खास चेलों 27:3 - Garhwali

³ अर वेका दुसरा दिन हम सैदा नगर मा पौंछयां। अर इख यूलियुस सुबेदार न पौलुस पर बड़ी दया दिखै के वेका दगड़्यों से मिलणे की इजाजत दे दिनी, ताकि वेकी देख-रेख ह्‍वे सैको।

गढवली नयो नियम

³ हैंका दिन हम सीदोन शहर मा उतरी ग्यां, अर यूलियुस ल पौलुस पर कृपा कैरी के वे तैं वेका दगड़ियों का दगड़ी जांण दींनि ज्यां बट्टी वेकी जरूरत पूरी हवे साको।

खास चेलों 27:3 Referans Kwoze

खास चेलों 24:23

तब वेन सुबेदार तैं आदेस दिनी कि, ये मनखि तैं पैरेदारी मा रखै जौ, मगर कुछ बातों की वेतैं छुट दियै जौ। अर सुणा, येका दगड़्यों मा बटि कैतैं भि येकी सेवा करण से नि रुक्यां।

खास चेलों 28:16

अर जब हम रोम नगर मा पौंछयां, त पौलुस भै तैं इखुली रौण की इजाजत मिली गै, मगर वेकी पैरेदारी करणु खुणि एक सिपै तैं रखै गै।

खास चेलों 27:43

मगर सुबेदार न पौलुस तैं बचौण की मनसा से ऊंतैं इन करण से रोकी अर आदेस देई, “जु तैरी सकदिन उ फाळ मारी के छाला जनै पैलि चलि जा,

खास चेलों 27:1

अर जब इन फैसला ह्‍वे गै कि अब हमतै कैसरिया नगर बटि निकळि के जाज को सफर शुरु कैरिके इटली देस कू जाण पोड़लु, त ऊंन पौलुस अर कुछ और कैदियों तैं यूलियुस नौ का एक सुबेदार का सुपुर्द कैरी दिनी। अर यूलियुस महाराजा की पलटण को सुबेदार छौ।

खास चेलों 12:20

अर राजा हेरोदेस अग्रिप्पा सूर अर सैदा नगर का लोगु पर भौत गुस्सा करदु छौ। तब दुई जगा का कुछ लोग एक मन ह्‍वेके राजा से मिलणु कू ऐनी, मगर पैलि ऊ राजा का करमचारी बलास्तुस तैं मनौण लगि गैनी अर वेसे बिन्ती कैरी, कि हमरु राजा का दगड़ा मा समझौता करवै द्‍या। अर इन ऊंन इलै कैरी, किलैकि राजा हेरोदेस का मुलक बटि ऊंका मुलक खुणि रासन-पाणि औन्दु छौ।

मत्ती 11:21

यीशु न बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि के पस्ताप कैरी देण छौ।