खास चेलों 19:9 - Garhwali

⁹ मगर ऊं मदि कुछ लोग जादा ढीट ह्‍वे गैनी, अर ऊंन वे रैबार तैं मनण से इनकार कैर दिनी, अर सब लोगु का समणि प्रभु का बाटा का बारा मा अनाप-सनाप बोन्‍न लगि गैनी। इलै पौलुस प्रार्थना भवन तैं छोड़ि के चलि गै, अर बिस्वासी लोगु तैं अफ दगड़ा मा लि गै। अर तुरन्‍नस मनखि की पाठसाला मा पौलुस हरेक दिन बिस्वासी लोगु का दगड़ा मा बात-चित कनु रै।

गढवली नयो नियम

⁹ पर जब कुछ लुखुं ल ढीट हवे के वेको विश्वास कन से मना कैरी द्ये बल्कि लुखुं का संमणी प्रभु का रस्ता की शिक्षा तैं बुरो बुल्ण लगि गैनी, त वेल ऊं तैं छोड़ी दींनि अर चेलों तैं अफ दगड़ी ली गै। अर रोज उ विश्वासियों का दगड़ी तुरत्रुस कि पाठशाला मा विचार-विमर्श करदु छो।

खास चेलों 19:9 Referans Kwoze

खास चेलों 19:23

अर यों ही दिनों मा इफिसुस नगर मा प्रभु का बाटा का बानो दंगा होण लगि गै।

खास चेलों 9:2

तब उ महा पुरोहित का पास गै, अर वेन वे बटि दमिश्क नगर का प्रार्थना भवनों का मुखिया लोगु खुणि चिठ्‍ठी मांगि, कि प्रभु यीशु पर बिस्वास करण वळु जु भि मिललु ऊंतैं बन्धी बणै के यरूशलेम नगर मा लये जौ, अब चै उ जनानि हो या बैख।

2 पतरस 2:12

यू लोग त एक मूरख जानबर का जन छिन, जौं को जनम पकड़ै जाण अर नास होणु खुणि ही होयुं च। अर यू लोग जौं बातों का बारा मा नि जणदिन ऊं बातों का बारा मा दुसरा लोगु कू भलु-बुरु बुल्दिन, यू लोग खुद की ही बातों मा जानबर का जन सैड़ी जाला।

खास चेलों 14:4

तब नगर का लोगु मा फूट पोड़ि गै, अर कुछ लोग प्रभु का चेलों का जनै, अर कुछ लोग यहूदी लोगु का जनै ह्‍वे गैनी।

यहूदा 1:10

पर यू लोग जौं बातों का बारा मा नि जणदिन ऊं बातों की बुरै करदिन। अर एक मूरख जानबर की तरौं समझ रखी के खुद खुणि नास होण को कारण बणणा छिन।

2 पतरस 2:2

अर इथगा ही ना बल्किन मा भौत सा बिस्वासी लोग त ऊं झूठ्‍ठा गुरु लोगु का पिछनै चलला। तब जु लोग सच्‍चै का बारा नि जणदिन ऊ लोग झूठ्‍ठा गुरु लोगु का चाल-चलन तैं देखि के सच्‍चै का बाटा का बारा मा बुरु बुलला।

इब्रानी 3:13

अर जबरि तक पवित्रशास्‍त्र को “आज” शब्द हमरा दगड़ा मा चलणु च, तबरि तक तुम लोग एक-दुसरा को हौसला बढौणा रा। अर ईं बात तैं ध्यान मा रखा कि कुई भि बिस्वासी मनखि धोखा खै के कखि पाप मा नि पोड़ि जौ, अर इन करण से अपणा मन तैं पिता परमेस्वर खुणि निठुर नि कैरी द्‍यो।

1 तीमुथियुस 6:5

अर इन्द्रया लोगु को दिमाग खराब ह्‍वे गै, अर सच्‍च क्या च यू ऊंतैं पता नि ही च। अर वु लोग समझदिन कि परमेस्वर की भक्‍ति करण कमै को एक साधन च। इन्द्रया लोगु मा हमेसा लड़ै-झगड़ा होनदिन।

रोमियों 11:7

तब यां को मतलब क्या निकळि? हालांकि, इस्राएली लोग न पिता परमेस्वर की नजर मा धरमी होण की पूरि कोसिस कैरी, पर फिर भि वु सफल नि ह्‍वे सकिनी मगर जौं लोगु तैं पिता परमेस्वर न चुणी वु वेकी नजर मा धरमी साबित ह्‍वे गैनी। अर दुसरा लोग निठुर ह्‍वे गैनी, अर वेकी बातों तैं मनण से नकारी दिनी।

रोमियों 9:18

इलै परमेस्वर जै पर दया करण चान्दु वे पर दया करदु, अर जैतैं चौ वेतैं निठुर बणै देन्दु।

