खास चेलों 24:8 - Garhwali

⁸ अर तुम अफि वे बटि ऊं सब बातों का बारा मा पूछताछ कैरी ल्या, जौं बातों को इळजाम हम वे पर लगौणा छां, तब तुमतै सच्‍चै को पता चलि जालु।”

गढवली नयो नियम

⁸ अर यु पर भंगार लगांण वलो तैं तेरु संमणी औंणो को आज्ञा दींनि। तु खुद ही वे तैं जांच के जांणि लीली अर त्वे तैं ऊं सभि बातों का बारा मा पता चलि जालो जीं बात मा हम वे पर भंगार लगांणा छा”)

खास चेलों 24:8 Referans Kwoze

खास चेलों 25:5

अब इन कैरा, तुम अपणा कुछ खास लोगु तैं मेरा दगड़ा मा भेजा, अर अगर वे मनखि न कुई भि गळत काम कर्युं होलु, त फिर तुम वे पर उख दोष लगै सकद्‍यां।”

खास चेलों 23:35

तब वेन बोलि, “जब त्वे पर दोष लगौण वळा इख ऐ जाला, तब मि तेरु फैसला करलु।” तब पौलुस तैं हेरोदेस का राजमहल मा रखण को आदेस दिये गै, अर सिपयों कू इन भि बुले गै कि, “वेकी पैरेदारी कैरा।”

खास चेलों 23:30

अर जब मितैं इन खबर मिली, कि वु लोग ये मनखि तैं जान से मरण की फिराक मा जाळसाजि बणौणा छिन, त मिन येतैं तुरन्त तुमरा पास भेज दिनी। अर दोष लगौण वळा लोगु तैं इन आदेस देई कि वु तुमरा समणि ऐके ही ये मनखि पर लग्यां इळजामो का बारा मा बता।”

लूका 23:14

“तुम लोग ये मनखि तैं मेरा पास इन बोलि के लयां कि यू लोगु तैं भरमौणु च। पर सुणा, मिन तुमरा समणि ये मनखि की जाँच-पड़ताल कैरी, अर जै अपराध को तुमुन ये पर दोष लगै छौ, उन्दरि कुई बात मितैं ये मा नि दिखै,

खास चेलों 24:7

मगर सेनापति लूसियास न येतैं हमरा हाथ बटि जबरन अपणा अधिकार मा ले लिनी, अर इळजाम लगौण वळो तैं आज्ञा दिनी कि तुमरा समणि हाजिरा हो)

खास चेलों 24:9

तब उख अयां यहूदियों न भि वेकी तरफदारी कैरिके बोलि, “हाँ-हाँ, साब यू ठिक बोन्‍नु च अर या बात च।”