खास चेलों 3:11 - Garhwali

¹¹ पतरस अर यूहन्‍ना मन्दिर का वे बरण्डा का पास छा जैकू सुलैमान को बरण्डा बुले जान्दु, अर अपणी खुशी का बानो ये भिकारी मनखि न ऊंतैं पकड़ी के रख्युं छौ। अर ये मनखि तैं देखि के हकदक होईं भीड़ भागी के ऊंका पास ऐ।

गढवली नयो नियम

¹¹ जब उ पतरस अर यूहन्ना तैं पकड़ी के खड़ो हुयुं छो त सभि लोग बिजां हकदक हवे के उ ही जगह मा जु राजा सुलैमान की कुठड़ी बुल्दा छा ऊंमा भागि के ऐनी।

खास चेलों 3:11 Referans Kwoze

खास चेलों 5:12

अर यीशु का खास चेलों का द्‍वारा भौत सरा अदभुत अर बड़ा-बड़ा चमत्कारिक काम लोगु का बीच मा किये जाणा छा, अर सब एक मन ह्‍वेके मन्दिर की वीं जगा मा इकट्‍ठा होन्दा छा, जै खुणि सुलैमान को बरण्डु बुले जान्दु।

यूहन्ना 10:23

तब यीशु मन्दिर मा सुलैमान नौ का बरण्डा मा घूमणु छौ।

लूका 8:38

पर जै मनखि मा बटि खबेस निकळ्यां छा वेन यीशु बटि बिन्ती कैरी, कि मितैं अपणा दगड़ा मा रौण द्‍या। मगर यीशु न वेतैं विदा कैरिके बोलि,

खास चेलों 2:6

अर जब लोगु न हल्‍ला सुणी, त भीड़ की भीड़ इकट्‍ठा ह्‍वे गै। अर सब लोग हैरान ह्‍वे गैनी, किलैकि जब यू लोग बात करणा छा, त भीड़ का लोगु तैं अपणी-अपणी भाषा सुन्यौणी छै।

लूका 22:8

तब यीशु न पतरस अर यूहन्‍ना तैं इन बोलि के भेजि, “जा, अर हम खुणि फसह को खाणु तयार कैरा।”

खास चेलों 3:3

जब ये मनखि न पतरस अर यूहन्‍ना तैं मन्दिर मा औन्द देखि, त कुछ पौण की उम्मीद से वेन ऊं बटि भीक मांगि।

खास चेलों 3:4

पतरस अर यूहन्‍ना न वेकी तरफा ध्यान से देखि अर बोलि, “हम जनै देख।”

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।