खास चेलों 3:12 - Garhwali

¹² अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

गढवली नयो नियम

¹² यु देखि के पतरस ल लुखुं मा बोलि, “हे इस्राएलियों तुम यु मनिख देखि के किलै हकदक हूंणा अर तुम हम जनै इन कै किलै घुरणा छा कि जन हम ल यु तैं अपड़ी सामर्थ या भक्ति से चलण-फिरण लैख बंणै हो?”

खास चेलों 3:12 Referans Kwoze

2 कुरिन्थि 3:5

अर मि इन नि बोन्‍नु छौं कि यू सब कुछ हम अपणी ताकत से करद्‍यां, बल्किन मा यू त पिता परमेस्वर ही च जु की हमतै ताकत देन्दु कि हम यू काम कैरी सैका।

रोमियों 9:4

अर या बात मि इलै बोन्‍नु छौं, किलैकि हम लोग इस्राएली छां, अर पिता परमेस्वर न हमतै अपणी औलाद होणु खुणि चुण्यूं च। अर हमरा पितरों न निर्जन जगा मा पिता परमेस्वर का बड़ा-बड़ा कामों तैं होन्द देखि। अर वेन ऊंका दगड़ा मा कई करार करिनी, अर मूसा रैबर्या का द्‍वारा हमरा पितरों तैं नियम-कानून दिनी, अर इन भि सिखै की कै तरीका से हमतै पिता परमेस्वर की भक्‍ति करण चयेणी, जु कि वेकी नजर मा सही च। अर वेन ऊंका दगड़ा मा भौत सा करार भि करिनी।

खास चेलों 2:22

“हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

रोमियों 11:1

अब मि तुम बटि पूछदु, कि क्या परमेस्वर न अपणा इस्राएली लोगु तैं छोड़याली? ना इन कभि नि ह्‍वे सकदु। अरे, मि खुद एक इस्राएली मनखि छौं, अर मि अब्राहम का वंश मदि छौं अर मेरु गोत्र को नौ बिन्यामीन च।

खास चेलों 13:26

“हे मेरा भै-बैंणो, तुम जु अब्राहम का वंश मदि छाँ अर तुम लोग भि जु की यहूदी जाति का नि छाँ तुम सब परमेस्वर पर अपणी पूरि सरदा रखद्‍यां, हाँ, हम सब लोगु खुणि ही छुटकारु को यू वचन भेज्यूं च।

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

खास चेलों 3:11

पतरस अर यूहन्‍ना मन्दिर का वे बरण्डा का पास छा जैकू सुलैमान को बरण्डा बुले जान्दु, अर अपणी खुशी का बानो ये भिकारी मनखि न ऊंतैं पकड़ी के रख्युं छौ। अर ये मनखि तैं देखि के हकदक होईं भीड़ भागी के ऊंका पास ऐ।

खास चेलों 3:13

अरे, यू सब आदर-सम्मान त हमरा पितरों का परमेस्वर याने कि अब्राहम का परमेस्वर, इसहाक का परमेस्वर अर याकूब का परमेस्वर न अपणा सेवक हमरा प्रभु यीशु तैं देई, हाँ, वे ही यीशु तैं जैतैं तुमुन पकड़वै दिनी। अर गवर्नर पिलातुस न वेतैं छुड़ण को विचार कैरी, पर तुमुन वेका समणि यीशु तैं नकारी दिनी।

दिब्य दरस 7:13

तब एक अध्यक्ष मा बटि एक न मिसे पूछी, “यू सफेद कपड़ा पैरयां लोग कु छिन, अर इख कख बटि ऐनी?”