खास चेलों 23:12 - Garhwali

¹² अर जब सुबेर ह्‍वे, त यहूदियों न जाळसाजि बणै अर कसम खै, कि जबरि तक हम पौलुस तैं जान से नि मारी द्‍यूला, तबरि तक हमुन कुछ भि खाण-पीण नि च।

गढवली नयो नियम

¹² जब दिन हवे, त कुछ यहूदी लुखुं ल साजिश रचि अर सौं खै कि जब तक उ पौलुस तैं जान से नि मारि दयूला तब तक उ कुछ नि खाला अर न कुछ प्याला।

खास चेलों 23:12 Referans Kwoze

खास चेलों 23:30

अर जब मितैं इन खबर मिली, कि वु लोग ये मनखि तैं जान से मरण की फिराक मा जाळसाजि बणौणा छिन, त मिन येतैं तुरन्त तुमरा पास भेज दिनी। अर दोष लगौण वळा लोगु तैं इन आदेस देई कि वु तुमरा समणि ऐके ही ये मनखि पर लग्यां इळजामो का बारा मा बता।”

खास चेलों 23:21

मगर साब तुम ऊंकी बात नि मणया, किलैकि ऊं लोगु मा बटि चालीस से भि जादा लोग छिन जु पौलुस तैं जान से मरण की ताक मा छिन। अर ऊं लोगु कि इन ठणि च कि जबरि तक हम पौलुस तैं जान से नि मारी द्‍यूला, तबरि तक हमुन कुछ खाण-पीण नि च। अर अब उ तयार छिन, अर तुमरा आदेस को इंतजार कना छिन।”

खास चेलों 23:14

तब वु सब लोग मुख्य पुरोहितों अर अध्यक्ष लोगु का पास जैके बोन्‍न लगि गैनी कि, “हमरि कसम खईं च कि जबरि तक हम पौलुस तैं जान से नि मारी द्‍यूला, तबरि तक हमुन कुछ भि खाण-पीण नि च।

खास चेलों 25:3

अर ऊंन फेस्तुस बटि इन बिन्ती कैरी कि, “साब, वे पौलुस तैं इख यरूशलेम मा बुलै द्‍या।” अर या बात ऊंन इलै बोलि, किलैकि यहूदी लोग न वेतैं अधा बाटा मा जान से मरणे की योजना बणईं छै।

मत्ती 26:4

अर अपणा आपस मा मिली के यीशु का दगड़ा छल कैरिके वेतैं पकड़ण अर जान से मरण की जाळसाजि बणौण लगि गैनी।

गलातियों 3:13

अर मसीह न हमतै नियम-कानूनों का असगार से छुड़ै, अर क्रूस पर चैड़ि के हमरा पापों को असगार खुद पर ले दिनी, किलैकि लिख्यूं च, “जु कुई भि क्रूस पर चड़ये जालु वे पर परमेस्वर को असगार लग्यूं च।”

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

मत्ती 27:25

तब लोगु न वेकू बोलि, “येका ल्वे को हिसाब-किताब हमरा अर हमरि औलादों बटि लिये जौ।”

मत्ती 26:74

तब पतरस न बोलि, “अगर जु मि झूठ्‍ठ बोन्‍नु होलु, त मि पर असगार लगु, मि वेतैं नि जणदु।” अर तबरि मैर बासी गै।

खास चेलों 9:23

अर जब भौत दिन ह्‍वे गैनी, तब यहूदियों न वेतैं जान से मरण की जाळसाजि कैरी,

खास चेलों 9:24

अर यू लोग शाऊल तैं मरणु खुणि दिन-रात वेकी ताक मा नगर का गेट का आस-पास रौन्दा छा, मगर वेतैं ईं जाळसाजि का बारा मा पता चलि गै।

खास चेलों 23:13

अर जौं लोगु न या जाळसाजि बणै छै, ऊं लोगु की गिनती चालीस से जादा छै।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।