खास चेलों 21:18 - Garhwali

¹⁸ अर वेका दुसरा दिन पौलुस अर हम सभ्या का सभि याकूब का घौर ग्यां, अर उख बिस्वासी समुदाय का सब अध्यक्ष इकट्‍ठा होयां छा।

गढवली नयो नियम

¹⁸ हैंका दिन पौलुस हम तैं ले के याकूब मा गै, जख मण्डलि का सब पुरणा अगुवा कट्ठा हुयां छा।

खास चेलों 21:18 Referans Kwoze

गलातियों 1:19

अर उख मेरी मुलाकात प्रभु यीशु का भै याकूब से ह्‍वे, अर वेका अलावा मेरी मुलाकात कै दुसरा खास चेला का दगड़ा मा नि ह्‍वे।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।

खास चेलों 15:13

पौलुस अर बरनबास की गवै खतम होण का बाद याकूब न बोलि, “हे मेरा भै-बैंणो मेरी बात तैं सुणा,

खास चेलों 11:30

अर ऊंन ठिक इन्‍नि कैरी अर या मदद ऊंन इकट्‍ठा कैरिके बरनबास अर शाऊल का द्‍वारा बिस्वासी समुदाय का अध्यक्षों का पास भेजि।

याकूब 1:1

हे मेरा भै-बैंणो, मि परमेस्वर अर प्रभु यीशु मसीह को सेवक याकूब छौं। अर पूरि दुनियां मा तितर-बितर होयां इस्राएल का बारह गोत्र का बिस्वासी लोगु खुणि या चिठ्‍ठी लिखणु छौं। तुम सभ्यों कू मेरु सलाम।

खास चेलों 20:17

तब पौलुस न मिलेतुस नगर बटि इफिसुस नगर का बिस्वासी समुदाय का अध्यक्षों खुणि रैबार भेजि, कि तुम इख ऐ जा।

खास चेलों 15:23

अर ऊंका हाथ ऊंन एक चिठ्‍ठी भेजि जैमा इन लिख्यूं छौ कि: सीरिया मुलक, किलिकिया मुलक, अर अन्ताकिया नगर मा रौण वळा हमरा प्यारा भै-बैंणो, तुम जु दुसरि जातियों मदि छाँ, तुम सब लोगु तैं बिस्वासी समुदाय का लोगु की तरफा बटि अर खास चेलों अर अध्यक्षों की तरफा बटि हमरु, सलाम।

खास चेलों 15:6

तब खास चेला अर अध्यक्ष लोग ईं बात का बारा मा बात-चित करणु खुणि इकट्‍ठा ह्‍वेनि।

खास चेलों 15:2

तब पौलुस अर बरनबास की ऊं लोगु का दगड़ा मा ईं बात का बानो वाद-विवाद ह्‍वे, अर यू वाद-विवाद कुछ जादा ही बढी गै। तब बिस्वासी समुदाय का लोगु न ये सवाल का जबाब तैं पौण का बानो पौलुस अर बरनबास तैं अर ऊंका दगड़ा मा बिस्वासी समुदाय का कुछ और लोगु तैं यरूशलेम नगर कू भेजि, ताकि ऊ उख जैके खास चेलों अर अध्यक्षों बटि ईं बात को जबाब पै सैका।

खास चेलों 12:17

तब पतरस न ऊंतैं चुप रौण खुणि हाथळ इसारा कैरी, अर वेन सभ्यों तैं बतै कि प्रभु न वेतैं कनकै जेलखाना बटि भैर निकाळि। अर वेन ऊंकू बोलि, “यू सब बात याकूब अर दुसरा बिस्वासी भै-बैंणो तैं भि बतै दियां।” तब उ उख बटि निकळि के दुसरि जगा कू चलि गै।

मत्ती 10:2

अर यीशु का खास चेलों का नौ इन छिन, शमौन, जैकू पतरस भि बुले जान्दु, अर वेकू भै अन्द्रियास, जबदी का दुई नौना याकूब अर वेको भै यूहन्‍ना,

खास चेलों 24:11

“साब, मि परमेस्वर की भक्‍ति करणु खुणि यरूशलेम नगर मा अयूं अर अभि मितैं बारह दिन ही ह्‍वे छा, अर ईं बात को पता तुम अफि लगै सकद्‍यां।