खास चेलों 22:19 - Garhwali

¹⁹ अर मिन बोलि, ‘प्रभु ऊ लोग त खुद ही जणदिन, कि तुम पर बिस्वास करण वळा लोगु तैं मिन प्रार्थना भवनों मा जै-जैके पिटवै अर जेलखाना मा डलवै,

गढवली नयो नियम

¹⁹ “मिल प्रभु मा बोलि, हे प्रभु यु लोग जंणदा छिनी, कि मि एक यहूदियों का मिलणा का भवन मा बट्टी दुसरा यहूदियों का मिलणा का भवन मा ग्यूं ऊं लुखुं तैं बंधि बनांणु कु अर मरणु कु जु त्वे पर विश्वास करदींनि इलै, मि तैं यु समझ मा नि आंद कि यरूशलेम शहर मा यहूदी लोग मि पर विश्वास किलै नि करदींनि।

खास चेलों 22:19 Referans Kwoze

खास चेलों 22:4

“अर मिन यीशु पर बिस्वास करण वळा लोगु तैं भौत सतै, इख तक कि भौतों तैं मार भि दिनी, इख तक कि भौत सि जनानियों अर बैखों तैं बन्धी बणै के जेलखाना मा डलवै दिनी।

मत्ती 10:17

अर लोगु से चौकस रा, किलैकि उ तुमतै न्याय खुणि पंचैत का हवाला कैरी द्‍याला, अर अपणा प्रार्थना भवनों मा तुम पर कोड़ा मरवाला।

खास चेलों 8:3

अर शाऊल न बिस्वासी समुदाय तैं बरबाद करण शुरु कैर दिनी, अर वु घौरों-घौरों मा घुसी के जनानियों अर बैखों तैं खिखोड़ी-खिखोड़ी के निकळदु छौ अर ऊंतैं जेलखाना मा डालि देन्दु छौ।

खास चेलों 9:1

अर यरूशलेम नगर मा शाऊल नौ को उ ज्वान मनखि अभि तक यीशु पर बिस्वास करण वळो तैं धमकौणु ही छौ, अर ऊंतैं जान से मरणे की एक धुन वेमा ऐ गै छै।