खास चेलों 4:31 - Garhwali

³¹ अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

गढवली नयो नियम

³¹ जब ऊंल पिता परमेश्वर बट्टी प्रार्थना कैरेले छै त व जगह जख उ बैठयां छा हिली गै अर उ सभि पवित्र आत्मा से भुरे गैनी अर परमेश्वर का वचन तैं साहस से सुणौंणा रैनी।

खास चेलों 4:31 Referans Kwoze

मत्ती 21:22

अर प्रार्थना मा जु कुछ भि तुम बिस्वास से मंगिल्या, उ सब तुमतै मिली जालु।”

खास चेलों 2:4

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

याकूब 1:5

अर अगर तुम मा बटि कै मा भि ज्ञान की कमी हो, त उ परमेस्वर बटि मांगु। तब परमेस्वर वेतैं द्‍यालु, किलैकि परमेस्वर बिना दोष लग्यां हरेक तैं खुला दिल से देन्दु।

खास चेलों 2:2

अर अचानक आसमान बटि हवा की बड़ी सुंस्याट जन आवाज ऐ, अर जख ऊ बैठयां छा उ पूरु घौर वीं आवाजळ भरी गै।

खास चेलों 4:29

अर प्रभु हम तुम बटि बिन्ती करद्‍यां कि, तुम ही ऊंकी यों धमकियों तैं सुणा, अर अपणा सेवकों की मदद कैरा, ताकि यू हिम्मतळ तुमरो वचन तैं सुणै सैका।

यूहन्ना 15:7

अगर जु तुम मि मा बणयां रैल्या, अर मेरु वचन तुम मा बणयूं रालु, तब जु कुछ भि तुमतै चयेणु होलु, वेतैं मांगा अर वु सब कुछ तुमतै मिली जालु।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

यूहन्ना 15:16

अर तुम न मितैं नि चुणी, बल्किन मिन तुमतै चुणी के ठैरैयालि ताकि तुम जा अर सफल ह्‍वे जा, अर तुमरो सफल होण बणयूं रौ अर जु कुछ भि तुम मेरा नौ से पिता बटि मंगिल्या, उ सब पिता तुमतै द्‍यालु।

फिलिप्पी 1:14

इलै जादातर भै-बैंणो न जब यू सुणी कि मि कैद मा छौं त वु डौऽरी नि छिन, बल्किन मा ऊंन अपणु बिस्वास प्रभु यीशु पर बणै के रखदिन, अर बड़ी हिम्मतळ परमेस्वर का वचन को परचार करदिन।

खास चेलों 2:1

अर जब पिन्तेकुस्त का त्योवार को दिन ऐ, त वु सब बिस्वासी लोग एक जगा इकट्‍ठा होयां छा।

खास चेलों 4:13

अर यों लोगु न पतरस अर यूहन्‍ना तैं बड़ी हिम्मत से बुलण देखि, अर जब यों तैं पता चलि की यू अनपढ़ अर साधारण मनखि छिन, त यू लोग ताजुब मा पोड़ि गैनी। तब वु लोग यों तैं पछ्याण गैनी कि यू उई छिन जु कि यीशु का दगड़ा मा रौन्दा छा।

खास चेलों 14:3

तब पौलुस अर बरनबास एक लम्बा बगत तक उखि रैनी, अर प्रभु का बारा मा बड़ी हिम्मतळ परचार कना रैनी। अर प्रभु न ऊंका द्‍वारा अदभुत चिन्‍न अर चमत्कार का काम कैरिके इन साबित कैरी दिनी, कि वेकी किरपा का बारा मा जै वचन को परचार वु लोग कन छिन उ सच्‍च च।

फिलिप्पी 1:20

अर मेरी पूरि आस अर इच्छा या च, कि मि वचन तैं फैलाण मा कै भि तरीके से नि सरमौ। अर मितैं इन भि बिस्वास च, कि मेरा जीवन का द्‍वारा यीशु मसीह तैं पूरु आदर-सम्मान हमेसा मिलणु रौ, अब चै मि ज्यून्दु रौ या मोरि जौ।