खास चेलों 21:13 - Garhwali

¹³ मगर पौलुस न ऊंकू बोलि, “तुम रुवे-रुवे के मेरु हौसला किलै कम कना छाँ? मेरी बात को यकीन कैरा, मि प्रभु यीशु का नौ का खातिर यरूशलेम नगर मा बन्धी बणणु खुणि ही ना, बल्किन मा मुरण खुणि भि तयार छौं।”

गढवली नयो नियम

¹³ पर पौलुस ल बोलि, “तुम कन छा, कि रौवे-रौवे के मेरू दिल किलै दुखांणा छा? मि प्रभु यीशु का नौं कु न भस यरूशलेम शहर मा बंधे जांणु कु बल्कि मुरण कु भि तैयार छौं।”

खास चेलों 21:13 Referans Kwoze

खास चेलों 20:24

मगर मितैं अपणी जान की भि कुई परवा नि च, ताकि जै काम की शुरुवात मिन कैरी अर जु काम प्रभु यीशु न मि मा सौंपी वेतैं मि पूरु कैरुं, याने कि मि परमेस्वर की किरपा को शुभ समाचार लोगु तैं बतै सैकु।

फिलिप्पी 2:17

अर प्रभु मा तुमरा बिस्वास अर तुमरा द्‍वारा किये जाण वळी सेवा, परमेस्वर खुणि अरपण मा चड़ईं भेंट का जन च, अर अगर जु मितैं अपणु बलिदान या अपणु खून एक खास तेल की तरौं चड़ौण पोड़लु, त तभि भि मि खुश छौं अर मि ईं खुशी को साझा तुमरा दगड़ा मा भि करदु।

2 तीमुथियुस 4:6

अर जख तक मेरी बात च, त या बात मि इलै बोन्‍नु छौं, किलैकि अब मेरा जीवन तैं अरपण करण को बगत याने की अब ईं दुनियां बटि विदै लेण को बगत ऐ गै।

दिब्य दरस 12:11

अर ऊंन प्रभु का रैबार अर मेम्‍ना का ल्वे का द्‍वारा शैतान पर जीत हासिल कैरी, किलैकि ऊंन अपणी जान की भि परवा नि कैरी बल्किन मा मुरणु खुणि भि तयार छा।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

2 पतरस 1:14

किलैकि मि यों बातों तैं जणदु छौं कि अब ये सरील तैं छोड़ि के जाण को बगत नजदीक ऐ गै। अर यू सब त मि इलै बोन्‍नु छौं, किलैकि यू सब प्रभु यीशु मसीह न मि पर परगट कैरियाली।

खास चेलों 20:37

अर प्रार्थना खतम होण का बाद इन ह्‍वे, कि ज्वा बात पौलुस न बोलि छै कि अब से तुमुन मितैं फिर नि दिखण, ईं बात तैं याद कैरिके ऊ सब लोग भौत जादा दुखी छा। तब ऊंन पौलुस तैं गौळा लगै अर रुंण लगि गैनी, अर वेकी भूकि पीण लगि गैनी। अर येका बाद ऊ वेतैं छुड़णु खुणि जाज का पास तक ऐनी।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

2 तीमुथियुस 1:4

अर तीमुथियुस जब तू मेरा बाना रुवे छै, ऊ सब मितैं याद औन्दु। अर मेरी इच्छा होन्दी कि मि त्वे बटि मिलु, ताकि मेरी खुशी को कुई ठिकाणु नि रौ।

1 कुरिन्थि 15:31

हे मेरा भै-बैंणो, मि कै दिन भि मोरि सकदु, मगर मि कसम खै के बुल्दु कि तुमरि खातिर मेरु मोन भौत बड़ु होन्दु, किलैकि तुम हमरा प्रभु यीशु मसीह पर बिस्वास करद्‍यां, इलै मि कसम खै के बुल्दु कि मितैं हरेक दिन मौत को सामना कन पोड़दु।

खास चेलों 9:16

अर मि वेतैं बतौलु, कि मेरा नौ का बानो वेतैं कथगा जादा दुख उठौण पोड़लु।”

फिलिप्पी 2:26

अर तुमुन इपफ्रुदीतुस भै का बारा मा सुणी कि वु भौत बिमारि च। हाँ, या बात सच्‍चि च कि उ भौत बिमार ह्‍वे गै छौ, इख तक कि उ मुरण वळु छौ, मगर पिता परमेस्वर न वे पर दया कैरी, बस वे पर ही ना बल्किन मा मि पर भि ताकि मितैं और भि जादा दुख नि झिलण पोड़ो। अर अब इपफ्रुदीतुस भै तुम से मिलणु खुणि भौत बेचेन च अर तरसणु च।