खास चेलों 3:19 - Garhwali

¹⁹ इलै अपणा पापों से पस्ताप कैरा, अर परमेस्वर का पास वापिस ऐ जा, ताकि तुमरा पाप पूरि तरौं से माफ ह्‍वे जा,

गढवली नयो नियम

¹⁹ इलै अपड़ा मन फिरावा अर परमेश्वर की तरपां वापिस लौटि के ऐ जावा कि तुमारा पाप मिटये जौनु जन कै प्रभु कि तरपां बट्टी शान्ति अर चैन का दिन औंणु,

खास चेलों 3:19 Referans Kwoze

खास चेलों 2:38

तब पतरस न ऊंकू बोलि, “अपणा-अपणा पापों बटि पस्ताप कैरा अर पापों बटि माफी पौणु खुणि तुम मा बटि हरेक मनखि यीशु मसीह का नौ से बपतिस्मा ल्यो, अर तब तुमतै पवित्र आत्मा को दान मिललु।

मत्ती 18:3

“मि तुम बटि सच्‍चि बोन्‍नु छौं कि जबरि तक तुम खुद तैं बदलि के एक बच्‍चा का सभौ का जन नि बणि जैल्या, तबरि तक तुम स्वर्ग का राज मा नि जै सकद्‍यां।

मत्ती 13:15

किलैकि यों लोगु को मन निठुर ह्‍वे गैनी, अर ऊ कन्दूड़ कम सुणदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा बिंगा, अर अपणा-अपणा पापों बटि पस्ताप कैरा, अर मि ऊंतैं माफ कैरी द्‍यो।’”

2 थिस्सलुनीकी 1:7

अर ज्वा खैरि तुम अर हम अभि खाण छां ऊं सभ्यों बटि उ हमतै जरुर छुटकारु द्‍यालु। अर यू तब होलु, जब प्रभु यीशु अपणा ताकतबर दूतों का दगड़ा मा स्वर्ग बटि खतरनाक आग का दगड़ा मा आलु, अर ऊं लोगु बटि बदला ल्यालु।

खास चेलों 11:21

अर प्रभु की ताकत ऊं लोगु का दगड़ा मा छै, अर भौत सा लोगु न बिस्वास कैरी अर प्रभु की तरफा ह्‍वे गैनी।

2 पतरस 3:8

मगर हे मेरा प्यारा भै-बैंणो, तुम ईं बात तैं याद रखा, कि प्रभु कि नजर मा एक दिन हजार साल का बराबर अर हजार साल एक दिन का बराबर होन्दु च।

खास चेलों 28:27

किलैकि यों लोगु को मन निठुर ह्‍वे गै, अर वु अपणा कन्दूड़ो न सुनण नि चनदिन, अर ऊंन अपणा आंख्यों तैं बन्द कैरियाली, ताकि इन नि हो कि वु अपणा आंख्यों न देखा अर कन्दूड़ो न सुणा, अर अपणा मन मा समझा, अर अपणा-अपणा पापों बटि पस्ताप कैरा, अर मि ऊंतैं खूब कैरी द्‍यो।’

1 पतरस 2:25

अर पैलि तुम भटकी भेड़ों का जन छा, मगर अब तुम अपणा चरवाह का पास ऐ ग्यां जु कि तुमरि आत्मा की रखवळी करण वळु च।

खास चेलों 11:18

अर जब यहूदी बिस्वासी लोगु न यू सब बात सुणिनी, त वु संट ह्‍वे गैनी। अर ऊंन परमेस्वर की तारीफ कैरिके बोलि, “परमेस्वर की बडै हो, किलैकि वेन सदनि को जीवन पौणु खुणि मन से पस्ताप करण को मौका ऊंतैं भि दियाली जु यहूदी जाति का नि छिन।”

लूका 1:16

अर उ इस्राएली लोगु मा बटि जु लोग प्रभु परमेस्वर बटि दूर ह्‍वे गैनी, ऊंतैं परमेस्वर की तरफा लेके आलु।

रोमियों 11:25

हे मेरा भै-बैंणो, मि नि चान्दु कि तुम खुद तैं अपणी नजर मा भौत समझदार समझा। पर जबरि तक पिता परमेस्वर की मनसा पूरि नि ह्‍वे जौ, कि उ अपणा चुण्यां लोगु तैं अपणा पास लेके अऽ, वेका बाद ही इस्राएली लोग का निठुर मन टूटी जाला, तब ऊ यीशु मसीह की बातों को पालन करला।

खास चेलों 17:26

अर वेन एक ही मनखि बटि सब जाति का लोगु तैं बणै, ताकि वु पूरि धरती मा बसी जा। अर वे ही परमेस्वर न खुद ही फैसला कैरी, अर पैलि बटि ही वेन मनखियों खुणि बगत ठैरै, अर इन भि ठैरै कि कैं जगा मा कैतैं रौण चयेणु,

खास चेलों 15:3

तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

खास चेलों 1:6

अर जब यीशु का खास चेला वेका दगड़ा मा छा, त ऊंन वे बटि पूछी कि, “प्रभु, क्या तुम इस्राएल राज्य तैं अभि छुड़ै के फिर से जनौ-तन कैरी दिल्या?”

दिब्य दरस 21:4

अर परमेस्वर ऊंका आंख्यों का सब आंसुओं तैं फुंजी द्‍यालु, फिर नऽ त मौत रैलि, ना शोक, नऽ रुंण-धुण अर ना ही कुई पीड़ा, किलैकि जु बात पैलि छै अब वु सब खतम ह्‍वे जालि।”

2 तीमुथियुस 2:25

अर जु लोग तुमरि शिक्षा को विरोध करदिन, इन्द्रया लोगु तैं तुमतै नमर बणि के सिखौण वळु होण चयेणु, किलैकि विरोध करण वळा यू लोग शैतान की इच्छा तैं पूरि करणु खुणि वेका जाल मा फंस्यां छिन। अर यों लोगु तैं ईं उम्मीद का दगड़ा मा सिखौ, कि क्या पता परमेस्वर यों तैं भि पस्ताप करण को मन दे द्‍यो, ताकि यू भि सच्‍चै का ज्ञान तैं समझि जा अर चौकस ह्‍वेके शैतान का जाल बटि छुटी जा।

खास चेलों 3:20

तब प्रभु बटि तुमतै नयी ताकत मिलण को बगत आलु, अर उ यीशु तैं तुमरा पास फिर से भेजलु, जैतैं वेन पैलि बटि तुम खुणि मसीह कैरिके ठैर्युं च।

इब्रानी 4:1

हे मेरा भै-बैंणो सुणा, पिता परमेस्वर न अपणा लोगु तैं आराम की जगा मा दाखिल होण को जु करार कैरी वु अभि तक बणयूं च। इलै हमतै ईं बात तैं ध्यान मा रखण चयेणु, कि हम मा बटि कुई भि ये करार से दूर नि ह्‍वे जौ।

लूका 22:57

पर वेन इन बोलि के नकारी दिनी कि, “भुलि, मि वे मनखि तैं नि जणदु।”