खास चेलों 2:29 - Garhwali

²⁹ तब पतरस न ऊंकू इन भि बोलि कि, “हे मेरा भै-बैंणो, मि तुमतै पितर राजा दाऊद का बारा मा हिम्मत से बतै सकदु, कि पितर दाऊद त मोरि गैनी अर ऊंतैं दफनये भि गै अर ऊंकी कबर आज भि हमरा इख च।

गढवली नयो नियम

²⁹ हे विश्वासी भयों, मि तुम मा कुलपिता राजा दाऊद का बारा मा तुम बट्टी साहस का दगड़ी बोल सकदु छों कि उ त मोरि गै अर दफनाये भि गै अर वेकी कब्र आज तक भि हमारा इख मौजूद च।

खास चेलों 2:29 Referans Kwoze

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

इब्रानी 7:4

अर ईं बात मा कुई सक नि च कि आसीस देण वळु हमेसा आसीस पौण वळा से बड़ु होन्दु। अर तुम हमरि ईं बात पर ध्यान द्‍या, कि वु मनखि कथगा महान रै होलु जैतैं पितर अब्राहम न अपणी जीत का समान मा बटि दसुं हिस्सा दिनी। अर वे बगत मा पितर अब्राहम न बिना कै नियम-कानून तैं जणयां ही अपणु दसुं हिस्सा वेतैं दिनी, अर वेका बदला मा मलिकिसिदक पुरोहित बटि खुद खुणि आसीस पै, जौं को करार पिता परमेस्वर न पितर अब्राहम का दगड़ा मा कर्युं छौ। अर जब मलिकिसिदक पुरोहित की मुलाकात पितर अब्राहम का दगड़ा मा ह्‍वे छै, त वे बगत मा पितर लेवी को जनम नि ह्‍वे छौ। अर लेवी त पितर अब्राहम को नाति को नौनु च, अर वेका वंश मा पैदा होण वळा सब आदिम पुरोहित को काम करदिन अर वु आम लोगु बटि दसुं हिस्सा तैं पौनदिन। अर जब लेवी अर वेका वंश का लोग पुरोहित को काम करदिन, त वु लोग मूसा का दियां नियम-कानून का मुताबिक ज्यून्दा परमेस्वर का लोगु से दसुं हिस्सा लेन्दिन, जब कि दुसरा आम लोग भि पितर अब्राहम का वंश मदि ही छिन। अर ईं बात का मुताबिक इन बुले जै सकदु, कि लेवी नौ का मनखि न खुद वु दसुं हिस्सा मलिकिसिदक पुरोहित तैं दिनी। जब कि लेवी को जनम त भौत बाद मा ह्‍वे छौ अर मलिकिसिदक पुरोहित को लेवी का वंश से कुई लेण-देण नि च। अर जख तक लेवी का वंश का लोगु की बात च त यू वु लोग छिन जौं तैं आम लोगु का द्‍वारा दसुं हिस्सा दिये जान्दु, मगर येतैं पौण वळा सब लोग एक बगत का बाद मोरि जनदिन मगर पवित्रशास्‍त्र का मुताबिक मलिकिसिदक पुरोहित बणयूं रौन्दु।

खास चेलों 26:26

अर महाराज तैं भि यों बातों का बारा मा पता च, इलै मि बेधड़क ह्‍वेके ऊंका समणि बोन्‍नु छौं। अर मितैं पूरु यकीन च कि यों बातों मा बटि एक बात भि महाराज से छिपी नि छिन, किलैकि यू सब बात चुपचाप से नि ह्‍वेनि।

खास चेलों 2:28

अर तुमुन ही मितैं जीवन को बाटु दिखै, अर तुमरो मेरा दगड़ा मा होण से मितैं बड़ी खुशी होलि।’”

खास चेलों 22:5

अर ईं बात का गवा महा पुरोहित अर सब अध्यक्ष लोग छिन। अर एक दिन इन ह्‍वे कि, मिन महा पुरोहित अर अध्यक्ष लोगु बटि बिस्वासी भै-बैंणो का नौ की चिठ्‍ठी ले, अर दमिश्क नगर मा ऊंका पास जाणु छौ, ताकि उख बटि लोगु तैं बन्धी बणै के इख यरूशलेम नगर मा लौं, अर ऊंतैं दण्ड दिलौं।