खास चेलों 2:12 - Garhwali

¹² अर यू देखि के सब लोग हकदक छा अर बड़ी उळझण मा पोड़यां छा तब ऊ एक-दुसरा बटि पूछण लगि गैनी, “आखिर मा यू सब होणु क्या च?”

गढवली नयो नियम

¹² अर उ सभि समझी नि सकिनि हकदक हवे के एक हैंका बट्टी बुल्ण लगि गैनी कि “यु क्य हूंणु च”

खास चेलों 2:12 Referans Kwoze

खास चेलों 17:20

किलैकि तू हमतै अजीब बात बतौणी छैई, इलै हम यू जनण चाणा छां कि यों सब बातों को क्या मतलब च।”

लूका 18:36

जब वे अन्धा मनखि न भीड़ की आवाज सुणी, त उ पूछण लगि गै, “अरे, इख क्या होणु च?”

लूका 15:26

इलै वेन एक नौकर तैं बुलै अर वे बटि पूछी कि, ‘आज घौर मा होणु क्या च?’

खास चेलों 10:17

अर पतरस न दरसन मा जु कुछ देखि छौ, वीं बात तैं लेके उळझण मा पोड़ि गै, कि ईं बात को मतलब क्या ह्‍वे सकदु। अर सुणा, जौं लोगु तैं कुरनेलियुस न भेजि छौ ऊ लोग शमौन चमड़ा वळा का घौर को पता लगौन्द-लगौन्द वेका द्‍वार तक पौंछी गैनी।

खास चेलों 2:7

अर लोग बड़ा हकदक अर ताजुब मा पोड़ि के बोन्‍न लगि गैनी, “अरे जरा यों लोगु तैं त देखा, यू लोग हमरि भाषा मा कनकै बोलि सकदिन? यू कनकै ह्‍वे सकदु? किलैकि यू सब लोग त गलील मुलक का छिन। जब की हम सब लोग अलग-अलग जगा का छां, फिर भि हमतै हमरि मात्रभाषा सुन्यौणी च।

मत्ती 7:28

अर जब यीशु न यू बात बोलि दिनी, त वेका सिखौण का तरीका तैं देखि के लोग दंग रै गैनी,

मरकुस 6:20

अर हेरोदेस अन्तिपास यूहन्‍ना बटि डऽरदु छौ किलैकि उ जणदु छौ, कि वु एक धरमी अर पवित्र मनखि च, इलै वु यूहन्‍ना की हिफाजत भि करदु छौ, अर वेकी बातों तैं सुणी के भौत उळझण मा पोड़ि जान्दु छौ, मगर फिर भि राजा वेकी बातों तैं खुशी से सुणदु छौ।

खास चेलों 2:11

अर क्रेते टापू अर अरब देस बटि अयां निवासीयों तैं भि, हम सभ्यों तैं अपणी-अपणी भाषा सुन्यौणी च, कि यू सब लोग परमेस्वर का बड़ा-बड़ा कामों की बडै कना छिन। यू सब कनकै ह्‍वे सकदु?”