खास चेलों 2:22 - Garhwali

²² “हे इस्राएल का लोगु, इथगा ही ना बल्किन मा मेरी यों बातों तैं भि सुणा, परमेस्वर न नासरत गौं का यीशु का द्‍वारा तुमरा बीच मा बड़ा-बड़ा चमत्कार का चिन्‍न अर भौत सरा अदभुत काम कैरिके दिखैनि। अर यों कामों से इन परमाण दिनी कि उ परमेस्वर को भेज्यूं एक मनखि च, अर वेका बारा मा तुम सब जणदा ही छाँ।

गढवली नयो नियम

²² “हे इस्राएलियों यु बातों तैं कि नासरत वासी यीशु एक मनिख छो जु परमेश्वर की तरपां बट्टी हूंणु का प्रमाण ऊं सामर्थ का कामों अर चमत्कार का काम अर चिन्हों बट्टी प्रगट च, जु परमेश्वर ल तुमारा बीच वेका द्वारा कैरी के दिखै जै तैं तुम अफ ही जंणदा छा।

खास चेलों 2:22 Referans Kwoze

यूहन्ना 3:2

उ एक रात यीशु का पास ऐ अर बोलि, “गुरुजी, हम जणदा छां, कि तुम परमेस्वर की तरफा बटि गुरु ह्‍वेके अयां छाँ, किलैकि जौं चमत्कारिक कामों तैं तुम करद्‍यां, यू सिरफ उई कैरी सकदु जैका दगड़ा मा परमेस्वर हो।”

खास चेलों 4:10

त मि तुमतै अर सब इस्राएली लोगु तैं बतै देन्दु, कि नासरत गौं का यीशु मसीह का नौ से यू मनखि तुमरा समणि तन्दुरुस्त खड़ु च। अर ये ही यीशु तैं तुमुन क्रूस पर चड़ै दिनी, पर परमेस्वर न वेतैं मुरदो मा बटि ज्यून्द कैरी।

लूका 11:20

पर अगर जु मि परमेस्वर की सामर्थळ खबेसों तैं निकळदु, त ईं बात तैं सुणिल्या कि परमेस्वर को राज तुमरा नजदीक ऐ गै।

मत्ती 12:28

पर अगर जु मि परमेस्वर की आत्मा की मददळ खबेसों तैं निकळदु, त ईं बात तैं सुणिल्या कि परमेस्वर को राज तुमरा नजदीक ऐ गै।

मत्ती 9:8

अर यू होन्द देखि के लोग डौऽरी गैनी अर परमेस्वर की बडै करण लगि गैनी, कि परमेस्वर न मनखियों तैं इन्द्रयो अधिकार दियूं च।

इब्रानी 2:4

अर परमेस्वर न भि अपणी इच्छा का मुताबिक चिन्‍न, चमत्कार अर अलग-अलग किसम से सामर्थ का कामों का द्‍वारा इन कैरिके दिखै कि वेको रैबार सच्‍चु च। अर जौन वेतैं चुणी वेन ऊंतैं अपणा पवित्र आत्मा को दान दिनी।

2 कुरिन्थि 12:12

किलैकि मेरा द्‍वारा भि भौत सा चिन्‍न, चमत्कार अर सामर्थ का काम किये गैनी, अर यू सब काम इन साबित करदिन कि मि भि यीशु मसीह को एक खास चेला छौं। अर यू सब कुछ मिन तुमरा दगड़ा मा रै के कैरी अर वु भि बड़ु सबर रखी के।

खास चेलों 26:26

अर महाराज तैं भि यों बातों का बारा मा पता च, इलै मि बेधड़क ह्‍वेके ऊंका समणि बोन्‍नु छौं। अर मितैं पूरु यकीन च कि यों बातों मा बटि एक बात भि महाराज से छिपी नि छिन, किलैकि यू सब बात चुपचाप से नि ह्‍वेनि।

खास चेलों 26:9

“अरे साब, मितैं भि इन्‍नि लगदु छौ कि नासरत गौं का यीशु पर जु लोग बिस्वास करदिन, ऊंका खिलाप जैके मिसे जथगा जादा ह्‍वे सैको मि ऊंको विरोध कैरुं अर मिन यरूशलेम नगर मा जैके इन्‍नि कैरी।

