खास चेलों 22:12 - Garhwali

¹² “दमिश्क नगर मा हनन्याह नौ को एक आदिम छौ, जु की परमेस्वर का नियम-कानून का मुताबिक चलण वळु एक धरमी मनखि छौ। अर उखा यहूदी लोग वेकी भौत तारीफ करदा छा।

गढवली नयो नियम

¹² उख हनन्याह नौं को एक आदिम छो उ व्यवस्था का अनुसार धर्मी छो, अर उख रांण वला यहूदी लुखुं मा आदरमान छो।

खास चेलों 22:12 Referans Kwoze

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 6:3

इलै हे मेरा भै-बैंणो, अपणा बीच मा बटि सात खास लोगु तैं चुणा जौं तैं लोग अच्छु मणदा हो, बल्किन मा वु पवित्र आत्मा अर अकल मा भि भरपूर हो, ताकि हम ऊंतैं ये काम की जिमेदारी द्‍या।

3 यूहन्ना 1:12

अर सब लोग दिमेत्रियुस भै की तारीफ करदिन, अर उ परमेस्वर की सच्‍चै का मुताबिक ही अपणा जीवन तैं चलौन्दु। अर मि भि ईं बात को गवा छौ अर तू जणदी छै कि मेरी गवै सच्‍चि च।

इब्रानी 11:2

अर बिस्वास रखण की वजै से ही हमरा पितर परमेस्वर की नजर मा स्वीकार किये गैनी।

1 तीमुथियुस 3:7

अर बिस्वास नि करण वळा लोगु मा भि वेको नौ हो, निथर वु लोग वेकी बेजती करला अर उ शैतान का जाल मा फंसी जालु।

2 कुरिन्थि 6:8

अर कुछ लोग इन छिन जु कि हमतै इज्‍जत देन्दिन, मगर कुछ हम पर इळजाम लगौन्दिन। कुछ हमरि बुरै ही करदिन, मगर कुछ हम खुणि भली-भली बात बुल्दिन। अर कुछ लोग इन्द्रया भि छिन जु कि हमतै झूठ्‍ठु साबित कन चनदिन, मगर कुछ हमरि सच्‍चै तैं बतौन्दिन।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

लूका 2:25

अर यरूशलेम नगर मा शमौन नौ को एक मनखि छौ, जु की धरमी अर भक्‍त छौ। अर उ इस्राएली लोगु का छुटकारा खुणि मसीह को इंतजार कनु छौ, अर पवित्र आत्मा वे पर छौ।