खास चेलों 21:32 - Garhwali

³² तब उ तुरन्त सिपयों तैं अर कुछ सुबेदारों तैं लेके मूड़ी नगर मा ऊंका पास भागी के ऐ। अर जब लोगु न पलटण का सेनापति अर सिपयों तैं देखि, त ऊंन पौलुस तैं पीटण छोड़ि दिनी।

गढवली नयो नियम

³² तब उ झट कैरी के अपड़ा सिपैयूं दगड़ी उख गै अर सुबदारों तैं ले के वेमा दौड़ि ऐ; अर लुखुं की भीड़ सिपैयूं का झुण्ड का सरदार तैं अर सिपैयूं तैं देखि के पौलुस तैं मरण पिटण बंद कैरी दींनि।

खास चेलों 21:32 Referans Kwoze

खास चेलों 23:27

“श्रीमान, ये मनखि तैं मि तुमरा पास भेजणु छौं, येतैं यहूदी लोग पकड़ी के जान से मरण वळा छा, मगर मिन ठिक बगत पर अपणा सैनिको का दगड़ा मा उख पौंछी के येतैं बचै दिनी, किलैकि मितैं इन पता चलि गै छौ कि यू एक रोमी मनखि च।

खास चेलों 5:40

तब न्याय समिति का लोगु न खास चेलों तैं बुलै अर ऊंतैं पिटवै। अर ऊंतैं इन आज्ञा देके छोड़ि दिनी, कि यीशु नौ की चर्चा फिर नि कर्यां।

खास चेलों 24:6

अर येन मन्दिर तैं अशुद्ध करण चै, मगर हमुन येतैं पकड़ी दिनी। (अर हम येको न्याय अपणा नियम-कानूनों का मुताबिक करण चन्द्‍यां

खास चेलों 22:19

अर मिन बोलि, ‘प्रभु ऊ लोग त खुद ही जणदिन, कि तुम पर बिस्वास करण वळा लोगु तैं मिन प्रार्थना भवनों मा जै-जैके पिटवै अर जेलखाना मा डलवै,

खास चेलों 18:17

अर सब लोगु न प्रार्थना भवन का मुखिया सोस्थिनेस तैं पकड़ी, अर येतैं न्याय आसन का समणि ही पीटि दिनी। मगर गवर्नर गल्‍लियो न ईं बात पर कुछ भि ध्यान नि देई।

यूहन्ना 18:12

तब सैनिको न अर ऊंका सुबेदार न अर यहूदियों का मन्दिर का पैरादारों न यीशु तैं पकड़ी के बान्धि दिनी।