खास चेलों 26:23 - Garhwali

²³ अर ऊंन इन बोलि छौ कि मसीह तैं दुख झिलण पोड़लु, अर वु ही पैलु होलु जु कि मुरदो मा बटि ज्यून्द ह्‍वेके हमरा लोगु खुणि अर ऊं लोगु खुणि भि उज्याळु को परचार करलु, जु कि हमरि जाति का नि छिन।”

गढवली नयो नियम

²³ कि मसीह तैं दुःख उठांण पुड़लो, अर उ ही सबसे पैली मुर्दों मा बट्टी ज्यूँदो हवे के, यहूदियों अर अन्यजातियों का बीच मा यु प्रचार कनु कु कि उ बचि सकदींनि, जु की उज्यला का जन छिनी।”

खास चेलों 26:23 Referans Kwoze

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

दिब्य दरस 1:5

अर प्रभु यीशु मसीह की तरफा बटि जु कि भरोसेमन्द गवा च। अर उई च, जु कि मुरदो मा बटि ज्यून्द होण वळो मा पैलु, अर धरती का सब राजाओं को अधिकारी च। अर वेकी किरपा अर वेकी शान्ति तुमतै मिलदी रौ। अर यीशु मसीह ही च जु कि हम से भौत प्यार करदु, अर वेन अपणा ल्वे का द्‍वारा हमतै हमरा पापों बटि छुडैयाली।

कुलुसी 1:18

अर जन सरील खुणि मुण्ड़ होन्दु, ठिक उन्‍नि बिस्वासी समुदाय को मुखिया यीशु मसीह च। अर वु ही शुरुवात च अर वु ही सबसे पैलि मुरदो मा बटि ज्यून्दु किये गै, ताकि वु ही सब चीजों मा सबसे पैलु हो।

इब्रानी 2:10

अर जन पिता परमेस्वर न चै, वेन अपणी ताकत का मुताबिक सब कुछ बणै। अर इन वेन इलै कैरी, ताकि उ यीशु मसीह का द्‍वारा भौत सा लोगु तैं अपणी महानता मा सामिल कैरी सैको। अर लोगु तैं बचौणु खुणि वेन अपणी योजना तैं पूरु कैरी, ज्वा कि यीशु तैं मौत का दुख तैं झिलण की छै। अर फिर वेन यीशु तैं मुरदो मा बटि ज्यून्द कैरिके ईं बात तैं सिद्ध कैरियाली, कि वेका द्‍वारा लोग पिता परमेस्वर का पास आ।

1 कुरिन्थि 15:3

अर सच्‍चै को जु वचन यीशु मसीह का द्‍वारा मितैं बतये गै, उई मिन तुमतै बतै। अर पवित्रशास्‍त्र मा वु वचन इन लिख्यूं च कि, “मसीह हमरा पापों खुणि मरे गै।”

लूका 2:32

अर जु लोग यहूदी नि छिन ऊं लोगु पर तुमरा बारा मा सच्‍चै परगट करणु खुणि यू एक उज्याळु च। अर वेका द्‍वारा तेरा इस्राएली लोगु तैं बड़ु आदर-सम्मान मिललु।”

यूहन्ना 10:18

अर कुई भि मि बटि मेरी जान तैं निकाळि नि सकदु, पर मि वेतैं अफि देन्दु छौं। अर मितैं वे देणु को अधिकार च, अर वेतैं फिर पौण को भि अधिकार च। अर इन करण की आज्ञा मेरा पिता न मितैं देई च।”

खास चेलों 26:18

अर सुण, मि त्वेतै ऊं लोगु का पास इलै भेजणु छौं, ताकि तू ऊंका आंख्यों तैं खोली दे अर वु अन्धेरा से हटि के उज्याळा की तरफा, अर शैतान की ताकत से हटि के परमेस्वर की तरफा ऐ जा। अर तब ऊंका पाप माफ ह्‍वे जाला अर जु लोग मि पर बिस्वास कैरिके पवित्र बणयां छिन, ऊं लोगु मा ऊंतैं भि वारिस बणयै जौ।’

खास चेलों 26:8

महाराज मि एक सवाल पूछण चान्दु, आखिर तुम लोग ईं बात पर बिस्वास किलै नि करदिन? कि परमेस्वर मुरदो तैं ज्यून्दु करदु।

खास चेलों 13:34

“अर परमेस्वर न यीशु मसीह तैं मुरदो मा बटि ज्यून्द कैरी, ताकि उ वेका सरील तैं कबर मा नि सड़ण द्‍यो, अर येका बारा मा इन भि बोलि कि, “‘मि त्वेतै एक पवित्र आसीस द्‍यूलु, जु करार मिन दाऊद का दगड़ा मा कैरी छौ।’

खास चेलों 3:18

अरे, परमेस्वर न पैलि ही अपणा सब रैबर्यों का द्‍वारा इन बुलवै छौ कि जै मसीह तैं मि भेजलु वेतैं यू दुख सौण पोड़लु, अर वेन यीशु मसीह का द्‍वारा वीं भविष्यबाणी तैं इनकै पूरु कैरी दिनी।

यूहन्ना 11:25

तब यीशु न वींकू बोलि, “मुरदो मा बटि ज्यून्दु कन वळु, अर मनखियों तैं जीवन देण वळु मि ही छौं। अर जु कुई मि पर बिस्वास करदु, अगर उ मोरि भि जालु, फिर भि ज्यून्दु होलु।

लूका 24:46

अर वेन ऊंकू बोलि, “इन लिख्यूं च कि मसीह दुख उठालु अर तिसरा दिन मुरयां लोगु मा बटि ज्यून्दु ह्‍वे जालु।

मत्ती 27:53

अर यीशु का मौत मा बटि ज्यून्द होण का बाद, यू लोग भि कबर बटि भैर निकळि गैनी, अर पवित्र नगर यरूशलेम मा जैके भौत सा लोगु तैं दिखैनि।

मत्ती 26:24

अर जन कि पवित्रशास्‍त्र मा मनखि का पुत्र का बारा मा लिख्यूं च, वेका मुताबिक वेकी मौत को होण जरुरी च। मगर हाय च वे मनखि पर जैका द्‍वारा मनखि को पुत्र पकड़वै जान्दु, वे मनखि खुणि त भलु यू ही छौ कि वेको जनम ही नि होन्दु।”

खास चेलों 3:24

अर परमेस्वर का रैबर्या शमूएल न अर वेका बाद औण वळा जथगा भि रैबर्यों न भविष्यबाणी कैरिके बोलि, ऊं सभ्यों न यों दिनों मा होण वळी बातों का बारा मा ही त बतै छौ।

2 कुरिन्थि 4:4

अर इन वु इलै बुल्दिन किलैकि ईं दुनियां मा शैतान न बिस्वास नि करण वळा लोगु का दिमाग तैं बन्द कैरियाली। अर वु ऊंतैं शुभ समाचार की महानता तैं स्वीकार करण से रुकदु, किलैकि उ नि चान्दु कि लोग इन जाणा कि यीशु मसीह कथगा महान च अर पिता परमेस्वर को ही रुप च।