खास चेलों 20:26 - Garhwali

²⁶ इलै आज का दिन मि ईं बात की घोसणा कैरिके बुल्दु, कि अगर तुम मा बटि कुई मनखि प्रभु तैं स्वीकार नि करलु अर वेको नास ह्‍वे जालु, त वेको जबाबदार मि नि छौं।

गढवली नयो नियम

²⁶ इलै मि तुम मा सच-सच बुल्णु छौं, कि जु तुम मा बट्टी कुई भि यीशु पर विश्वास करयां बगैर मोरि जांद, त या मेरी गलती नि च अर मि वेका ल्वे बट्टी निर्दोष छो।

खास चेलों 20:26 Referans Kwoze

खास चेलों 18:6

मगर जब उखा लोगु न वेको विरोध कैरी अर वे खुणि अनाप-सनाप बोलि, तब पौलुस न अपणा कपड़ों तैं झाड़ि के बोलि, “जु दण्ड तुमतै मिलण वळु च वांका जबाबदार तुम खुद ही छाँ, मि बेकसूर छौं। अर सुणा, अब बटि मि ऊं लोगु का बीच मा जौलु जु कि यहूदी जाति का नि छिन।”

यूहन्ना 12:17

जब यीशु न लाजर तैं कबर बटि बुलै के ज्यून्दु कैरी छौ, तब वे बगत जु लोग यीशु का दगड़ा मा छा, ऊंन भि ये काम की गवै देई।

2 कुरिन्थि 8:3

अर ईं बात का बारा मा मि तुमतै बतै देन्दु कि ऊंन अपणी हैसियत का मुताबिक दिनी, बल्किन मा जथगा ऊंका पास छौ ऊंन वेसे जादा ही दिनी, अर यू सब कुछ ऊंन अपणी मनसा का मुताबिक कैरी।

2 कुरिन्थि 7:2

हे मेरा दगड़्यों, हमतै अपणा दिलों मा जगा द्‍या किलैकि हमुन कै का दगड़ा मा कुछ बुरु नि कैरी, अर ना ही कै को कुछ बिगाड़ि। अर ना ही हमुन कै को फैदा उठे।

2 कुरिन्थि 1:23

अर मि तुमतै बतै देन्दु कि मि तुमरा पास कुरिन्थि नगर मा इलै नि औंऽऽ, ताकि तुम मेरी फटकार से बचि जा, अर या बात सच्‍च च अर यां को गवा पिता परमेस्वर च।

रोमियों 10:2

अर ऊंका बारा मा मि या गवै दे सकदु छौं, कि ऊंका भितर पिता परमेस्वर का पिछनै चलण को जोस भौत जादा च, मगर ऊंतैं यू पता नि च कि वेका पिछनै चलण को सही तरीका क्या च।

यूहन्ना 19:35

अर इन इलै ह्‍वे, ताकि पवित्रशास्‍त्र मा लिख्यूं वचन पूरु ह्‍वे जौ। अर वु वचन इन च कि, “वेकी कुई भि हड्‍डी तुड़ै नि जालि।” अर पवित्रशास्‍त्र का एक हैंकी जगा मा इन भि लिख्यूं च कि, “जैतैं ऊंन भालळ मारी, वु लोग वेतैं दिखला।” अर जैन यू सब होन्दु देखि, वेन ही या गवै देई अर वेकी गवै सच्‍चि च। अर उ खुद ही जणदु च, कि उ सच्‍च ही बोन्‍नु च। अर वेन या गवै इलै देई, ताकि तुम भि बिस्वास कैरा।

1 तीमुथियुस 5:22

अर कै भि मनखि पर हाथ रखी के वेतैं अध्यक्ष का पद पर रखणु कू जल्दबाजी नि कैर। अर ना ही दुसरो का पापों मा साझी हो, बल्किन मा खुद तैं पवित्र बणै के रख।