खास चेलों 21:33 - Garhwali

³³ तब सेनापति पौलुस का पास ऐ, अर वेन वेतैं पकड़ण को अर बेड़ियों मा बन्धण को आदेस दिनी। तब वेन पूछी, “कु च यू अर क्या कैरी येन?”

गढवली नयो नियम

³³ तब पलटण का सेनापति ल पौलुस का नजदीक ऐ के वे तैं गिरफ्तार कैरी के द्वी संगलों बट्टी बंधि के भीड़ तैं पुछण लगि गै; “यु आदिम कु च, अर येल क्य कैरी ?”

खास चेलों 21:33 Referans Kwoze

इफिसुस 6:20

अर मितैं शुभ समाचार को परचार करणु खुणि ही भेजि गै, अर अब मि इख बेड़ियों मा बन्धयूं छौं। हे मेरा दगड़्यों, मि खुणि प्रार्थना कर्यां कि जब मि शुभ समाचार को परचार कैरुं, त बड़ी हिम्मत से कैरी सैकु।

खास चेलों 21:11

अर उ हमरा पास ऐ अर वेन पौलुस को पठुगु लिनी अर अपणा हाथ-खुटा बान्धि के बोलि, “पवित्र आत्मा इन बुल्दु कि, ‘जै मनखि को यू पठुगु च, वेतैं यरूशलेम नगर मा यहूदी लोग इन्‍नि बन्धला, अर ऊं लोगु का सुपुर्द कैरी द्‍याला जु लोग यहूदी जाति का नि छिन।’”

खास चेलों 20:23

अर पवित्र आत्मा न मितैं इन चितैयाली, कि पौलुस हरेक नगर मा त्वेतै कैद मा रौण पोड़लु अर दुख-तकलीफ सौण पोड़लि।

खास चेलों 12:6

अर जब राजा हेरोदेस अग्रिप्पा पतरस तैं आम लोगु का समणि लाण वळु छौ वीं ही रात पतरस दुई सिपै का बीच मा सिणु छौ अर वेतैं दुई संगुळोन बन्धयूं छौ। अर पैरेदार जेलखाना का द्‍वार पर पैरा दिणा छा।

खास चेलों 28:20

अर मिन तुमतै इख इलै बुलै, ताकि तुम बटि मिलु अर बात-चित कैरी सैकु, अर जै मसीह औण की आस इस्राएली लोगु न रखी च, वे ही मसीह का बारा मा परचार करण का बानो आज मि इख बेड़ियों मा बन्धयूं छौं।”

खास चेलों 22:29

इलै जु लोग वेतैं पूछताछ कैरिके कोड़ा मरण वळा छा, वु सब पिछनै हटि गैनी। अर पलटण को सेनापति भि ईं बात तैं जाणि के भौत डौऽरी गै, कि मिन एक रोमी मनखि तैं बन्धी बणै के रख्युं च।

2 तीमुथियुस 2:9

अर ये शुभ समाचार तैं सुनौण का खातिर ही मि दुख-तकलीफ उठाणु छौं। अर इख तक कि यों न मितैं एक कैदी का जन बेड़ियों से बान्धि के जेलखाना मा रख्युं च, पर तभि भि परमेस्वर का वचन तैं फैलण से कुई नि रोकी सकदु।

2 तीमुथियुस 1:16

अर मि प्रार्थना करदु, कि उनेसिफुरुस का घौर मा रौण वळा सब लोगु पर परमेस्वर कि दया हो, किलैकि जब मि बेड़ियों मा कैद होयुं छौ, तब उ मितैं मिलण से नि सरमै। पर उ बार-बार मितैं मिलणु कू ऐ अर वेन मेरी हिम्मत भि बढै।

खास चेलों 26:29

वेन बोलि, “मि परमेस्वर से प्रार्थना करदु कि थुड़ा बगत हो या जादा, सिरफ तुम ही ना बल्किन मा जथगा भि लोग मेरी यों बातों तैं सुनणा छिन, सब मि जन मसीह बणि जा अर मेरी इच्छा इन भि च कि ऊ मि जन कैदी नि बणा।”

खास चेलों 25:16

पर मिन ऊंतैं जबाब दिनी कि, हमरि ज्वा रीति च वेका मुताबिक आरोपी अर आरोप लगौण वळु मनखि जबरि तक अमणि-समणि नि हो, अर आरोपी मनखि अपणी सफै मा नि बोलो, तबरि तक हम वेतैं दण्ड देणु खुणि दुसरा लोगु का सुपुर्द नि कैरी सकद्‍यां।

खास चेलों 22:30

अर पलटण को सेनापति ईं बात तैं अच्छे से जनण चाणु छौ, कि आखिर मा यहूदी लोग ये पर दोष किलै लगौण छिन। इलै वेन दुसरा दिन पौलुस की बेड़ियों तैं खोली दिनी, अर मुख्य पुरोहितों अर यहूदी लोगु की न्याय समिति का सब लोगु तैं इकट्‍ठा होण को आदेस दिनी। तब पौलुस तैं किला बटि मूड़ी यों लोगु का समणि लये गै।

फिलिप्पी 1:7

अर तुमरा बारा मा मेरु ख्याल बिल्कुल ठिक च, किलैकि तुम खुणि मेरा दिल मा एक खास जगा च, अब चै मितैं संगुळोन बान्धि के कैद होण की बात हो, या शुभ समाचार की हिफाजत कैरिके वेतैं सच्‍चु साबित करण की बात हो, तुम सभि मेरा दगड़ा मा परमेस्वर की महान किरपा का हिस्सेदार छाँ।