खास चेलों 22:4

“अर मिन यीशु पर बिस्वास करण वळा लोगु तैं भौत सतै, इख तक कि भौतों तैं मार भि दिनी, इख तक कि भौत सि जनानियों अर बैखों तैं बन्धी बणै के जेलखाना मा डलवै दिनी।

खास चेलों 7:51

“अर स्तिफनुस न ऊंकू इन भि बोलि कि, ‘हे जिद्‍दमार लोगु, तुम ऊं लोगु का जन किलै होणा छाँ जु परमेस्वर की बातों तैं सुनण अर मनण नि चनदिन, अर तुम हमेसा किलै पवित्र आत्मा को विरोध करद्‍यां? जन तुमरा पितरों न कैरी ठिक उन्‍नि तुम भि करद्‍यां।

2 तीमुथियुस 3:5

अर लोगु तैं दिखाणु खुणि केवल परमेस्वर की भक्‍ति करला, पर परमेस्वर की ताकत तैं नकारी द्‍याला। अर इन्द्रया लोगु बटि तुम अलग रयां।

2 तीमुथियुस 1:15

अर तू जणदी ही छैई, कि आसिया मुलक का भौत सरा बिस्वासी लोग मितैं छोड़ के चलि गैनी। जौं मा बटि फूगिलुस अर हिरमुगिनेस छिन।

खास चेलों 28:22

मगर तू क्या चाणि छैई वा बात हम त्वे बटि ही सुनण चन्द्‍यां, किलैकि हमतै पता च कि हरेक जगा का लोग ये मसीह का बाटा का खिलाप मा बात कना छिन।”

खास चेलों 24:21

हाँ, मि मणदु छौं कि मिन ऊं लोगु का बीच मा खड़ु ह्‍वेके ऊँची आवाज मा बोलि छौ, ‘मि मुरदो मा बटि ज्यून्द होण को बिस्वास करदु, बस ईं बात का खातिर ही मि पर मुकदमा चलणु च। अर अगर ईं बात का अलावा मि पर अगर कुई दुसरो इळजाम लग्यूं च त यू मितैं बता।’”

खास चेलों 20:31

इलै चौकस रा, अर ईं बात तैं याद रखा कि मिन तीन सालों तक दिन-रात रुवे-रुवे के हरेक तैं चितौण कभि नि छोड़ि।

खास चेलों 19:30

अर पौलुस ऊं लोगु का पास जाण चाणु छौ, मगर बिस्वासी लोगु न वेतैं जाणि नि दिनी।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 11:26

अर जब उ बरनबास तैं मिली त बरनबास वेतैं अन्ताकिया नगर मा अफ दगड़ा लेके ऐ। अर ऊ पूरा एक साल तक बिस्वासी समुदाय का लोगु से मिलणा रैनी, अर लोगु तैं सिखौणा रैनी। अर अन्ताकिया नगर का बिस्वासी लोगु खुणि ही सबसे पैलि “ईसै” बुले गै।

यूहन्ना 12:40

“वेन ऊंका आंख्यों तैं अन्धु अर मन तैं निठुर कैरियाली, ताकि वु आंख्यों बटि ना देखा अर ना ही मन बटि समझा। अगर ऊंन देखियाली अर समझियालि अर अपणा मन से पस्ताप कैरियाली, त कखि इन ना हो कि मि ऊंतैं खूब कैरी द्‍यूं।”

मत्ती 26:55

अर जु लोग वेतैं पकड़णु खुणि अयां छा, यीशु न वे ही बगत ऊं लोगु कू बोलि, “क्या तुम मितैं डाकु समझद्‍यां, कि जु तुम तलवार अर लाठा लेके अयां छाँ? अरे जब मि हरेक दिन मन्दिर मा बैठि के तुमतै सिखौन्दु छौ, तब त तुमुन मितैं पकड़ी के गिरफ्तार नि कैरी।

मत्ती 16:4

ईं पीढ़ी का बुरा अर बिस्वासघात करण वळा लोग ही चमत्कारिक चिन्‍न खुज्यौदिन, पर परमेस्वर का रैबर्या योना का चिन्‍न का अलावा ऊंतैं कुई चमत्कारिक चिन्‍न नि दिखये जालु।” अर इन बोलि के यीशु ऊंतैं उखि छोड़ि के चलि गै।

मत्ती 15:14

अरे, ऊंतैं जाण द्‍या। ऊ खुद त अन्धा छिन, अर दुसरो तैं बाटु बतौन्दिन। अगर एक अन्धु दुसरा अन्धा तैं बाटु दिखालु, त दुईया का दुई खडोळुन्द पोड़ि जाला।”

1 कुरिन्थि 16:9

किलैकि विरोध करण वळा उख भौत छिन, पर फिर भि शुभ समाचार को परचार करण को एक बड़ु अवसर मिल्यूं च।