खास चेलों 2:4 - Garhwali

⁴ अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

गढवली नयो नियम

⁴ उ सभि पवित्र आत्मा से भुरे गैनी अर पवित्र आत्मा ल ऊं तैं योग्यता दींनि वेका अनुसार उ बनि-बनि भाषा बुल्ण लगि गैनी।

खास चेलों 2:4 Referans Kwoze

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

खास चेलों 13:52

मगर बिस्वासी लोग पवित्र आत्मा मा भरपूर होण रैनी, अर भौत आनन्द मनौणा रैनी।

खास चेलों 4:31

अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

इफिसुस 5:18

अर झान्‍झियों की तरौं दारु नि घतौळा, किलैकि यां से जीवन बरबाद ह्‍वे जनदिन, पर तुम पवित्र आत्मा की ताकत से भरपूर होन्दी जा।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

यूहन्ना 14:26

फिर भि वे मददगार तैं, याने कि पवित्र आत्मा, जैतैं पिता मेरा नौ से भेजलु, उ तुमतै सब कुछ सिखौलु। अर जु कुछ मिन तुमतै बतै, वु सब कुछ उ तुमतै याद करालु।

खास चेलों 19:6

तब पौलुस न ऊं पर अपणा हाथ रखिनी, त पवित्र आत्मा ऊं लोगु पर ऐ गै अर वु बन्‍नि-बन्‍नि किसमे की भाषा बोन्‍न लगि गैनी।

खास चेलों 10:46

किलैकि ऊं बिस्वासी लोगु न कुरनेलियुस का घौर मा इकट्‍ठा होयां लोगु तैं बन्‍नि-बन्‍नि किसमे की भाषा बुल्द, अर परमेस्वर की बडै करद सुणी।

खास चेलों 9:17

तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

खास चेलों 7:55

मगर स्तिफनुस न पवित्र आत्मा से भरपूर ह्‍वेके स्वर्ग जनै देखि, अर वेन परमेस्वर की दिब्य चमक देखि अर यीशु मसीह तैं परमेस्वर का दैंणी तरफा खड़ु होयुं देखि अर बोलि कि,

खास चेलों 1:5

किलैकि यूहन्‍ना न त पाणिळ बपतिस्मा दिनी, मगर अब से कुछ दिनों का बाद तुम पवित्र आत्मा का द्‍वारा बपतिस्मा पैल्या।”

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

1 कुरिन्थि 13:1

अगर मितैं मनखियों अर स्वर्गदूतों की भाषा बुलण औन्दी हो, पर मि दुसरो से प्यार नि कैरुं, त क्या फैदा च फिर? तब मि वे पितळा भाँडा जन छौं जु ठन-ठन बजदु, अर वीं डफ का जन छौं ज्वा की डम-डम बजदी।

खास चेलों 13:9

तब शाऊल जैकू पौलुस भि बुल्दिन, वे पर पवित्र आत्मा की सामर्थ ऐ गै अर वेन इलीमास का जनै टक लगै के देखि अर बोलि कि,

खास चेलों 2:11

अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्‍वे सकदु?”

लूका 12:12

किलैकि पवित्र आत्मा उबरि तुमतै सिखै दयालु, कि क्या-क्या बोन्‍न।”

1 कुरिन्थि 14:18

हे मेरा भै-बैंणो, मि खुद अलग-अलग भाषाओं मा बुल्दु। अर ये मामला मा कुई मनखि भि मेरी बराबर नि कैरी सकदु, अर यों सब बातों खुणि मि पिता परमेस्वर को धन्यवाद देन्दु।

रोमियों 15:13

अर मेरी प्रार्थना च कि परमेस्वर जु की आसा देण वळु च, तुमरा बिस्वास करण की वजै से तुमतै पूरि खुशी अर शान्ति से भरपूर कैरी द्‍यो, ताकि पवित्र आत्मा की ताकत से तुमरि आस वे पर बणि रौ।

खास चेलों 4:8

तब पतरस तैं पवित्र आत्मा की पूरि ताकत मिली अर वेन ऊंकू बोलि कि,

यूहन्ना 20:22

इन बोलि के वेन ऊं पर सांस फूकी अर ऊंकू बोलि, “पवित्र आत्मा तैं स्वीकार कैरा।

लूका 4:1

फिर यीशु पवित्र आत्मा बटि भरपूर ह्‍वेके यरदन गाड बटि वापिस ऐ गै, अर पवित्र आत्मा वेतैं चालीस दिनों तक निर्जन जगा कू लि गै।

1 पतरस 1:12

अर ऊं लोगु पर इन परगट किये गै, कि सेवा की जौं बातों का बारा मा बतये जाणु च वु ऊं खुणि ना, बल्किन मा औण वळी पीढ़ी का लोगु खुणि छिन, याने कि हम लोगु खुणि। अर जु कुछ भि ऊंन पवित्र आत्मा का द्‍वारा पै, उ शुभ समाचार ऊंन हमतै सुणै, अर यों ही बातों तैं स्वर्गदूत बड़ी इच्छा रखी के दिखण चाणा छिन।