खास चेलों 24:5

“साब, असल मा बात इन च कि ये मनखि को हम खुणि मुण्डरु कैरिके रख्युं च, अर हमुन येतैं पूरि दुनियां का यहूदी लोगु तैं भड़कौन्द अर घपरोळ करद पै। अर नासरत गौं का सिखौण वळा का पिछनै जु लोग चलदिन यू वे नया धरमी दल को एक मुखिया च।

खास चेलों 22:8

तब मिन पूछी, ‘प्रभु, तुम कु छाँ?’ अर वेन मितैं बतै कि, ‘मि नासरत गौं यीशु छौं, जैतैं तू सतौणी छैई।’

खास चेलों 21:28

अर चिल्‍लै के बोलि, “हे इस्राएली लोगु, ये मनखि तैं सजा देण मा हमरि मदद कैरा, किलैकि यू उई आदिम च जु हमरा लोगु का खिलाप मा, नियम-कानूनों अर हमरा मन्दिर का खिलाप मा, सब जगा का लोगु तैं शिक्षा देन्दु, इख तक की यूनानी लोगु तैं मन्दिर मा लेके येन ईं पवित्र जगा तैं भि अशुद्ध कैरियाली।”

खास चेलों 14:27

अर अन्ताकिया नगर मा औण का बाद ऊंन बिस्वासी समुदाय का लोगु तैं इकट्‍ठा कैरी अर ऊंतैं हरेक बात का बारा मा बतै, कि परमेस्वर न ऊंका द्‍वारा महान-महान काम करवैनी, अर ऊंतैं इन भि बतै कि बिस्वास करणु खुणि परमेस्वर न ऊं खुणि बाटु खोलियालि।

खास चेलों 13:16

तब पौलुस उठी अर लोगु कू बोलि, “मेरा इस्राएली भै-बैंणो, अर परमेस्वर पर अपणी पूरि सरदा रखण वळा लोगु, मेरी बातों तैं ध्यान से सुणा,

खास चेलों 6:14

अर हमुन येतैं इन भि बुल्द सुणी कि, नासरत गौं को यीशु हमरा मन्दिर तैं बरबाद कैर दयालु, अर ऊं रीति-रिवाजों तैं भि बदल दयालु जु हमतै मूसा न दिनी।”

खास चेलों 5:35

अर येन न्याय समिति का लोगु कू बोलि कि, “हे इस्राएली लोगु, अगर तुम यों लोगु का दगड़ा मा कुछ कना छाँ, त जरा सोची समझि के कर्यां।

खास चेलों 3:12

अर यू देखि के पतरस न ऊं लोगु कू बोलि, “हे इस्राएल का लोगु, तुम ये काम तैं देखि के किलै ताजुब कना छाँ? अर टक लगै के हमतै इन किलै दिखणा छाँ? तुम त इन दिखणा छाँ जन कि हम लोगु न ये मनखि तैं खुद की ताकत अर भक्‍ति की वजै से खूब कैरी हो।

यूहन्ना 19:19

अर पिलातुस न एक पाटि मा यीशु का कियां अपराध तैं लिख्वे के क्रूस का मथि लगवै दिनी। अर वे पर इन लिख्यूं छौ, “नासरत को यीशु, यहूदियों को राजा।”

यूहन्ना 15:24

“अगर जु मि ऊंका बीच मा ऊं कामों तैं नि करदु, जु मिसे पैलि कैन भि नि करिनी त वु दोषी नि ठैरदा, पर अब त ऊंन मितैं अर मेरा पिता तैं देखियाली अर हम दुईयों से नफरत कैरी।

यूहन्ना 12:17

जब यीशु न लाजर तैं कबर बटि बुलै के ज्यून्दु कैरी छौ, तब वे बगत जु लोग यीशु का दगड़ा मा छा, ऊंन भि ये काम की गवै देई।

यूहन्ना 11:47

तब मुख्य पुरोहितों न अर फरीसी दल का लोगु न मुख्य लोगु की सभा बुलै अर बोन्‍न लगि गैनी कि, “यू आदिम त भौत सरा चमत्कारिक कामों तैं कनु च। पर हम क्या कना छां?

