खास चेलों 3:14 - Garhwali

¹⁴ हाँ, तुम लोगु न वे पवित्र अर धरमी मनखि तैं नकारी दिनी, अर पिलातुस बटि वे हत्यारा मनखि बरअब्बा खुणि बिन्ती कैरी, कि तुम लोगु खुणि वेतैं छुड़ै जौ।

गढवली नयो नियम

¹⁴ तुम ल वे पवित्र अर धर्मी को इंकार कैरी अर बिनती कैरी की एक हत्यारो तुम कु छुड़े जौं

खास चेलों 3:14 Referans Kwoze

मरकुस 1:24

अर वेन जोर से चिल्‍लै के बोलि, “हे नासरत गौं का यीशु, हमतै त्वेसे क्या मतलब? क्या तू हमतै नास करणु कू अईं छैई? मि जणदु छौं कि तू कु छैई, तू परमेस्वर को पवित्र जन छैई।”

खास चेलों 7:52

अर तुमरा पितरों न परमेस्वर का कै रैबर्यों तैं नि सतै? अर जौं रैबर्यों न वे धरमी मनखि का औण का बारा मा पैलि ही बतैयालि छौ ऊंतैं भि ऊं लोगु न जान से मारी दिनी। अर ऊंका मुताबिक तुमुन वे धरमी मनखि तैं बिस्वासघात कैरिके पकड़वै अर वेतैं जान से मरवै के तुम वेका हत्यारा ह्‍वे ग्यां।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

खास चेलों 4:27

“अर सच्‍चि मा इन्‍नि ह्‍वे कि राजा हेरोदेस अन्तिपास अर गवर्नर पुन्तियुस पिलातुस न भि इस्राएली लोगु अर ऊं लोगु का दगड़ा मा मिली के जु यहूदी जाति का नि छां, तुमरा पवित्र सेवक यीशु मसीह का खिलाप ये नगर मा इकट्‍ठा ह्‍वेनि, जैतैं तुमुन चुण्यूं छौ।

याकूब 5:6

जु लोग तुमरा खिलाप मा नि छा, ऊं धरमी मनखियों पर इळजाम लगै के तुमुन ऊंतैं मौत की सजा देई।

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

दिब्य दरस 3:7

अर येका बाद यीशु न मिकू इन भि बोलि कि, “फिलदिलफिया नगर मा रौण वळा बिस्वासी समुदाय का दूत खुणि इन लिख कि: “यीशु पवित्र अर सच्‍चु च, अर वेका पास राजा दाऊद की चाबी च जैतैं वु खुलदु वेतैं कुई बन्द नि कैरी सकदु, अर जब उ बन्द करदु त वेतैं कुई खोली नि सकदु, उ इन बुल्दु कि:

1 यूहन्ना 2:1

हे मेरा बच्‍चों, मि तुम खुणि यू सब इलै लिखणु छौं, ताकि तुम पाप नि कैरा। अर अगर कुई पाप करदु त पिता परमेस्वर का पास हम खुणि एक बिन्ती करणु वळु च जु कि वेकी नजर मा धरमी च, याने कि हमरु यीशु मसीह।

2 कुरिन्थि 5:21

किलैकि परमेस्वर न हम पापि लोगु की वजै से यीशु मसीह तैं बलिदान होणु खुणि दे दिनी, ताकि यीशु मसीह जैन कुई भि पाप नि कैरी छौ वेका द्‍वारा हम परमेस्वर की नजर मा धरमी साबित ह्‍वे जा।

खास चेलों 2:27

किलैकि तुम मेरा पराण तैं अधलोक मा नि छुड़ील्या, अर ना ही अपणा पवित्र मनखि तैं कबरुन्द सड़ण दिल्या।

लूका 23:25

अर लोगु की मांग का मुताबिक पिलातुस न बरअब्बा तैं छोड़ि दिनी, अर यीशु तैं लोगु का हवाला कैरी दिनी। अर ये बरअब्बा तैं त हुड़दंग अर लोगु तैं जान से मरण की वजै से जेलखाना डळै गै छौ।

लूका 1:35

तब स्वर्गदूत न वींतैं जबाब देई कि, “पवित्र आत्मा त्वे पर उतरलु, अर सबसे महान परमेस्वर की शक्‍ति त्वेतै चौतरफि बटि घेरि के रखलि। इलै जु बच्‍चा पैदा होण वळु च, उ पवित्र होलु अर वेकू परमेस्वर को पुत्र बुले जालु।

मरकुस 15:11

पर मुख्य पुरोहितों न भीड़ का लोगु तैं उकसै, कि ऊ बरअब्बा तैं आजाद करण की मांग कैरा।

मरकुस 15:7

अर ये बगत मा बरअब्बा नौ को एक मनखि छौ, जु कि रोमी राज्य का खिलाप मा विरोध करण वळु छौ। अर यू विरोध अर लोगु की हत्या करण की वजै से जेलखाने मा बन्द छौ।

मत्ती 27:20

अर मुख्य पुरोहितों न अर यहूदी अध्यक्ष लोगु न भीड़ का लोगु तैं उकसै, कि ऊ बरअब्बा तैं आजाद करण की, अर यीशु तैं जान से मरण की मांग कैरा।

यूहन्ना 16:10

अर धरमी बणण का बारा मा इलै, किलैकि मि पिता मा जाणु छौं, अर तुम मितैं फिर नि दिखल्या।

यूहन्ना 18:40

तब ऊंन फिर से चिल्‍लै-चिल्‍लै के बोलि, “ये मनखि तैं ना, पर हम खुणि बरअब्बा तैं छोड़ि दे।” पर वु बरअब्बा त एक डाकु छौ।

खास चेलों 5:28

“जब हमुन तुमतै चितै के आज्ञा दे छै कि तुम यीशु का नौ से उपदेस नि दियां, पर सुणा, तुमुन त पूरा यरूशलेम नगर मा अपणी ही शिक्षा फैलैयालि अर वे मनखि की मौत को दोष हम पर डलणा छाँ।”

खास चेलों 13:28

हालांकि ऊंन यीशु मा जान से मरण को कुई दोष नि पै, मगर फिर भि ऊं लोगु न गवर्नर पिलातुस बटि बिन्ती कैरी कि वेतैं मौत की सजा दिये जौ।