खास चेलों 20:4 - Garhwali

⁴ अर इन ह्‍वे कि जब पौलुस न अपणी यात्रा शुरु कैरी, त वेका दगड़ा मा बिरीया नगर को पुरूर्स को नौनु सोपत्रुस, अर थिस्सलुनीकी नगर को अरिस्तर्खुस अर सिकुन्दुस, अर दिरबे नगर को गयुस, अर आसिया मुलक को तुखिकुस अर त्रुफिमुस छा, अर ऊंका दगड़ा मा तीमुथियुस भि छौ। अर यों न आसिया मुलक तक वेका दगड़ा मा यात्रा कैरी।

गढवली नयो नियम

⁴ ईं यात्रा मा बिरीयावासी पुरूर्स का नौंनो सोपत्रुस अर थिस्सलुनीकियों शहर को अरिस्‍तर्खुस अर सिकुन्दुस अर दिरबे नगर को गयुस, अर तीमुथियुस अर आसिया प्रान्त को तुखिकुस अर त्रुफिमुस, आसिया तक वे दगड़ी यात्री छा।

खास चेलों 20:4 Referans Kwoze

खास चेलों 19:29

तब पूरा नगर मा घपरोळ होण लगि गै, अर यों लोगु न मकिदुनिया मुलक का रौण वळा गयुस अर अरिस्तर्खुस तैं पकड़ी दिनी, जु कि पौलुस का दगड़ा मा यात्रा कैरिके इख अयां छा। अर भागी के यों तैं वे घौर मा लि गैनी, जख नाटक होन्दा छा।

2 तीमुथियुस 4:20

अर इरास्तुस भै कुरिन्थि नगर मा रुकी गै छौ अर त्रुफिमुस भै बिमार ह्‍वे गै, इलै मिन वेतैं मिलेतुस नगर मा छोड़याली।

इफिसुस 6:21

मि इन चान्दु, कि तुम लोग मेरा बारा मा जाणा, कि इख मि कै हालत मा छौं अर क्या कनु छौं। इलै मि तुमरा पास हमरा प्यारा भै तुखिकुस तैं भेजणु छौं, जु कि प्रभु की सेवा का काम मा मेरी मदद करण वळु, अर भरोसामन्द मनखि च। अर जब उ तुमरा पास आलु, त तुमतै हमरि हालत का बारा मा बतालु अर तुमरा दिलों की हिम्मत तैं भि बढालु।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।

2 तीमुथियुस 4:12

अर तुखिकुस भै तैं मिन इफिसुस नगर मा भेज्यूं च।

कुलुसी 4:7

हे मेरा दगड़्यों, मेरा प्यारु भै तुखिकुस जु कि प्रभु की सेवा का काम मा मेरी मदद करण वळु अर भरोसामन्द मनखि च, जब उ तुमरा पास आलु, त मेरा बारा मा तुमतै सब कुछ बतै द्‍यालु।

खास चेलों 21:29

अर ऊं लोगु न इन इलै बोलि, किलैकि यों लोगु न पैलि इफिसुस नगर का त्रुफिमुस भै तैं नगर मा पौलुस का दगड़ा मा देखि छौ, इलै ऊंन समझि की पौलुस वेतैं भि मन्दिर मा लेके ऐ गै।

खास चेलों 16:1

अर येका बाद पौलुस दिरबे अर लुस्‍त्रा का नगरों मा भि ऐ। अर उख तीमुथियुस नौ को एक बिस्वासी भै छौ, अर वु एक यहूदी बिस्वासी जनानि को नौनु छौ, पर वेकू बुबा यूनानी जाति को छौ।

खास चेलों 14:6

मगर ऊंतैं ईं बात का बारा मा पता चलि गै, तब ऊ लुकाउनिया मुलक का लुस्‍त्रा अर दिरबे नगरों मा अर आस-पास का गौं मा चलि गैनी।

कुलुसी 4:10

अर मेरा दगड़ा कैद होयां अरिस्तर्खुस भै कि तरफा बटि अर मरकुस भै कि तरफा बटि भि तुमतै सलाम, अर मरकुस रिश्ता मा बरनबास को भै लगदु। (अर मरकुस का बारा मा तुमतै इन बतये गै छौ, कि वेको स्वागत बड़ा अच्छे कर्यां)।

3 यूहन्ना 1:1

हे मेरा प्यारा भै गयुस, मि यूहन्‍ना जु कि एक अध्यक्ष छौं, मि या चिठ्‍ठी त्वे खुणि लिखणु छौं, त्वेसे मि सच्‍चु प्यार करदु।

फिलेमोन 1:24

अर मेरा दगड़ा मा सेवा को काम करण वळा मरकुस भै अर वेका दगड़ा-दगड़ि अरिस्तर्खुस, देमास अर लूका भै भि त्वे खुणि सलाम बोन्‍ना छिन।

