खास चेलों 22:22 - Garhwali

²² अर भीड़ का लोग अभि तक यों सब बातों तैं सुनणा रैनी, मगर जन्‍नि ऊंन ईं बात तैं सुणी त जोर-जोर से चिल्‍लै के बोलि, “इन्द्रया आदिम तैं त जान से मारी द्‍या, किलैकि यू ईं धरती पर ज्यून्दु रौण का लैख नि च।”

गढवली नयो नियम

²² इख तक त लोग पौलुस की बातों तैं ध्यान से सुनणा रैनी पर तब ऊंचा शब्द बट्टी चिल्लैनी, “इन्दरा आदिम तैं मारि द्या; यु ज्यूंदा रांण का लैख नि च!”

खास चेलों 22:22 Referans Kwoze

खास चेलों 25:24

तब गवर्नर फेस्तुस न बोलि, “महाराज, अर हमरा दगड़ा मा इख जमा होयां सब लोगु, तुम ये मनखि तैं दिखणा छाँ, यू उई मनखि च जैका बारा सब यहूदी लोगु न, अर पूरा यरूशलेम नगर का लोगु न, इख तक कि ये नगर का लोगु न भि चिल्‍लै-चिल्‍लै के मिसे मांग कैरी छै कि अब ये मनखि को ज्यून्द रौण ठिक नि च।

यूहन्ना 19:15

पर ऊ चिलाण लगि गैनी, “वेतैं लि जा, वेतैं लि जा, वेतैं क्रूस पर चड़ै द्‍या।” पिलातुस न ऊंकू बोलि, “त क्या मि तुमरा राजा तैं क्रूस पर चड़ै द्‍यूं?” तब मुख्य पुरोहितों न जबाब देई, “महाराजा का अलावा हमरु कुई दुसरो राजा नि च।”

लूका 23:18

पर वु सब लोग चिल्‍लै के बुलण लगि गैनी, “ना येतैं जान से मारी द्‍या, अर हम खुणि बरअब्बा तैं छोड़ि द्‍या।”

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।