खास चेलों 2:44 - Garhwali

⁴⁴ अर सब बिस्वासी लोग मिली-जुली के रौन्दा छा, अर जु कुछ भि ऊंमा छौ वेतैं ऊ आपस मा बांटि देन्दा छा।

गढवली नयो नियम

⁴⁴ अर सब विश्वासी लोग एक जगह मा कठ्ठा हूंदा छा अर ऊं की सभि चीज-बस्ति साझा मा छै।

खास चेलों 2:44 Referans Kwoze

खास चेलों 4:32

अर बिस्वास करण वळा सब लोग एक दिल अर एक मन ह्‍वेके रौन्दा छा। इख तक कि ऊंमा बटि कुई भि अपणी जैजाद तैं अपणु नि बुल्दु छौ, अर वु अपणी सब चीजों को आर-सार एक-दुसरा का दगड़ा मा करदा छा।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

खास चेलों 5:4

तेरा मन मा इन्द्रयो ख्याल किलै ऐ? वे हिस्सा का बिकण से पैलि उ तेरु ही छौ अर जब तिन वु बेचि छौ, त मिल्यां रुपयों पर भि तेरु ही अधिकार छौ। हनन्याह, तिन मनखियों बटि ना, बल्किन मा परमेस्वर बटि झूठ्‍ठ बोलि।”

खास चेलों 4:37

अर वेका पास एक पुंगड़ु छौ, जैतैं वेन बेचि अर ज्वा रकम वेतैं मिली वा वेन खास चेलों का हाथों मा दे दिनी।

खास चेलों 5:2

अर वीं रकम मा बटि कुछ हिस्सा वेन अपणा ही पास छिपै के रखी दिनी, अर कुछ हिस्सा लेके खास चेलों का हाथों मा रखण लगि गै, अर ईं बात का बारा मा वेकी घरवळी भि जणदी छै।