खास चेलों 5:19 - Garhwali

¹⁹ पर राति का बगत प्रभु का एक स्वर्गदूत न जेलखाना का द्‍वार खोली के ऊंतैं भैर लि गै। अर ऊंकू बोलि कि,

गढवली नयो नियम

¹⁹ पर राती प्रभु का एक स्वर्गदूत ल जेलखना का द्वार खोलि के ऊं तैं भैर लै के ऊंमा बोलि

खास चेलों 5:19 Referans Kwoze

खास चेलों 16:26

कि तबरि अचानक से एक बड़ु भ्वींचळु ऐ, जैकी वजै से जेलखाने की बुनियाद हिली गै, अर जेलखाना का सब द्‍वार खुलि गैनी, इख तक कि सब कैदियों का संगुळा भि खुलि गैनी।

खास चेलों 27:23

किलैकि जै परमेस्वर पर मि बिस्वास रखदु अर जैकी सेवा करदु, वे ही परमेस्वर को स्वर्गदूत राति मेरा पास ऐके खड़ु ह्‍वे। अर वेन बोलि कि,

खास चेलों 8:26

अर एक दिन इन ह्‍वे, कि प्रभु का एक स्वर्गदूत न फिलिप्पुस कू बोलि कि, “फिलिप्पुस चल, वु निर्जन बाटु जु दक्छिण दिसा की तरफा च अर यरूशलेम नगर बटि गाजा नगर कू जान्दु तू उख जा।”

मत्ती 1:20

अर जब उ यों सब बातों का बारा मा सुचणु ही छौ, कि एक दिन वेतैं सुपन्या मा प्रभु को एक दूत दिखै। अर वेन वेकू बोलि कि, “हे यूसुफ, तू जु दाऊद का वंश मदि छैई तू मरियम का दगड़ा मा ब्यौ करण से नि डौऽर, किलैकि जु बच्‍चा वींका कोख मा च, उ परमेस्वर की पवित्र आत्मा की ताकत से च। अर मि त्वेतै बतै देन्दु कि,

लूका 1:11

अर वे बगत वेतैं प्रभु को एक स्वर्गदूत दिखै, जु कि धूबत्ती जलौण वळी वेदी की दैंणी तरफा खड़ु होयुं छौ।

मत्ती 1:24

अर इथगा मा यूसुफ की निन्द खुलि गै। अर जन प्रभु का दूत न वेकू बोलि छौ वेन ठिक उन्‍नि कैरी, अर मरियम का दगड़ा मा ब्यौ कैरिके वींतैं अपणा इख लेके ऐ गै।

मत्ती 2:13

अर जब जोतिस लोग उख बटि चलि गैनी, त प्रभु को एक दूत यूसुफ तैं सुपन्या मा दिखै अर वेन वेकू बोलि, “यूसुफ उठ, बच्‍चा अर वेकी माँ तैं लेके मिस्र देस कू चलि जा। अर जबरि तक मि त्वेकू नि बोललु तबरि तक उखि रै, किलैकि हेरोदेस ये बच्‍चा तैं खुजवौणु च, ताकि उ येतैं मरवै द्‍यो।”

मत्ती 2:19

अर राजा हेरोदेस की मौत का बाद, प्रभु को एक दूत यूसुफ तैं सुपन्या मा दिखै, अर तब यूसुफ मिस्र देस मा ही छौ।

मत्ती 28:2

अर सुणा, अचानक एक बड़ु भ्वींचळु ऐ, किलैकि प्रभु को एक दूत स्वर्ग बटि ऐ, अर वेन ऐके कबर का मुख पर रख्यां बड़ा डांग तैं हटै दिनी, अर वेमा पर बैठि गै।

लूका 2:9

तबरि प्रभु को एक स्वर्गदूत ऊंतैं दिखै, अर प्रभु को तेज ऊंका चौतरफि चमकण लगि गै। तब ऊ भौत जादा डौऽरी गैनी।

खास चेलों 10:3

अर एक दिन इन ह्‍वे कि दुफरे तीन बजी का करीब कुरनेलियुस न एक दरसन देखि, कि परमेस्वर को एक स्वर्गदूत वेका पास ऐ अर वेन वेकू बोलि, “हे कुरनेलियुस”

खास चेलों 12:23

अर देखा, प्रभु को एक स्वर्गदूत तुरन्त ऐ, अर वे पर एक बिमारि डाल दिनी, अर वेका सरील पर कीड़ा पोड़ि गैनी ज्यां की वजै से वेकी मौत ह्‍वे गै। अर यू सब त इलै ह्‍वे किलैकि राजा हेरोदेस अग्रिप्पा न परमेस्वर तैं तारीफ देण की वजै लोगु बटि खुद की तारीफ करवै।