खास चेलों 2:24 - Garhwali

²⁴ पर यीशु तैं परमेस्वर न मौत का बन्धनों मा बटि छुड़ै के ज्यून्दु कैरी, किलैकि या बात ह्‍वे ही नि सकदी छै कि मौत वेतैं अपणा वश मा रखो।

गढवली नयो नियम

²⁴ पर वे तैं पिता परमेश्वर ल मृत्यु का बन्धनों बट्टी छुड़ै के ज्यूँदो कैरी किलैकि मृत्यु वे तैं अपड़ा वश मा रखु यु हवे ही नि सकदो छो।

खास चेलों 2:24 Referans Kwoze

1 कुरिन्थि 6:14

अर जन पिता परमेस्वर न प्रभु यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि अपणी सामर्थ से मुरदो मा बटि ज्यून्द करलु।

1 पतरस 1:21

अर यीशु मसीह ही च जैका द्‍वारा तुम पिता परमेस्वर पर बिस्वास करद्‍यां, जैन वेतैं मुरदो मा बटि ज्यून्द कैरी अर पिता परमेस्वर न ही वेतैं आदर-सम्मान दिनी। इलै तुमरि आस अर बिस्वास पिता परमेस्वर पर ही बणयूं रौ।

कुलुसी 2:12

अर जब तुमुन बपतिस्मा ले, त तुमुन अपणा पापि सभौ तैं यीशु मसीह का दगड़ा मा दफनै दिनी। अर तुमतै पिता परमेस्वर की ताकत पर बिस्वास च जैन यीशु मसीह तैं मुरदो मा बटि ज्यून्दु कैरी, ठिक उन्‍नि वेन तुमतै भि वेका दगड़ा-दगड़ि नयू जीवन देके ज्यून्दु कैरी।

खास चेलों 2:32

अर ये ही यीशु तैं परमेस्वर न मौत मा बटि ज्यून्दु कैरी, अर ईं बात का गवा हम सभि छां।

इफिसुस 1:20

अर या वा ही ताकत च जिं का द्‍वारा वेन यीशु मसीह तैं मुरदो मा बटि ज्यून्दु कैरी, अर स्वर्गीय जगा मा अपणी दैंणी तरफा बैठे दिनी।

यूहन्ना 10:18

अर कुई भि मि बटि मेरी जान तैं निकाळि नि सकदु, पर मि वेतैं अफि देन्दु छौं। अर मितैं वे देणु को अधिकार च, अर वेतैं फिर पौण को भि अधिकार च। अर इन करण की आज्ञा मेरा पिता न मितैं देई च।”

2 कुरिन्थि 4:14

अर हमतै यू भि यकीन च कि जै पिता परमेस्वर न प्रभु यीशु तैं ज्यून्दु कैरी, उ हमतै भि वेका दगड़ा मा ज्यून्दु करलु, अर उ हम सभ्यों तैं यीशु का दगड़ा मा रौण खुणि अपणा समणि खड़ु भि करलु।

रोमियों 8:11

अर पिता परमेस्वर न यीशु मसीह तैं मुरदो मा बटि ज्यून्द कैरी, अर वेकी पवित्र आत्मा तुम लोगु मा वास करदी, त जन वेन यीशु मसीह तैं मुरदो मा बटि ज्यून्द कैरी, उई तुमरा नास होण वळा सरील तैं भि अपणा पवित्र आत्मा का द्‍वारा मुरदो मा बटि ज्यून्द करलु। अर इन वु इलै करलु, किलैकि वेकी पवित्र आत्मा तुम मा भि वास करदी।

रोमियों 6:4

इलै जब हमुन पाणि मा डुबकी मारी के जु बपतिस्मा ले वेका द्‍वारा हम भि यीशु मसीह का दगड़ा मा दफनै ग्यां, ताकि वेकी मौत का दगड़ा मा हम भि सामिल ह्‍वे जा। अर जन पिता परमेस्वर की ताकत न यीशु मसीह तैं मुरदो मा बटि ज्यून्द कैरी, ठिक उन्‍नि उ हमतै भि उठालु अर वेका द्‍वारा हम नयू जीवन जी सकद्‍यां।

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।

1 थिस्सलुनीकी 1:10

अर वु इन भि बतौन्दिन, कि तुम परमेस्वर का पुत्र को इंतजार बड़ी आस लगै के कना छां, जु की स्वर्ग बटि औण वळु च याने कि यीशु, जैतैं परमेस्वर न मुरदो मा बटि ज्यून्दु कैरी, अर उई न्याय का दिन पर हमतै औण वळा परकोप से बचालु।

रोमियों 10:9

अर अगर जु तुम अपणा गिच्‍चा से ईं बात तैं स्वीकार करद्‍यां कि, “यीशु ही प्रभु च,” अर अपणा मन से बिस्वास करद्‍यां कि पिता परमेस्वर न यीशु मसीह तैं मुरदो मा बटि ज्यून्द कैरी, त तुमतै बचयै जालु।

रोमियों 4:24

बल्किन मा या बात त हम खुणि भि लिखे गै, किलैकि हम वे परमेस्वर पर बिस्वास करद्‍यां जैन हमरा प्रभु यीशु मसीह तैं मुरदो मा बटि ज्यून्द कैरी। इलै या बात हम खुणि भि च, ताकि हम लोग भि बिस्वास करण का द्‍वारा धरमी गिणै जां।

