खास चेलों 28:2 - Garhwali

² अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

गढवली नयो नियम

² उख लुखुं ल हम पर बड़ी कृपा कैरी, बरखा लगिं छै अर जडो लगणु छो इलै ऊंल आग जगै के हमारो प्रेम का दगड़ी स्वागत कैरी।

खास चेलों 28:2 Referans Kwoze

इब्रानी 13:2

अर अणजाण लोगु की भि सेवा-भगत करण नि बिसरयां, किलैकि तुमतै पता होण चयेणु कि सेवा-भगत का खातिर कुछ लोगु न बिना जणयां ही स्वर्गदूतों को भि बड़ु आदर-सम्मान कैरी।

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।

रोमियों 1:14

अर मेरु यू फरज बणदु कि मि सब लोगु तैं शुभ समाचार का बारा मा बतौ, अब चै वु सब यहूदी जाति का छिन या कै दुसरि जाति का, अब चै वु अकलमन्द छिन या फिर नासमझ मि पर यों सब बातों को कुई फर्क नि पोड़दु।

2 कुरिन्थि 11:27

हे मेरा दगड़्यों, ये काम खुणि मिन कड़ी मेनत कैरी, अर कई रात्यों मि उणिन्दु रौंऽऽ। अर कई बार मितैं भौत भूक अर तीस लगि, पर मेरा पास खाण-पीण खुणि कुछ नि होन्दु छौ, अर ह्‍यूँद की कई रात मिन गरम कपड़ों का बगैर ही गुजरिनी।

खास चेलों 28:4

अर जु लोग उखा छा ऊंन देखि कि गुरौ पौलुस का हाथ पर लटक्युं च, त वु आपस मा बोन्‍न लगि गैनी कि, “पक्‍की बात यू मनखि खूनि च, भले ही यू समुन्दर बटि बचि के ऐ गै, मगर अब न्याय की देवी वेतैं ज्यून्दु नि छुड़ण चाणि।”

1 कुरिन्थि 14:11

अगर कुई मनखि हमरा पास ऐके इन्दरि भाषा मा बात कैरो, ज्वा हमतै नि औन्दी हो, त हमरि नजर मा वु मनखि परदेसी च, अर ठिक उन्‍नि हम वे मनखि खुणि परदेसी छां।

मत्ती 10:42

मि तुम बटि सच्‍च बोन्‍नु छौं कि, अगर कुई भि मनखि यों दीन चेलों मा बटि कै एक तैं भि मेरु चेला समझि के एक गिलास ठण्डु पाणि पिलालु, त वेतैं जरुर इनाम मिललु।”

खास चेलों 27:3

अर वेका दुसरा दिन हम सैदा नगर मा पौंछयां। अर इख यूलियुस सुबेदार न पौलुस पर बड़ी दया दिखै के वेका दगड़्यों से मिलणे की इजाजत दे दिनी, ताकि वेकी देख-रेख ह्‍वे सैको।

रोमियों 2:27

अर अगर कुई मनखि सरील को खतना कियां बगैर नियम-कानून को पूरु पालन करदु, त सुणा, वु लोग ही तुम यहूदी लोगु को न्याय करला किलैकि तुम लोगु का पास नियम-कानून की किताब च, अर वामा सब लिख्यूं च। अर अब खतना करौण का बाद भि अगर तुम नियम-कानूनों को पालन नि करद्‍यां, त तुम दोषी ठैरैये जैल्या।

यूहन्ना 18:18

अर उबरि ठण्ड भौत होणी छै, इलै नौकरों न अर मन्दिर का पैरादारों न क्‍वेला धदगै के ऊ सब आग तपणा छा। अर पतरस भि खड़ु ह्‍वेके ऊंका दगड़ा मा आग तपणु छौ।

खास चेलों 28:3

अर जब पौलुस भै न लखड़ा इकट्‍ठा कैरिके आग मा रखिनी, त हाळ लगण से एक गुरौ निकळि अर उ पौलुस का हाथ पर काटी के लटक्युं रै।

रोमियों 14:1

हे मेरा भै-बैंणो, अगर कुई मनखि बिस्वास मा कमजोर च त वेका दगड़ा मा बहसबाजी नि कैरा, बल्किन मा वेतैं अफ दगड़ा मा ले ल्या।

रोमियों 14:3

इलै सब कुछ खाण वळा मनखि तैं, सागपात खाण वळा मनखि को अपमान नि करण चयेणु, अर ठिक उन्‍नि सागपात खाण वळा मनखि तैं भि सब कुछ खाण वळा को न्याय नि करण चयेणु, किलैकि न्याय करण परमेस्वर को काम च, अर उ दुई किसम का लोगु तैं स्वीकार करदु।