खास चेलों 26:24 - Garhwali

²⁴ अर जब पौलुस अपणा बचाव मा यों बातों तैं बोन्‍नु छौ, कि तबरि तक गवर्नर फेस्तुस न चिल्‍लै के बोलि, “हे पौलुस, तेरु दिमाग खराब ह्‍वे गै, जादा पैढी-लिखी के तू बौल्या ह्‍वे गै।”

गढवली नयो नियम

²⁴ जब पौलुस ईं रीति से जवाब दींणु छो तब फेस्तुस ल चिल्लै के बोलि, “पौलुस तु पागल छै, जादा विद्या ल त्वे तैं पागल कैरेले।”

खास चेलों 26:24 Referans Kwoze

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

2 कुरिन्थि 5:13

अर अगर जु हमतै अपणी सुद-बुद नि च त यू सब पिता परमेस्वर खुणि च, अर अगर जु हम चेत मा छां त वां से तुमतै ही फैदा च।

1 कुरिन्थि 4:10

अर यीशु मसीह को परचार करण की वजै से हम लोगु की नजर मा मूरख मणै जणद्‍यां, मगर तुम यीशु मसीह का दगड़ा मा एक ह्‍वे ग्यां, त ईं वजै से तुम खुद तैं भौत अकलमन्द समझणा छाँ। तुम खुद तैं ताकतबर समझद्‍यां अर हमतै कमजोर, इलै हमरु कुई आदर-सम्मान नि च मगर तुम त खुद दुसरो से आदर-सम्मान पौणा छाँ।

मरकुस 3:21

अर जब यीशु का परिवार का लोगु न यू सुणी, त वु यीशु तैं पकड़णु कू गैनी, किलैकि वु इन बुल्दा छा कि, “वेकू दिमाग ठिकणा पर नि च।”

खास चेलों 26:11

इख तक कि यीशु पर बिस्वास करण वळा लोगु तैं मि प्रार्थना भवनों मा जै-जैके दण्ड दिलान्दु छौ, अर मजबूर कर देन्दु छौ कि वु यीशु की बुरै कैरा। इख तक कि मि गुस्सा मा इथगा बौल्या ह्‍वे जान्दु छौ, कि भैर का नगरों मा भि जैके ऊंतैं सतौन्दु छौ।

खास चेलों 17:32

अर जब ऊं लोगु न मुरदो मा बटि ज्यून्द होण की बात तैं सुणी, त कुछ लोग वेको मजाक उड़ौण लगि गैनी। अर कुछ लोगु न बोलि, “हम या बात त्वे बटि कै दुसरा दिन सुणुला।”

खास चेलों 24:25

अर जब पौलुस धरमी जीवन जीण का बारा मा, अर खुद तैं अपणा वश मा रखण का बारा मा, अर औण वळा न्याय का बारा मा बतौणु छौ, त फेलिक्स डौऽरी गै अर वेन बोलि, “अभि तू इख बटि चलि जा, अगर मौका मिललु त मि तुमतै बुलाणु खुणि रैबार भेजि द्‍यूलु।”

खास चेलों 22:1

अर पौलुस न ऊंकू बोलि, “हे मेरा भै-बैंणो अर बुजुर्ग लोगु, अब मि अपणा बचाव मा तुमरा समणि कुछ बोन्‍न चाणु छौं।”

यूहन्ना 8:52

तब यहूदियों न यीशु कू बोलि, “अब हमतै पूरु पता चलि गै, कि त्वे पर खबेस ही लग्यूं च। किलैकि अब्राहम त मोरि गै अर परमेस्वर का रैबर्या भि मोरि गैनी। पर तू बुल्दी कि, ‘अगर कुई मेरा वचनों का मुताबिक चलदु, त उ कभि नि मुरलु।’

यूहन्ना 8:48

तब यों बातों तैं सुणी के यहूदियों न यीशु कू बोलि, “क्या हम ठिक नि बुल्द्‍यां कि तू सामरी छैई, अर त्वे पर खबेस लग्यूं च?”

यूहन्ना 7:15

तब यहूदी हैरान ह्‍वेके बुलण लगि गैनी, “यू त कभि शास्‍त्र की पाठसाला मा नि गै, त फिर येतैं इथगा शिक्षा कख बटि मिली?”

खास चेलों 24:27

अर इन करद-करद दुई साल ह्‍वे गैनी। अर येका बाद गवर्नर फेलिक्स की जगा पर पुरकियुस फेस्तुस नौ को मनखि गवर्नर का पद पर ऐ, मगर फेलिक्स यहूदियों तैं खुश करण चान्दु छौ, इलै वेन पौलुस तैं जेलखाना मा ही छोड़ि दिनी।

2 तीमुथियुस 3:15

अर जब तू छुटो बच्‍चा छे, त तब बटि तू परमेस्वर का पवित्र वचन तैं जणदी औणी छैई। अर वु वचन ही त्वेतै समझौन्दिन, कि यीशु मसीह पर बिस्वास रखण से छुटकारु मिलदु।