खास चेलों 17:31

अर मि तुमतै बतै देन्दु, कि वेन एक दिन ठैर्युं च वे दिन उ पूरि दुनियां को न्याय धरमी रीति से करलु, अर न्याय करणु खुणि परमेस्वर न वे मनखि तैं चुण्यूं भि च, जु कि यीशु ही च। अर परमेस्वर न वेतैं मुरदो मा बटि ज्यून्दु कैरिके या बात साबित भि कैरियाली।”

खास चेलों 13:30

मगर परमेस्वर न वेतैं मुरदो मा बटि ज्यून्द कैर दिनी।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

गलातियों 1:1

हे मेरा भै-बैंणो, मि पौलुस अर वु सब बिस्वासी भै-बैंणा जु कि मेरा दगड़ा मा छिन, मि या चिठ्‍ठी गलाति मुलक मा रौण वळा बिस्वासी समुदाय का लोगु खुणि लिखणु छौं। मेरा दगड़्यों, मितैं नऽ त कै खास मनखि न, अर ना ही लोगु द्‍वारा खास चेला का रुप मा चुणै गै, बल्किन मा मितैं त यीशु मसीह अर पिता परमेस्वर न खास चेला का रुप मा चुणी, हाँ, वे ही पिता परमेस्वर न जैन यीशु मसीह तैं मुरदो मा बटि ज्यून्द कैरी, अर वेन ही खुद यू काम कैरी।

खास चेलों 3:26

अर परमेस्वर न ही हम लोगु का बीच मा बटि यीशु मसीह तैं चुणी के ठैरै, अर सबसे पैलि तुमरा ही बीच मा भेजि, ताकि तुम सब अपणी-अपणी बुरै तैं छोड़ि द्‍या, अर वेसे आसीस पा।”

1 कुरिन्थि 15:15

अर अगर ज्वा या बात सच्‍च नि होन्दी, कि मुरयां लोगु न मुरदो मा बटि ज्यून्द होण, त यां को मतलब यू च कि पिता परमेस्वर न यीशु मसीह तैं मुरदो मा बटि ज्यून्दु नि कैरी। अर इथगा ही ना फिर त हम लोग भि झूठ्‍ठा गवा ठैरि ग्यां, जौन पिता परमेस्वर का खिलाप मा झूठ्‍ठी गवै दिनी।

खास चेलों 13:37

पर परमेस्वर न जैतैं मुरदो मा बटि ज्यून्दु कैरी, वेका सरील तैं सड़ण भि नि देई।

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

यूहन्ना 20:9

किलैकि पवित्रशास्‍त्र कि ईं बात तैं ऊ तभि तक भि नि समझि छा। अर वा बात इन च कि यीशु को मुरदो मा बटि ज्यून्दु होण जरुरी च।

दिब्य दरस 1:18

अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

1 कुरिन्थि 15:12

हे मेरा दगड़्यों, जब हम ईं सच्‍चै को परचार करद्‍यां कि यीशु मसीह तैं मुरदो मा बटि ज्यून्द किये गै, त फिर तुमरा बीच मा लोग इन किलै बुल्दिन कि मुरयां लोग फिर से ज्यून्दा नि ह्‍वे सकदिन?

रोमियों 14:9

किलैकि यीशु मसीह इलै ही मोरि अर ज्यून्द ह्‍वे, ताकि उ मुरयां अर ज्यून्दा लोगु को प्रभु ह्‍वे जौ।

रोमियों 8:34

किलैकि यीशु मसीह वु मनखि च जैतैं पिता परमेस्वर न हम लोगु तैं बचौणु खुणि ठैरै, अर उई च जैतैं मनखि का पापों का खातिर मरे गै। अर पिता परमेस्वर न वेतैं उन्‍नि नि छोड़ि, बल्किन मा वेतैं मुरदो मा बटि ज्यून्दु कैरी, अर अपणा दैंणी हाथ की तरफा बैठे के वेतैं पूरु आदर-सम्मान दिनी, ताकि वु बिचलु बणि के हमतै पिता परमेस्वर का दगड़ा मा एक कैरो।

यूहन्ना 12:39

अर वु इलै बिस्वास नि कैरी सकिनी, किलैकि यशायाह न इन भि बोलि छौ कि,

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

मत्ती 27:63

अर ऊंन बोलि, “श्रीमान, हमतै याद च, कि ये झूठ्‍ठा मनखि न जब उ ज्यून्दु छौ, त वेन बोलि छौ, ‘मि तीन दिन बाद ज्यून्दु ह्‍वे जौलु।’

यूहन्ना 10:35

“अर जौं मा परमेस्वर को वचन पौंछी, ऊं खुणि वेन ईश्‍वर बोलि। (अर पवित्रशास्‍त्र की बात झूठ्‍ठी नि ह्‍वे सकदी)।

खास चेलों 5:30

अर तुम लोगु न यीशु तैं क्रूस पर चड़वै के मार दिनी, पर हमरा पितरों का परमेस्वर न वे ही यीशु तैं मुरदो मा बटि ज्यून्दु कैरी।

1 कुरिन्थि 15:4

अर वेतैं दफनये गै, अर जन कि पवित्रशास्‍त्र मा लिख्यूं च वेका मुताबिक पिता परमेस्वर न वेतैं तिसरा दिन मुरदो मा बटि ज्यून्दु कैरी।

1 कुरिन्थि 15:20

मगर हे मेरा भै-बैंणो, मि तुमतै सच्‍च बतै देन्दु कि सबसे पैलु मनखि यीशु मसीह ही च जैतैं पिता परमेस्वर न मुरदो मा बटि ज्यून्दु कैरी। अर वु ईं बात को सबूत च कि पिता परमेस्वर अपणा लोगु तैं भि जरुर मुरदो मा बटि ज्यून्द करलु।