खास चेलों 21:3 - Garhwali

³ अर जब हम जाणा छा, त अधा बाटा मा हमतै साइप्रस टापू दिखै जु की हमरा बैं तरफा छौ। मगर हम उख नि ग्यां, बल्किन मा सीरिया देस की तरफा चलदि ग्यां अर सूर नगर मा उतरि ग्यां, किलैकि जाज को समान इख उतरण छौ।

गढवली नयो नियम

³ हम तैं बैं तरपां साइप्रस द्वीप दिखै द्ये। हम उख बट्टी हवे कैरी के सीरिया प्रदेश की तरपां बढ़दी रां अर सूर शहर तक पौंछि ग्यां, किलैकि उख जहाज बट्टी समान उतरै जांण छो।

खास चेलों 21:3 Referans Kwoze

खास चेलों 27:4

अर येका बाद हमुन इख बटि पाणि का जाज की यात्रा फिर से शुरु कैरी, मगर हवा जाज का खिलाप मा चलणी छै, इलै हम साइप्रस टापू की आड़ मा ह्‍वेके चलयां,

खास चेलों 21:16

अर कैसरिया नगर बटि कुछ बिस्वासी लोग भि हमरा दगड़ा मा ऐनी, अर वु हमतै साइप्रस टापू का एक पुरणा बिस्वासी का इख लि गैनी, जैको नौ मनासोन छौ अर हम इखि रयां।

खास चेलों 12:20

अर राजा हेरोदेस अग्रिप्पा सूर अर सैदा नगर का लोगु पर भौत गुस्सा करदु छौ। तब दुई जगा का कुछ लोग एक मन ह्‍वेके राजा से मिलणु कू ऐनी, मगर पैलि ऊ राजा का करमचारी बलास्तुस तैं मनौण लगि गैनी अर वेसे बिन्ती कैरी, कि हमरु राजा का दगड़ा मा समझौता करवै द्‍या। अर इन ऊंन इलै कैरी, किलैकि राजा हेरोदेस का मुलक बटि ऊंका मुलक खुणि रासन-पाणि औन्दु छौ।

खास चेलों 4:36

अर साइप्रस टापू को एक बिस्वासी मनखि जैको नौ यूसुफ छौ, यू लेवी गोत्र को छौ, अर खास चेलों न वेको नौ बरनबास रखी (जैको मतलब च दिलासा देण वळु)।

मत्ती 4:24

अर पूरा सीरिया मुलक मा वेकी चर्चा फैली गै। अर लोग वेका पास बन्‍नि-बन्‍नि किसम का दुख-बिमारियों मा पोडयां लोगु तैं, अर खबेस लग्यां लोगु तैं लेके ऐनी। अर जौं लोगु पर मिर्गी औन्दी छै, अर जु लोग लकवा मा पोड़यां छा ऊंतैं भि यीशु का पास लये गै अर वेन ऊं सब लोगु तैं खूब कैरी।

खास चेलों 18:18

अर येका बाद भौत दिनों तक पौलुस कुरिन्थि नगर मा रै। अर वेका बाद बिस्वासी भै-बैंणो बटि विदै लेके पाणि का जाज से सीरिया मुलक कू चलि गै, अर वेका दगड़ा मा प्रिस्किल्‍ला बैंण अर अक्‍किला भै भि छौ। अर किंख्रिया नगर मा ऐके पौलुस न अपणु मुण्ड़ मुण्ड़वै, किलैकि वेन प्रभु बटि एक मन्‍नत मंगी छै।

खास चेलों 15:41

अर सीरिया मुलक अर किलिकिया मुलक बटि ह्‍वेके वेन बिस्वासी समुदाय का भै-बैंणो तैं ऊंका बिस्वास मा मजबूत कैरी।

खास चेलों 15:39

अर ईं बात तैं लेके पौलुस अर बरनबास का बीच मा भौत खतरनाक बहसबाजी ह्‍वे गै, अर ऊ दुईया का दुई अलग ह्‍वे गैनी। तब बरनबास मरकुस का दगड़ा पाणि का जाज मा बैठि के साइप्रस टापू कू चलि गै।

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

खास चेलों 13:4

तब बरनबास अर शाऊल पवित्र आत्मा का द्‍वारा सिलूकिया नगर कू भेजि गैनी अर इख पौंछण का बाद ऊ एक पाणि का जाज मा बैठि के साइप्रस टापू कू चलि गैनी।

खास चेलों 11:19

अर स्तिफनुस की मौत का बाद बटि जु सतौ बिस्वासी समुदाय का लोगु पर ऊं दिनों मा किये जाणु छौ, वां की वजै से बिस्वासी लोग तितर-बितर ह्‍वे गै छा। अर वु सब लोग साइप्रस टापू मा, फीनीके मुलक मा इख तक की अन्ताकिया नगर तक चलि गैनी, अर ऊंन केवल यहूदी लोगु तैं ही वचन सुणै।

लूका 10:13

तब यीशु न इन बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोग न कभि टाट ओड़ि के अर छारा मा बैठि के पस्ताप कैरी देण छौ।

लूका 2:2

जब रोमी सरकार का द्‍वारा या पैलि जनगणना ह्‍वे, त वे बगत पर क्‍विरिनियुस सीरिया मुलक को गवर्नर छौ।

मत्ती 11:21

यीशु न बोलि, “हे खुराजीन अर बैतसैदा नगर का लोगु तुम पर हाय च, किलैकि जु चमत्कारिक काम तुमरा इख किये गैनी, अगर ऊ काम सूर अर सैदा नगर मा किये जान्दा, त उखा लोगु न कभि टाट ओड़ि के अर छारा मा बैठि के पस्ताप कैरी देण छौ।

खास चेलों 21:2

अर इख हमतै एक जाज मिली, जु की फीनीके मुलक कू जाणु छौ, अर हम वे जाज मा बैठि ग्यां तब हमुन पाणि का ये जाज से अपणी यात्रा शुरु कैरी।

खास चेलों 21:7

अर जब हम सूर नगर बटि निकळि के पतुलिमयिस नगर पौंछयां, त हमरि समुन्दर की या यात्रा भि पूरि ह्‍वे गै। अर ये पतुलिमयिस नगर मा हमुन बिस्वासी भै-बैंणो का दगड़ा मा मुलाकात कैरी अर इख एक दिन तक रुक्यां रयां।