1 तीमुथियुस 1:1

हे मेरा प्यार भै तीमुथियुस, मि पौलुस या चिठ्‍ठी त्वे खुणि लिखणु छौं। अर हमतै बचौण वळा परमेस्वर अर यीशु मसीह न जै पर हमरि अपणी आस रखी च, वेन ही मितैं खास चेला ठैरै के भेजि। तीमुथियुस, तू मेरा सच्‍चा नौना का जन छैई, मि प्रार्थना करदु कि: पिता परमेस्वर अर हमरा प्रभु यीशु मसीह का द्‍वारा त्वे पर वेकी किरपा, शान्ति अर दया होणी रौ।

फिलिप्पी 2:19

हे मेरा भै-बैंणो मितैं प्रभु यीशु मसीह पर आस च कि मि भौत जल्द तीमुथियुस भै तैं तुमरा पास भेजलु, ताकि तुमरा बारा मा समाचार सुणी के मेरु हौसला और भि जादा बढ़ो।

2 कुरिन्थि 1:19

किलैकि पिता परमेस्वर को पुत्र यीशु मसीह जैको परचार सिलवानुस, तीमुथियुस अर मिन तुमरा बीच मा कैरी, वेमा पैलि “हाँ” अर फिर “ना” नि ह्‍वे, बल्किन मा वेमा “हाँ” को मतलब हमेसा “हाँ” ही ह्‍वे।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

रोमियों 16:23

अर गयुस भै न मितैं अर समुदाय का सब लोगु तैं अपणु घौर इस्तेमाल करणु खुणि दियूं च, अर वु सब लोग भि तुम खुणि सलाम बोन्‍ना छिन। अर ये नगर का कोष अध्यक्ष इरास्तुस भै अर हमरु क्‍वारतुस भै भि तुम खुणि सलाम बोन्‍नु च। [

रोमियों 16:21

अर मेरा दगड़ा मा सेवा को काम करण वळु तीमुथियुस भै, अर वेका दगड़ा-दगड़ि मेरा यहूदी भैयों लूकियुस, यासोन, सोसिपत्रुस कू भि मेरु सलाम बुलयां।

खास चेलों 27:2

अर हमुन अद्रमुत्तियुम नगर बटि पाणि का एक जाज मा बैठि के अपणु सफर शुरु कैरी। अर ये जाज न आसिया का बंदरगाहों से ह्‍वेके जाण छौ, अर हमरा दगड़ा मा मकिदुनिया मुलक को अरिस्तर्खुस भै भि छौ, जु की थिस्सलुनीकी नगर को रौण वळु छौ।

खास चेलों 17:1

अर जब पौलुस अर सीलास लुदिया जनानि का इख बटि निकळिनी, त ऊ दुईया का दुई अम्फिपुलिस अर अपुल्‍लोबनिया नगरों बटि ह्‍वेके थिस्सलुनीकी नगर मा ऐनी। अर उख यहूदी लोगु को एक प्रार्थना भवन छौ।

खास चेलों 14:20

तब बिस्वासी लोग ऐनी अर पौलुस का चौतरफि खड़ा ह्‍वे गैनी, अर पौलुस उठी अर ऊंका दगड़ा वे ही नगर मा वापिस चलि गै। अर वेका दुसरा दिन उ बरनबास भै का दगड़ा मा दिरबे नगर कू चलि गैनी।

खास चेलों 2:9

जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन।

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 17:13

और जब थिस्सलुनीकी नगर का यहूदी लोगु तैं इन पता चलि कि, पौलुस बिरीया नगर मा भि परमेस्वर का वचन को परचार कनु च, त यों यहूदी लोगु न इख ऐके दंगा मचौण, अर लोगु तैं उकसौणु शुरु कैरी दिनी।

खास चेलों 20:16

पौलुस पिन्तेकुस्त का त्योवार तैं मनौण का बानो जथगा जल्दी ह्‍वे सकदु छौ यरूशलेम नगर कू जाण चाणु छौ, इलै वेन इन ठाणि की इफिसुस नगर का पास बटि ह्‍वेके चलि जौ, ताकि आसिया मुलक मा वेतैं जादा बगत नि लगु।

खास चेलों 20:18

अर जब इफिसुस नगर का बिस्वासी समुदाय का अध्यक्ष पौलुस का पास ऐनी। तब वेन ऊंकू बोलि, “सुणा, जब मि पैलि-पैलि बार आसिया मुलक मा ऐ छौ, त वे दिन बटि ही लेके मि तुमरा बीच मा हमेसा कै तरीके से रौंऽऽ, येका बारा मा तुम सब अच्छी तरौं से जणद्‍यां छाँ।