खास चेलों 21:22 - Garhwali

²² अर ईं बात का बारा मा त लोगु तैं पता चलि जाण, कि तू इख अईं छैई अब बतौ हम क्या कैरा?

गढवली नयो नियम

²² त फिर क्य करे जौं? लुखुं ल जरूर सुनण कि तु इख ऐ छै।

खास चेलों 21:22 Referans Kwoze

खास चेलों 15:22

अर बिस्वासी समुदाय का सब लोगु तैं, खास चेलों अर अध्यक्ष लोगु तैं याकूब की बुलिं बात अच्छी लगिनी। तब ऊं लोगु न इन फैसला कैरी कि हम मा बटि कुछ लोगु तैं चुणी के पौलुस अर बरनबास का दगड़ा मा अन्ताकिया नगर कू भेजि जौ। तब ऊंन यहूदा तैं जैकू बरसब्बा भि बुल्दिन अर सीलास तैं चुणी, अर यू लोग बिस्वासी भै-बैंणो का मुखिया छा।

खास चेलों 15:12

अर फिर सभा का सब लोग चुपचाप ह्‍वेके बरनबास अर पौलुस की गवै तैं सुनण लगि गैनी, कि परमेस्वर न कनकै दुसरि जाति का लोगु का बीच मा ऊंका द्‍वारा बड़ा-बड़ा काम अर चमत्कार करिनी।

खास चेलों 19:32

अर वे कमरा मा चिल्‍ला-चिल्‍ल मची छै, किलैकि वु लोग भरम मा छा, कुछ लोग एक बात बोन्‍ना छा अर कुछ लोग दुसरि ही बात। अर ऊं मदि भौत सा इन छा जौं तैं त इन भि पता नि छौ, कि आखिर हम इख अयां किलै छां।

खास चेलों 21:21

अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

खास चेलों 21:23

इलै जन हम त्वेकू बुल्द्‍यां तू उन्‍नि कैर, सुण, इख हमरा चार आदिम छिन जौं की मन्‍नत मंगी च।

1 कुरिन्थि 14:15

इलै हे मेरा भै-बैंणो, इन्दरि हालत मा क्या कन चयेणु? मि बस इन चान्दु कि जब मि पवित्र आत्मा का द्‍वारा प्रार्थना कैरुं, त लोग भि वीं बात तैं समझि सैका। अर जब मि पवित्र आत्मा का द्‍वारा आत्मिक भजन गौं, त मेरा दगड़ा का लोग ऊं भजनों को मतलब समझि सैका।