खास चेलों 21:24 - Garhwali

²⁴ अर यों लोगु तैं अपणा दगड़ा मन्दिर मा लि जा, अर ऊंका दगड़ा मा शुद्धिकरण का रीति-रिवाजों तैं पूरु कैर, अर ऊंको मुण्ड़न करौण को खर्च-पाणि भि तू ही उठे। अर इन देखि के सब लोग जाणि जाला, कि जु बात तेरा बारा मा बतये गैनी, वु सब झूठ्‍ठी छै। अर इन करण से ऊंतैं इन पता चलि जालु, कि तू भि नियम-कानूनों का मुताबिक चलदि।

गढवली नयो नियम

²⁴ ऊं तैं लिजै के ऊं दगड़ी तु अफ तैं भि शुद्ध कनै की विधि पूरी कैर; अर ऊंकु खर्च दे, कि उ अपड़ा मुंड मुंड़ौनु। तब सभि लोग जांणि जाला, कि जु बात ऊंल तेरु बारा मा सुणये गै, कि ऊंकी कुई जड़ नि च पर तु अफ भि मूसा की व्यवस्था तैं मांणी के वेका अनुसार चलदी छै।

खास चेलों 21:24 Referans Kwoze

खास चेलों 21:26

अर फिर दुसरा दिन पौलुस ऊं चार आदमियों तैं अफ दगड़ा लि गै। अर शुद्धिकरण का रीति-रिवाज पूरा करण का बाद मन्दिर मा गै, अर उख वेन बतै कि शुद्ध होण का दिन कब पूरा होला, अर हम मा बटि हरेक खुणि कब बलिदान चड़ये जालु।

खास चेलों 24:18

“अर जब मि यू काम कनु छौ, त आसिया मुलक का कुछ यहूदी लोग मितैं मन्दिर मा मिलिनी, अर वे बगत तक त मिन अफ तैं शुद्ध कैरियाली छौ। अर उख मेरा दगड़ा मा कुई भीड़ नि छै, अर ना ही उख कई दंगा ह्‍वे,

खास चेलों 18:18

अर येका बाद भौत दिनों तक पौलुस कुरिन्थि नगर मा रै। अर वेका बाद बिस्वासी भै-बैंणो बटि विदै लेके पाणि का जाज से सीरिया मुलक कू चलि गै, अर वेका दगड़ा मा प्रिस्किल्‍ला बैंण अर अक्‍किला भै भि छौ। अर किंख्रिया नगर मा ऐके पौलुस न अपणु मुण्ड़ मुण्ड़वै, किलैकि वेन प्रभु बटि एक मन्‍नत मंगी छै।

1 कुरिन्थि 9:20

इलै जु जन छौ, मि ऊं खुणि उन्‍नि बणि ग्यों। मि खुद त मूसा रैबर्या का द्‍वारा दियां नियम-कानूनों से आजाद ह्‍वे ग्यों। मगर फिर भि जब मि यहूदी लोगु का दगड़ा मा रौन्दु त मि ऊं खुणि नियम-कानून का मुताबिक ही चलदु, ताकि वु यीशु मसीह पर बिस्वास कैरा।

गलातियों 2:12

अर मिन वेको विरोध इलै कैरी, किलैकि पैलि उ ऊं लोगु का दगड़ा मा खान्दु-पीन्दु छौ जु यहूदी जाति का नि छिन, पर जब याकूब भै का दगड़ा का कुछ यहूदी लोग अन्ताकिया नगर मा ऐनी, त कैफा भै यहूदी लोगु की डौऽर की वजै से ऊं लोगु का दगड़ा मा खाण-पीण से पिछनै हटणु छौ अर इन कैरिके वु कनि कटण लगि गै।

यूहन्ना 11:55

अर यहूदियों को फसह को त्योवार औण वळु छौ। अर फसह का त्योवार से पैलि भौत सरा लोग अफ तैं शुद्ध करणु कू ग्‍वोंऽ बटि निकळि के यरूशलेम नगर कू गैनी।

यूहन्ना 3:25

फिर एक दिन एक यहूदी मनखि को यूहन्‍ना का चेलों का दगड़ा मा शुद्धिकरण का खातिर बहसबाजी ह्‍वे।