खास चेलों 21:21 - Garhwali

²¹ अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

गढवली नयो नियम

²¹ अर उन यहूदी विश्वासियों ल तेरु बारा मा ऊं तैं दूसरों का द्वारा बतै गै, कि तु अन्यजाति का बीच मा रांण वला यहूदियों तैं मूसा की व्यवस्था तैं छोड़ी दींण सिखांदी, अर बुल्णी छै, कि अपड़ा बच्चों को खतना करावा अर न यहूदी रीति-रिवाजों पर चला।

खास चेलों 21:21 Referans Kwoze

खास चेलों 21:28

अर चिल्‍लै के बोलि, “हे इस्राएली लोगु, ये मनखि तैं सजा देण मा हमरि मदद कैरा, किलैकि यू उई आदिम च जु हमरा लोगु का खिलाप मा, नियम-कानूनों अर हमरा मन्दिर का खिलाप मा, सब जगा का लोगु तैं शिक्षा देन्दु, इख तक की यूनानी लोगु तैं मन्दिर मा लेके येन ईं पवित्र जगा तैं भि अशुद्ध कैरियाली।”

खास चेलों 28:17

अर तीन दिन का बाद पौलुस न यहूदियों का खास लोगु तैं एक साथ बुलै। अर जब वु इकट्‍ठा ह्‍वेनि, त वेन ऊंकू बोलि, “हे मेरा भैयों, मिन अपणा लोगु या अपणा पितरों की रीति-रिवाजों का खिलाप मा कुछ भि नि कैरी। फिर भि यरूशलेम नगर का लोगु न मितैं कैदी बणै के रोमियों का सुपुर्द कैरी दिनी।

खास चेलों 16:3

अर पौलुस चान्दु छौ, कि तीमुथियुस वेका दगड़ा मा अऽ। इलै वेन वे मुलक का यहूदी लोगु का बाना वेको खतना करवै, ताकि उ वेकू कुछ नि बोलि सैका। किलैकि यहूदी लोग जणदा छा, कि वेको बुबा यूनानी जाति को च।

खास चेलों 21:22

अर ईं बात का बारा मा त लोगु तैं पता चलि जाण, कि तू इख अईं छैई अब बतौ हम क्या कैरा?

1 थिस्सलुनीकी 2:16

किलैकि यू लोग हमतै ऊं लोगु का बीच मा शुभ समाचार को परचार करण से रुकदिन जु यहूदी जाति का नि छिन। अर इन वु इलै करदिन, कखि ऊंतैं भि बचयै नि जौ, पर इन कैरिके विरोध करण वळा वु लोग न्याय का दिन पर अफु खुणि पाप को घौडु भोरी देन्दिन। मगर ऊं लोगु पर परमेस्वर को खतरनाक गुस्सा दण्ड रुप मा ऐ गै।