1 कुरिन्थि 14:5

मि चान्दु, कि तुम सभ्या का सभि ऊं सब भाषाओं मा बात कैरा, जु कि तुमुन सिखी नि छिन, मगर मि इन भि चान्दु, कि तुम सभ्या का सभि भविष्यबाणी कैरा, किलैकि जु मनखि भविष्यबाणी करदु उ वे मनखि से बढी के च जु अलग-अलग भाषा मा बात करदु। अर अगर दुसरि भाषा बोन्‍न वळु मनखि अपणी बातों को मतलब आम बोल-चाल मा नि बतै सैको, त वेकी बुलिं बातों से बिस्वासी समुदाय का लोग मजबूत नि ह्‍वे सकदिन।

खास चेलों 11:15

“अर जब मिन ऊंतैं वचन सुनौण शुरु कैरी, तब पवित्र आत्मा को दान ऊं सभ्यों तैं भि मिली गै, अर यू सब ठिक उन्‍नि ह्‍वे जन शुरु मा हमुन पै छौ।

खास चेलों 6:5

अर या बात बिस्वासी समुदाय का सब लोगु तैं ठिक लगि, अर ऊंन स्तिफनुस तैं चुणी, अर यू अच्छु बिस्वासी अर पवित्र आत्मा से भरपूर छौ। अर येका दगड़ा-दगड़ि ऊंन फिलिप्पुस, प्रुखुरुस, अर नीकनोर अर तीमोन तैं, अर परमिनास, अर अन्ताकिया नगर का नीकुलाउस तैं चुणी जु कि यहूदी बणि गै छौ।

खास चेलों 6:3

इलै हे मेरा भै-बैंणो, अपणा बीच मा बटि सात खास लोगु तैं चुणा जौं तैं लोग अच्छु मणदा हो, बल्किन मा वु पवित्र आत्मा अर अकल मा भि भरपूर हो, ताकि हम ऊंतैं ये काम की जिमेदारी द्‍या।

खास चेलों 1:8

अर जब तुम पवित्र आत्मा तैं पैल्या, त तुमतै सामर्थ मिलेली तब तुम यरूशलेम नगर मा अर पूरा यहूदिया अर सामरिया का मुलकों मा, इख तक की पूरि दुनियां मा तुम मेरा गवा बणि जैल्या।”

लूका 1:15

किलैकि उ प्रभु का दिखण मा महान होलु, अर उ अंगूरों को रस या कन्दरि भि दारु नि प्यालु। अर अपणी माँ का कोख बटि ही उ पवित्र आत्मा से भरपूर होलु।

इफिसुस 6:18

अर हरेक बगत मा पवित्र आत्मा की ताकत से सब किसम का प्रार्थना निवेदन कना रा। अर बिज्यां रा, अर सब पवित्र लोगु खुणि लगातार प्रार्थना कना रा।

इफिसुस 3:19

अर मि इन चान्दु, कि तुम लोग मसीह का वे प्यार तैं जाणि सैका, जु कि मनखि की सोच-समझ से भैर च, अर पूरि हद तक तुम मा पिता परमेस्वर का गुण ऐ जा।

खास चेलों 6:8

अर स्तिफनुस पर परमेस्वर की बड़ी किरपा अर सामर्थ छै, इलै उ अदभुत काम अर चमत्कारिक चिन्‍न कैरिके दिखान्दु छौ।

लूका 21:15

किलैकि मि तुमतै इन्दरि अकल अर बुलणु खुणि इन शब्द द्‍यूलु, कि तुमरा सब बैरी तुमरि बातों को मुकाबला नि कैरी सकला, अर ना ही तुमरि बात को विरोध कैरी सकला।

लूका 1:67

तब बच्‍चा को बुबा जकरयाह पवित्र आत्मा से भरपूर ह्‍वे गै, अर भविष्यबाणी करण लगि गै।

लूका 1:41

अर जन्‍नि इलीशिबा न मरियम को सलाम सुणी, तन्‍नि वींका पुटगुन्द बच्‍चा उछलि। अर तब इलीशिबा पवित्र आत्मा बटि भरपूर ह्‍वे गै।

मत्ती 10:19

अर जब ऊ तुमतै पकड़वाला, त तुम इन चिन्ता नि कर्यां कि क्या बुलण अर कनकै बुलण, किलैकि जु कुछ भि तुमतै बोन्‍न होलु वु उबरि तुमतै बतये जालु।

2 पतरस 1:21

किलैकि कुई भि भविष्यबाणी मनखि की मनसा का मुताबिक कभि भि नि होन्दी, बल्किन मा परमेस्वर का लोग पवित्र आत्मा का द्‍वारा परमेस्वर का वचनों तैं बुल्दिन।

खास चेलों 2:3

तब ऊंतैं आग की तरौं भौत सरी जीब दिखैनि, जु की अलग-अलग ह्‍वेके हरेक मनखि मा ऐके बैठि गैनी।

खास चेलों 8:17

तब पतरस अर यूहन्‍ना न ऊंन लोगु पर हाथ रखी, अर ऊंन पवित्र आत्मा तैं पै।

खास चेलों 10:47

तब पतरस न बोलि, अब यों लोगु तैं पाणिळ बपतिस्मा लेण से कु रोकी सकदु? किलैकि जन हमतै पवित्र आत्मा दिये गै, ठिक उन्‍नि यों लोगु न भि पयेलि।

खास चेलों 15:8

अर परमेस्वर जु की सब लोगु का विचारों तैं जणदु, जन वेन हमतै पवित्र आत्मा दिनी, ठिक उन्‍नि वेन ऊं लोगु तैं भि पवित्र आत्मा दिनी जु यहूदी जाति का नि छिन। अर वेन इन साबित कैरियाली कि वु ऊंतैं भि स्वीकार करदु।