खास चेलों 21:34 - Garhwali

³⁴ तब भीड़ का लोगु मा चिल्‍ला-चिल्‍ल मची गै अर ऊंन अलग-अलग बात बोलि, अर इन होण की वजै से वेतैं सच्‍चै को पता नि चल पै, इलै वेन अपणा सिपयों तैं हुकम दिनी कि येतैं किला मा लेके चला।

गढवली नयो नियम

³⁴ पर भीड़ मा बट्टी लोग अलग-अलग बात कन लगि गैनी अर जब हला कि वजह ल उ असली बात नि जांणि सकिनि, त वेल पौलुस तैं किला का भितर लिजांणै कि आज्ञा दींनि।

खास चेलों 21:34 Referans Kwoze

खास चेलों 23:10

अर झगड़ा इथगा ह्‍वे गै कि रोमी पलटण का सेनापति तैं डौऽर लगि गै, कि कखि यू लोग पौलुस का टुकड़ा-टुकड़ा नि कैर द्‍या, तब वेन पलटण तैं आज्ञा दिनी की मूड़ी जा अर पौलुस तैं जबरन वीं सभा बटि लेके आ अर किला मा लि जा।

खास चेलों 19:32

अर वे कमरा मा चिल्‍ला-चिल्‍ल मची छै, किलैकि वु लोग भरम मा छा, कुछ लोग एक बात बोन्‍ना छा अर कुछ लोग दुसरि ही बात। अर ऊं मदि भौत सा इन छा जौं तैं त इन भि पता नि छौ, कि आखिर हम इख अयां किलै छां।

खास चेलों 23:16

अर या बात पौलुस का भंणजळ सुणी दिनी, कि ऊ वेतैं मरण खुणि दुबकी जाला, तब वेन किला मा जैके पौलुस तैं ईं बात की खबर दिनी।

खास चेलों 22:24

तब पलटण का सेनापति न हुकम दिनी कि, “येतैं किला का भितर लि जा अर कोड़ा मारी के पूछताछ कैरा, ताकि मितैं इन पता चलि जौ कि आखिर मा यू लोग येका खिलाप मा किलै चिल्‍लाणा छिन।”

खास चेलों 21:37

अर जब सिपै लोग पौलुस तैं किला का भितर लि जाणा छा, त वेन पलटण का सेनापति कू यूनानी भाषा मा बोलि, “साब, क्या मि कुछ बोलि सकदु छौं?” सेनापति न बोलि, “तू यूनानी भाषा जणदी छैई?

खास चेलों 22:30

अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

खास चेलों 25:26

मगर येका बारा मा ठिक-ठिक लिखणु खुणि मि मा कुछ खास बात नि छै, कि मि महाराजा खुणि लिखुं। इलै मि ये मनखि तैं तुम सभ्यों का समणि अर खास कैरिके राजा अग्रिप्पा का समणि लेके अयूं, ताकि येकी जाँच-पड़ताल करण का बाद मितैं येका बारा मा लिखणु खुणि कुछ मिली सैको।

खास चेलों 23:32

अर दुसरा दिन सत्तर घुड़सवार सिपयों का दगड़ा मा, जु सिपै पैदल ग्यां छा यों न ऊंतैं पौलुस का दगड़ा मा छोड़ि दिनी अर खुद किला खुणि वापिस ऐ गैनी, ताकि घुड़सवार सिपै वेतैं कैसरिया नगर लि जा।