खास चेलों 3:16 - Garhwali

¹⁶ अर यीशु पर बिस्वास करण से, अर वेकी ताकत से, ये मनखि तैं खड़ु होण की ताकत मिली, अर तुम येतैं दिखणा अर जणदा भि छाँ। अर सच्‍च त यू च कि यीशु पर बिस्वास करण से ही यू मनखि तुम सभ्यों का समणि पूरि तरौं से तन्दुरुस्त ह्‍वे गै।

गढवली नयो नियम

¹⁶ यीशु का नौं मा विश्वास का कारण यु आदिम को जै तैं तुम जंणदा छा जै तैं तुम दिखणां छा शक्ति दिए गै। यु आदिम यीशु का नौं से अर यीशु मा विश्वास का कारण बिल्कुल ठिक अर चंगा हवे गै जन कि तुम अफी देख सकदियां।

खास चेलों 3:16 Referans Kwoze

खास चेलों 14:9

अर ये मनखि न पौलुस का उपदेस की बातों तैं सुणी। अर पौलुस न वे मनखि जनै टक लगै के देखि, अर वेतैं पता चलि गै, कि ये मनखि तैं बिस्वास च, कि मि ठिक ह्‍वे सकदु छौं।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

खास चेलों 3:6

अर पतरस न बोलि, “सोना अर चांदी त मि मा नि च, मगर जु मेरा पास च वु मि त्वेतै देन्दु, नासरत गौं का यीशु मसीह का नौ से उठ अर चलण-फिरण लगि जा।”

खास चेलों 16:18

अर वा भौत दिन तक इन्‍नि बोन्‍नि रै। अर ईं बात से पौलुस भौत परेसान ह्‍वे गै, तब वेन पिछनै मुड़ि के नौनि का भितर वे आत्मा कू बोलि, “मि त्वेतै यीशु मसीह का नौ से हुकम देन्दु, कि वींका भितर बटि भैर निकळि जा।” अर वु खबेस तुरन्त निकळि गै।

मत्ती 9:22

अर यीशु न पिछनै मुड़ि के वींतैं देखि अर बोलि, “हे बेटी, हिम्मत रख, किलैकि तिन बिस्वास कैरी, इलै तू खूब ह्‍वे गै।” अर सुणा, वा जनानि वे ही बगत खूब ह्‍वे गै।

1 कुरिन्थि 13:2

अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।

यूहन्ना 14:12

अर मि पिता का पास जाणु छौं, इलै मि तुम बटि सच्‍चि ही बोन्‍नु छौं, कि जु कुई मि पर बिस्वास करदु, उ यों कामों तैं भि करलु, जौं तैं मि करदु छौं। बल्किन येसे भि बड़ा-बड़ा काम उ करलु।

खास चेलों 4:7

अर ऊं लोगु न पतरस अर यूहन्‍ना तैं बीच मा खड़ु कैरिके ऊं बटि पूछी, तुमुन वे लंगड़ा भिकारी तैं कै का नौ से अर कै की दिईं ताकतळ खूब कैरी?

खास चेलों 3:8

तब उ उचड़फळि मारी के खड़ु ह्‍वे अर चलण-फिरण लगि, अर ईं खुशी का बाना उ नचण लगि गै, अर उछलि-कूदी के परमेस्वर की तारीफ करद-करद ऊंका दगड़ा मन्दिर मा चलि गै।

खास चेलों 4:30

अर अपणा हाथ बढै के ऊंतैं ताकत द्‍या, ताकि ऊ तुमरा पवित्र सेवक यीशु मसीह का नौ से लोगु तैं खूब कैरी सैका, अर बड़ा-बड़ा चमत्कारिक कामों तैं अदभुत तरीके से कैरी सैका।”

यूहन्ना 7:23

अर मूसा को दियूं नियम-कानून नि टळै जौ, इलै तुम सब्त का दिन भि अपणा नौनु को खतना करद्‍यां। जब कि मिन सब्त का दिन मा एक मनखि तैं पूरि तरौं से खूब कैरियाली, त फिर तुम मि पर किलै गुस्सा कना छाँ?

रोमियों 3:22

अर यू सब कुछ तब होन्दु जब हम यीशु मसीह पर बिस्वास करद्‍यां, अर वेका द्‍वारा ही हम लोग धरमी ठैरैये जन्द्‍यां। अर जु कुई यीशु मसीह पर बिस्वास करदु, पिता परमेस्वर वे मनखि का दगड़ा मा कुई भेदभाव नि करदु।

मत्ती 14:29

अर यीशु न बोलि, “पतरस ऐ जा।” तब पतरस नाव बटि उतरि के वेका पास जाण लगि गै।