खास चेलों 4:30 - Garhwali

³⁰ अर अपणा हाथ बढै के ऊंतैं ताकत द्‍या, ताकि ऊ तुमरा पवित्र सेवक यीशु मसीह का नौ से लोगु तैं खूब कैरी सैका, अर बड़ा-बड़ा चमत्कारिक कामों तैं अदभुत तरीके से कैरी सैका।”

गढवली नयो नियम

³⁰ खूब कनु कु अपड़ो हथ बड़ो की अद्भुत काम अर चमत्कार का काम तेरु पवित्र सेवक यीशु का नौं से करे जौनु।”

खास चेलों 4:30 Referans Kwoze

खास चेलों 4:27

“अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

खास चेलों 3:6

अर पतरस न बोलि, “सोना अर चांदी त मि मा नि च, मगर जु मेरा पास च वु मि त्वेतै देन्दु, नासरत गौं का यीशु मसीह का नौ से उठ अर चलण-फिरण लगि जा।”

खास चेलों 6:8

अर स्तिफनुस पर परमेस्वर की बड़ी किरपा अर सामर्थ छै, इलै उ अदभुत काम अर चमत्कारिक चिन्‍न कैरिके दिखान्दु छौ।

खास चेलों 5:12

अर यीशु का खास चेलों का द्‍वारा भौत सरा अदभुत अर बड़ा-बड़ा चमत्कारिक काम लोगु का बीच मा किये जाणा छा, अर सब एक मन ह्‍वेके मन्दिर की वीं जगा मा इकट्‍ठा होन्दा छा, जै खुणि सुलैमान को बरण्डु बुले जान्दु।

खास चेलों 3:16

अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

खास चेलों 2:43

अर लोगु का दिलों मा प्रभु खुणि और भि जादा आदर-सम्मान औण लगि गै, अर प्रभु खास चेलों का द्‍वारा भौत सरा अदभुत काम अर चमत्कारिक कामों तैं कनु छौ।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

यूहन्ना 4:48

तब यीशु न वेकू बोलि, “जबरि तक तुम लोग चिन्‍न अर चमत्कार का कामों तैं नि दिखल्या, तबरि तक तुम बिस्वास नि करिल्या।”

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।