यूहन्ना 10:37

अगर जु मि अपणा पिता का कामों तैं नि करदु, त तुम मेरु बिस्वास नि कैरा।

यूहन्ना 9:33

इलै अगर यू मनखि परमेस्वर की तरफा बटि नि होन्दु, त यू कुछ भि नि कैरी सकदु।”

यूहन्ना 7:31

फिर भि भीड़ मा बटि भौत सरा लोगु न वे पर बिस्वास कैरी, अर ऊंन बोलि कि, “जब मसीह आलु, त क्या उ येसे भि जादा चमत्कारिक कामों तैं करलु?”

यूहन्ना 6:27

तुम नास होण वळा खाणु खुणि ना, बल्किन मा वे खाणुक खुणि मेनत कैरा जु कि सदनि का जीवन तक रौन्दु। अर उ खाणुक मनखि को पुत्र ही तुमतै द्‍यालु, किलैकि यू देणु खुणि पिता परमेस्वर न वेतैं यू अधिकार दियूं च।”

यूहन्ना 6:14

तब यीशु का ये चमत्कार तैं देखि के ऊ लोग बुलण लगि गैनी, “सच्‍चि मा यू त परमेस्वर को उई रैबर्या च, जु कि ईं दुनियां मा औण वळु छौ।”

यूहन्ना 5:36

पर ज्वा मेरी गवै च, या यूहन्‍ना की गवै से भि बड़ी च, किलैकि जु-जु काम मि मा पिता का द्‍वारा सौंप्यां छिन, याने कि जु-जु काम मि करदु वु मेरा गवा छिन, अर वु इन साबित करदिन कि पिता न मितैं भेज्यूं च।

यूहन्ना 4:48

तब यीशु न वेकू बोलि, “जबरि तक तुम लोग चिन्‍न अर चमत्कार का कामों तैं नि दिखल्या, तबरि तक तुम बिस्वास नि करिल्या।”

यूहन्ना 1:45

तब फिलिप्पुस नतनएल बटि मिली अर वेन वेकू बोलि, “जैका बारा मा मूसा न अपणा नियम-कानून मा अर परमेस्वर का रैबर्यों न अपणी किताबों मा लिख्यूं च, उ हमतै मिली गै। अर उ यूसुफ को नौनु नासरत गौं को यीशु च।”

लूका 24:18

अर यू सुणी के ऊं मदि क्लियुपास न यीशु कू बोलि, “तुम यरूशलेम मा अकेला एक इन्द्रया परदेसी छाँ, जैतैं यू पता नि च, कि यों दिनों यरूशलेम मा क्या-क्या ह्‍वे।”

मत्ती 2:23

अर उख जैके गलील मुलक का नासरत गौं मा बसी गै, ताकि परमेस्वर का रैबर्यों द्‍वारा बुलयूं उ वचन पूरु ह्‍वे जौ जु कि इन च कि, “वे मनखि कू नासरत गौं को बुले जालु।”

खास चेलों 2:19

अर मिन मूड़ी धरती पर ल्वे, अर आसमान मा आग अर धुंवा का बादळों का चमत्कारिक चिन्‍न दिखौणिन।

खास चेलों 2:43

अर लोगु का दिलों मा प्रभु खुणि और भि जादा आदर-सम्मान औण लगि गै, अर प्रभु खास चेलों का द्‍वारा भौत सरा अदभुत काम अर चमत्कारिक कामों तैं कनु छौ।

खास चेलों 3:6

अर पतरस न बोलि, “सोना अर चांदी त मि मा नि च, मगर जु मेरा पास च वु मि त्वेतै देन्दु, नासरत गौं का यीशु मसीह का नौ से उठ अर चलण-फिरण लगि जा।”

लूका 18:37

लोगु न वेकू बोलि, “नासरत गौं को यीशु जाणु च।”