खास चेलों 3:26 - Garhwali

²⁶ अर परमेस्वर न ही हम लोगु का बीच मा बटि यीशु मसीह तैं चुणी के ठैरै, अर सबसे पैलि तुमरा ही बीच मा भेजि, ताकि तुम सब अपणी-अपणी बुरै तैं छोड़ि द्‍या, अर वेसे आसीस पा।”

गढवली नयो नियम

²⁶ परमेश्वर ल यीशु तैं धरती मा पैली तुम मा भेजि कि तुम मा बट्टी हरेक तैं वेकी बुरै बट्टी फेरी के आशीष द्यो।”

खास चेलों 3:26 Referans Kwoze

मत्ती 1:21

‘वा एक नौना तैं जनम द्‍याली। अर तू वेको नौ यीशु रखी किलैकि उ अपणा लोगु तैं ऊंका पापों बटि छुटकारा द्‍यालु।’”

खास चेलों 3:22

हाँ, जन की मूसा रैबर्या न बोलि छौ कि, ‘प्रभु परमेस्वर तुमरा बीच मा बटि मि जन एक रैबर्या तैं चुणी के तुम खुणि खड़ु करलु, अर जु कुछ भि उ तुम मा बोललु तुम वे बटि सुणी के वेका मुताबिक ही कर्यां।

यहूदा 1:24

अर पिता परमेस्वर ही च, जु कि उतेडु़ लगण पर तुमरि हिफाजत कैरी सकदु, अर अपणा आदर-सम्मान मा तुमतै अपणा समणि बेदाग अर बड़ा आनन्द से खड़ु भि कैरी सकदु।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

खास चेलों 3:25

अर परमेस्वर न रैबर्यों का द्‍वारा जु करार कैरी, वु तुम खुणि भि च। अर तुम ये समझौता का हकदार छाँ जु कि तुमरा पितरों का दगड़ा मा किये गै। अर वेन पितर अब्राहम कू बोलि छौ कि, ‘तेरा वंश का द्‍वारा धरती का सब कुटुम्ब आसीस पाला।’

1 पतरस 1:3

हमरा प्रभु यीशु मसीह का पिता परमेस्वर की तारीफ हो, जैन यीशु मसीह तैं मुरदो मा बटि ज्यून्दु कैरी, अर अपणी महान दया कैरिके वेन हमतै नयू जनम दिनी। अर अब हम मा एक ज्यून्द आस च,

इफिसुस 1:3

हमरा प्रभु यीशु मसीह का पिता परमेस्वर की तारीफ हो, जैन हमतै यीशु मसीह का पास औण का बाद पवित्र आत्मा का द्‍वारा हरेक किसमे की आत्मिक आसीस दिईं च।

रोमियों 15:29

मि जणदु छौं कि जब मि तुमरा पास औलु, त यीशु मसीह की तरफा बटि हमतै भरपूर आसीस मिलली।

खास चेलों 26:20

मिन पैलि दमिश्क नगर मा, अर फिर यरूशलेम नगर मा जैके परचार कैरी। अर येका बाद मि यहूदिया का पूरा मुलक मा, अर ऊं लोगु का बीच मा जैके परचार कनु रौं जु यहूदी जाति का नि छिन। ताकि वु सब अपणा-अपणा पापों से पस्ताप कैरिके परमेस्वर की तरफा ऐ जा, अर इन काम कैरा ज्यां से इन पता चलि जौ, कि ऊंन अपणा-अपणा पापों से पस्ताप कैरियाली।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

खास चेलों 2:24

पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

1 पतरस 3:9

बुरै का बदला मा बुरै नि कैरा अर ना ही गळी का बदला मा गळी द्‍या, मगर इन्द्रया लोगु तैं बदला मा आसीस ही द्‍या, किलैकि पिता परमेस्वर न तुमतै यां खुणि ही बुलयूं च, ताकि तुम आसीस का वारिस बणि जा।

खास चेलों 13:26

“हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।

खास चेलों 3:20

तब प्रभु बटि तुमतै नयी ताकत मिलण को बगत आलु, अर उ यीशु तैं तुमरा पास फिर से भेजलु, जैतैं वेन पैलि बटि तुम खुणि मसीह कैरिके ठैर्युं च।

लूका 24:47

अर वेका नौ से पापों की माफी पौणु खुणि अर मन से पस्ताप करण को परचार यरूशलेम नगर बटि दुनियां का सब देसों मा किये जालु,

मत्ती 15:24

तब यीशु न जबाब देई, “मितैं सिरफ इस्राएली लोगु की मदद करणु खुणि ही भिजे गै, जु कि हरचि भेड़ों का जन छिन।”

यूहन्ना 4:22

अर तुम जैतैं जणदा नि छाँ वेकी भक्‍ति करद्‍यां, पर हम जैतैं जणदा छां वेकी भक्‍ति करद्‍यां, किलैकि बचौण वळु यहूदियों मदि ही च।

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

रोमियों 15:8

इलै मि तुमतै बतै देन्दु, कि तुमतै याद रखण चयेणु कि यीशु मसीह यहूदी लोगु को सेवक बणि, ताकि वेका द्‍वारा इन साबित ह्‍वे जौ कि जु करार पिता परमेस्वर न ऊंका पितरों का दगड़ा मा कैरी छौ उ सच्‍चु छौ।