौलुस न इफिसुस नगर मा ही ना, मगर आसिया मुलक का लगभग सब नगरों का लोगु तैं भकलैयेलि। अर उ इन बुल्दु, कि हाथों द्‍वारा बणईं मूरत द्‍यबता नि छिन।

खास चेलों 13:45

मगर जब यहूदी जाति का लोगु न इथगा भीड़ देखि, त ऊंतैं देखि के यू लोग जलत्यौण लगि गैनी। अर पौलुस जु की परमेस्वर की बातों तैं बतौणु छौ वेका मा खिलाप अनाप-सनाप बुलण लगि गैनी।

खास चेलों 13:1

अन्ताकिया नगर का बिस्वासी समुदाय मा कुछ रैबर्या अर उपदेस देण वळा लोग छा, जन कि बरनबास, शमौन जैकू नीगर भि बुल्दिन, अर कुरेन नगर को लूकियुस, अर मनाहेम जैको पालन-पोसण राजा हेरोदेस अग्रिप्पा का दगड़ा मा ह्‍वे। अर मनाहेम वेको खास दगड़्या छौ, अर शाऊल भि ऊंका दगड़ा मा उखि छौ।

खास चेलों 11:20

मगर ऊंमा बटि कुछ बिस्वासी लोग साइप्रस टापू अर कुरेन नगर का छा जु कि अन्ताकिया नगर मा ऐनी, अर ऊंन यूनानियों तैं भि प्रभु यीशु को शुभ समाचार सुनौण शुरु कैरी दिनी।

मत्ती 23:34

“इलै सुणा, मि तुमरा पास रैबर्यों तैं, अर अकलमन्दो तैं, शास्‍त्री लोगु तैं भेजणु छौं, अर तुम ऊंमा बटि कुछो तैं मारी दिल्या, अर क्रूस पर चड़ै दिल्या। अर कुछो तैं अपणा प्रार्थना भवनों मा कोड़ा मरवैल्या, इख तक कि तुम नगर-नगर मा जैके ऊंतैं सतैल्या।

खास चेलों 6:10

पर यू लोग वेका ज्ञान की बातों को जबाब नि दे सकिनी, किलैकि स्तिफनुस पवित्र आत्मा की सामर्थ मा ह्‍वेके बोन्‍नु छौ।

खास चेलों 24:18

“अर जब मि यू काम कनु छौ, त आसिया मुलक का कुछ यहूदी लोग मितैं मन्दिर मा मिलिनी, अर वे बगत तक त मिन अफ तैं शुद्ध कैरियाली छौ। अर उख मेरा दगड़ा मा कुई भीड़ नि छै, अर ना ही उख कई दंगा ह्‍वे,