खास चेलों 2:17 - Garhwali

¹⁷ परमेस्वर इन बुल्दु कि, ‘आखिरी का दिनों मा इन होलु कि, मि अपणी पवित्र आत्मा सब मनखियों तैं भरपूरी से दूयुलु, अर तुमरा नौना अर नौनि भविष्यबाणी करला। अर तुमरा ज्वान लोग दरसन दिखला, अर तुमरा दाना-स्यांणा सुपन्या दिखला।

गढवली नयो नियम

¹⁷ परमेश्वर इन बुल्दो कि “आखिर दिनों मा इन होलो कि मि अपड़ी आत्मा सभि मनिख्युं तैं दयुलु तुम्हरा नौंना अर तुम्हरी नौंनि परमेश्वर की तरपां बट्टी बुलला अर तुम्हरा जवान दर्शन दिखला अर तुम्हरा दाना सयाणा मनिख सुपन्या दिखला

खास चेलों 2:17 Referans Kwoze

खास चेलों 10:45

अर खतना कियां बिस्वासी लोग जु कि पतरस का दगड़ा मा अयां छा ऊंन देखि, कि जु लोग यहूदी जाति का नि छिन ऊंतैं भि पवित्र आत्मा को दान दिल खोली के दिये गै। अर यू देखि के वु लोग हकदक ह्‍वे गैनी।

यूहन्ना 7:39

यीशु न यों बातों तैं पवित्र आत्मा का बारा मा बोलि, जु की वे पर बिस्वास करण वळो तैं बाद मा मिलण वळु छौ। अर अभि तक वे पवित्र आत्मा तैं नि दिये गै छौ, किलैकि यीशु तैं अभि तक पूरु आदर-सम्मान नि मिली छौ।

इब्रानी 1:2

मगर आखिरी का यों दिनों मा पिता परमेस्वर न अपणा पुत्र यीशु का द्‍वारा हम से बात कैरी। अर पिता परमेस्वर न वेतैं सब चीजों को वारिस बणै अर वेका द्‍वारा ही पूरि दुनियां तैं बणै।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

लूका 3:6

अर हरेक मनखि परमेस्वर का द्‍वारा दियां छुटकारा तैं दिखलु।’”

खास चेलों 21:9

अर वेकी चार कुंवारी नौनि छै जु कि भविष्यबाणी करदी छै।

2 पतरस 3:3

अर सबसे पैलि तुमतै ईं बात का बारा मा जनण चयेणु, कि आखिरी का दिनों मा मजाक उड़ौण वळा लोग आला, अर वु अपणी बुरी इच्छाओं का मुताबिक अपणु जीवन चलला।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

रोमियों 5:5

अर जब हम वे पर अपणी आस बणै के रखद्‍यां, तब हमतै कुई सरम नि औन्दी, किलैकि पिता परमेस्वर न अपणी पवित्र आत्मा का द्‍वारा अपणु प्यार हमरा मनों मा भरपूरी से दियाली।

यूहन्ना 17:2

किलैकि तुमुन मितैं सभि मनखियों पर अधिकार दियूं च, ताकि जु लोग तुमुन मि मा सौंप्यां छिन, ऊं लोगु तैं मि सदनि को जीवन दे सैकु।

याकूब 5:3

अर तुमरा सोना-चांदी पर जंक लगि गै। अर वे पर लग्यूं जंक एक दिन तुमरा खिलाप गवै द्‍यालु अर आग की तरौं तुमरा मांस को नास कैरी द्‍यालु, किलैकि तुमुन आखिरी का दिनों मा धन जमा कैरी।

खास चेलों 11:28

अर ऊंमा बटि एक अगबुस रैबर्या छौ, अर वेन खड़ु ह्‍वेके पवित्र आत्मा का द्‍वारा भविष्यबाणी कैरिके बोलि कि ये पूरि दुनियां मा भौत बड़ु अकाळ पोड़लु (अर ठिक उन्‍नि ह्‍वे, यू अकाळ महाराजा क्लौदियुस का बगत मा पोड़ि)।

खास चेलों 2:16

पर या त वा बात च जैका बारा मा परमेस्वर का रैबर्या योएल न बोलि छौ। अर वा बात इन च कि,

खास चेलों 2:18

अर ऊं दिनों मा मि अपणा सेवकों अर सेविकाओं तैं भि पवित्र आत्मा भरपूरी से देण, अर ऊ भविष्यबाणी करला।

खास चेलों 2:33

अर इन कैरिके यीशु न पिता परमेस्वर की दैंणी तरफा सबसे ऊँचो पद पै, अर पिता का कियां करार का मुताबिक पिता बटि पवित्र आत्मा तैं पैके वे करार तैं पूरु कैरी। अर आज वे ही करार का मुताबिक पवित्र आत्मा तैं वेन हम पर भि भरपूरी से दियाली। अर जु कुछ भि तुम दिखणा अर सुनणा छाँ, यू सब कुछ पवित्र आत्मा को काम च।

खास चेलों 11:27

अर ऊं दिनों मा यरूशलेम नगर बटि परमेस्वर का कुछ रैबर्या अन्ताकिया नगर मा ऐनी।