खास चेलों 22:30 - Garhwali

³⁰ अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

गढवली नयो नियम

³⁰ हैंका दिन इन जनणु कु कि यहूदी लोग यु पर भंगार किलै लगांणा छिनी सुबदार ल पौलुस का बंधन खोलि दींनि; अर प्रधान याजक अर सैरी महासभा तैं एक ही जगह मा कट्ठा हूंणु कु आज्ञा दींनि, अर पौलुस तैं मुड़ी लिजै के ऊंका संमणी खड़ो कैरी दींनि।

खास चेलों 22:30 Referans Kwoze

खास चेलों 23:28

अर मि जनण चाणु छौ, कि ऊ कैं बात का बाना ये पर दोष लगौणा छिन, इलै मि येतैं ऊंकी यहूदी न्याय समिति मा लि ग्यों।

खास चेलों 21:33

तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

खास चेलों 26:29

वेन बोलि, “मि परमेस्वर से प्रार्थना करदु कि थुड़ा बगत हो या जादा, सिरफ तुम ही ना बल्किन मा जथगा भि लोग मेरी यों बातों तैं सुनणा छिन, सब मि जन मसीह बणि जा अर मेरी इच्छा इन भि च कि ऊ मि जन कैदी नि बणा।”

खास चेलों 23:15

इलै तुम अर न्याय समिति का लोग इन कैरा, कि पलटण का सेनापति तैं समझा, ताकि वु लोग पौलुस तैं तुमरा पास इख लेके आ, अर इन लगण चयेणु कि तुम वेका बारा मा और अच्छी तरौं से जाँच-पड़ताल करण चन्द्‍यां। अर जब उ इख औण वळु होलु, त वेका औण से पैलि ही हम वेतैं जान से मरणु खुणि तयार रौला।”

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।

खास चेलों 21:11

अर उ हमरा पास ऐ अर वेन पौलुस को पठुगु लिनी अर अपणा हाथ-खुटा बान्धि के बोलि, “पवित्र आत्मा इन बुल्दु कि, ‘जै मनखि को यू पठुगु च, वेतैं यरूशलेम नगर मा यहूदी लोग इन्‍नि बन्धला, अर ऊं लोगु का सुपुर्द कैरी द्‍याला जु लोग यहूदी जाति का नि छिन।’”

खास चेलों 5:21

अर यू सुनण का बाद वु सुबेर होन्दी मन्दिर मा जैके उपदेस देण लगि गैनी। तब महा पुरोहित अर वेका सब दगड़्या ऐनी, अर ऊंन न्याय समिति का सब लोगु तैं अर इस्राएली लोगु का सब अध्यक्षों तैं इकट्‍ठा कैरी, अर सिपयों तैं आदेस दिनी कि, “जेलखाना बटि ऊं लोगु तैं इख लेके आ।”

मत्ती 27:2

तब ऊ वेतैं बान्धि के लि गैनी, अर रोमी गवर्नर पिलातुस का हाथ मा सौंप दिनी।

मत्ती 10:17

अर लोगु से चौकस रा, किलैकि उ तुमतै न्याय खुणि पंचैत का हवाला कैरी द्‍याला, अर अपणा प्रार्थना भवनों मा तुम पर कोड़ा मरवाला।

मत्ती 5:22

पर मि तुमतै बतै देन्दु कि, जु कुई भि कै मनखि से नाराज हो, अर वेको अपमान कैरो अर बोलो ‘अरे बेकूप’ त वेतैं कचैरी मा दोषी ठैरै के दण्ड मिललु। अर अगर जु कुई अपणा भै-बैंण कू बोललु ‘अरे मूरख’ त उ नरकलोक की आग मा डळै जालु।

खास चेलों 23:1

अर जब पौलुस लोगु का समणि मूड़ी ऐ, त पौलुस न वीं सभा का लोगु जनै टक लगै के देखि अर बोलि, “हे मेरा भैयों, मिन आज तक परमेस्वर का समणि सच्‍चा मनळ अपणु जीवन बितै।”

खास चेलों 23:6

अर पौलुस तैं ईं बात को पता चलि गै कि इख यहूदी लोगु को न्याय करण वळा लोगु का दुई दल जमा होयां छिन फरीसी अर सदूकी। तब वेन ऊँची मा बोलि, “हे मेरा भैयों, मि फरीसियों का वंश मदि छौं। अर मि मुरदो मा बटि ज्यून्द होण की आस रखदु, अर ईं बात का बानो मि पर मुकदमा चलणु च।”

खास चेलों 23:20

अर वेन वेतैं जबाब दिनी, “साब, यहूदी का मुख्य लोगु की जाळसाजि बणईं च, अर वु बोन्‍ना छा कि वु तुम बटि बिन्ती करला कि तुम पौलुस तैं भोळ यहूदी न्याय समिति मा भेजा। अर ऊंन इन भि बोलि कि इन लगण चयेणु कि हम वेका बारा मा अच्छी तरौं से जाँच-पड़ताल करण चाणा छां।