खास चेलों 5:13 - Garhwali

¹³ फिर भि भौत सा लोग इन छा जु की यों को आदर-सम्मान करदा त छा, पर ऊंकी हिम्मत नि होन्दी छै की वु ऊंका दगड़ा मा मिली जा।

गढवली नयो नियम

¹³ जौं ल अब तक यीशु पर विश्वास नि कैरी छो कै तैं यु साहस नि हूंद छो कि ऊं दगड़ी मिली जौंन तब भि लोग ऊं की बड़ै करदां छा।

खास चेलों 5:13 Referans Kwoze

खास चेलों 2:47

अर ऊ परमेस्वर की बडै करदा छा अर सब लोग ऊं बटि खुश छा। अर जु लोग बचण चान्दा छा, प्रभु ऊंतैं हरेक दिन बिस्वासी लोगु का दगड़ा मा मिलै देन्दु छौ।

खास चेलों 4:21

तब ऊं लोगु न ऊंतैं फिर से धमकै के छोड़ि दिनी, किलैकि वु लोगु से डऽरदा छा अर यों लोगु तैं दण्ड देणु खुणि कुई दुसरो बाना नि मिली। अर यू सब त इलै ह्‍वे किलैकि अपंग मनखि का दगड़ा मा जु कुछ भि ह्‍वे छौ, वेतैं लेके सब लोग परमेस्वर की बडै कना छा।

खास चेलों 19:17

अर या बात इफिसुस नगर का सब यहूदी अर यूनानी लोगु तैं पता चलि गै, अर वु लोग भौत जादा डौऽरी गैनी। अर ज्वा बात ह्‍वे छै वां की वजै से प्रभु यीशु की बडै होण लगि गै।

खास चेलों 5:5

अर ईं बात तैं सुणदी ही हनन्याह भ्वीं मा फरके गै अर वेन अपणु दम तोड़ि दिनी, अर सब सुनण वळो पर बड़ु खौफ ऐ गै।

यूहन्ना 19:38

अर अरिमतिया नगर मा यूसुफ नौ को एक मनखि छौ, जु की यीशु पर बिस्वास करण वळु छौ। पर यहूदियों की डौऽर की वजै से ईं बात तैं छिपै के रखदु छौ। तब उ पिलातुस का पास जैके बिन्ती करण लगि गै, कि उ यीशु की लांश तैं लि जौ। अर पिलातुस बटि इजाजत मिलण का बाद उ ऐके यीशु की लांश तैं लि गै।

यूहन्ना 12:42

फिर भि भौत सरा यहूदी मुख्यों न यीशु पर बिस्वास कैरी, पर फरीसी दल का लोगु की डौऽरा का बानो उ खुलाआम नि बुलणा छा। किलैकि ऊंतैं या डौऽर लगदी छै, कि कखि हमतै प्रार्थना भवन बटि भैर नि किये जौ।

यूहन्ना 9:22

वेका ब्वे-बाब यहूदियों का मुख्यों बटि डौऽरदा छा, इलै ऊंन इन बोलि। किलैकि यहूदियों का मुख्यों न एक सला बणैयालि छै, कि जु कुई भि इन कबूल कैरी द्‍यालु कि यीशु ही मसीह च, वेतैं हमेसा खुणि प्रार्थना भवन बटि भैर कैरी दिये जालु।

लूका 19:48

मगर ऊंकी समझ मा नि ऐ कि यू काम कनकै करै जौ, किलैकि सब लोग यीशु की बातों तैं ध्यान से सुणदा छा।

खास चेलों 5:26

तब मन्दिर का सिपयों को अधिकारी ऊंतैं अपणा दगड़ा मा लि गै, अर ऊंन खास चेलों का दगड़ा मा कुई जोर-जबरदस्ती नि कैरी, पर चुपचाप से ऊंतैं वु अफ दगड़ा मा लेके ऐनी, किलैकि ऊंतैं डौऽर छै कि कखि लोग ऊं पर ढुंग्यो नि लगै द्‍या।

2 कुरिन्थि 10:15

हे मेरा भै-बैंणो, हम दुसरा बिस्वासी लोगु की मेनत पर कभि भि बड़ु मोन नि करद्‍यां, अर या बात मि इलै बोन्‍नु छौं किलैकि हमुन ऊंका काम मा कुई मेनत भि नि कैरी। अर हम इन उम्मीद करद्‍यां कि जन-जन तुम बिस्वास मा मजबूत होन्दी जैल्या, तन-तन तुम ये काम तैं फैलाण मा हमरि मदद जरुर करिल्या।