खास चेलों 5:15 - Garhwali

¹⁵ इख तक की लोग बिमारों तैं सड़कों मा लि जान्दा छा, अर ऊंतैं खाटों अर बिस्तरों पर लिटै देन्दा छा, ताकि जब पतरस उख बटि अऽ, त कम से कम वेको छैल ही ऊंमा मदि कै पर भि पोड़ि जौ अर वु खूब ह्‍वे जौ।

गढवली नयो नियम

¹⁵ प्रेरित जु कुछ कना छा वेका ऊं कामों तैं देख लोग बिमारों तैं बट्टा मा लै-लै के खाट पर लिटै दींद छा कि जब पतरस औ, त वेकी छाया ऊंमा बट्टी कै पर पड़ी जौं।

खास चेलों 5:15 Referans Kwoze

मत्ती 14:36

अर ऊ लोग यीशु से बिन्ती करण लगि गैनी कि, “गुरुजी, कम से कम हमतै अपणा कपड़ा का झालरों तैं ही छूण द्‍या।” अर जथगा भि लोग वेतैं छून्दा छा, ऊ सभ्या का सभि खूब ह्‍वे जान्दा छा।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

मत्ती 9:21

अर इन वींन इलै कैरी किलैकि वा अपणा मन मा सोचदी छै कि, “बस, अगर जु मि यीशु का कपड़ों पर लग्यां झालरों तैं छ्वी द्‍यूलु, त ठिक ह्‍वे जौलु।”

मरकुस 6:55

अर लोग तुरन्त पूरा मुलक मा इनै-उनै भगिनी, अर बिमारों तैं बिस्तर मा लिटै दिनी, अर जख कखि भि ऊंन सुणी कि यीशु उख च, त लोग उखि यों लोगु तैं लेके गैनी।

खास चेलों 5:16

अर यरूशलेम नगर का आस-पास का ग्‍वोंऽ बटि भि लोग भौत सा बिमारों तैं अर जौं पर खबेस लग्यां छा ऊं सब लोगु तैं लेके ऐनी। अर परमेस्वर का द्‍वारा सब लोग खूब किये जान्दा छा।

खास चेलों 28:9

अर जब लोगु तैं ईं बात का बारा मा पता चलि, त वे टापू का और बिमार लोग भि ऐनी अर वु सब भि खूब ह्‍वे गैनी।