खास चेलों 19:23 - Garhwali

²³ अर यों ही दिनों मा इफिसुस नगर मा प्रभु का बाटा का बानो दंगा होण लगि गै।

गढवली नयो नियम

²³ वे बगत प्रभु का रस्ता की शिक्षा का बारा मा भौत घपरौल हवे।

खास चेलों 19:23 Referans Kwoze

खास चेलों 24:22

मगर गवर्नर फेलिक्स प्रभु यीशु का बाटा का बारा मा अच्छी तरौं से जणदु छौ, इलै वेन ईं बात तैं टाळि दिनी, अर इन बोलि कि, “जब पलटण को सेनापति लूसियास आलु, तब ही तुमरा मुकदमा को फैसला सुणये जालु।”

खास चेलों 19:9

मगर ऊं मदि कुछ लोग जादा ढीट ह्‍वे गैनी, अर ऊंन वे रैबार तैं मनण से इनकार कैर दिनी, अर सब लोगु का समणि प्रभु का बाटा का बारा मा अनाप-सनाप बोन्‍न लगि गैनी। इलै पौलुस प्रार्थना भवन तैं छोड़ि के चलि गै, अर बिस्वासी लोगु तैं अफ दगड़ा मा लि गै। अर तुरन्‍नस मनखि की पाठसाला मा पौलुस हरेक दिन बिस्वासी लोगु का दगड़ा मा बात-चित कनु रै।

खास चेलों 9:2

तब उ महा पुरोहित का पास गै, अर वेन वे बटि दमिश्क नगर का प्रार्थना भवनों का मुखिया लोगु खुणि चिठ्‍ठी मांगि, कि प्रभु यीशु पर बिस्वास करण वळु जु भि मिललु ऊंतैं बन्धी बणै के यरूशलेम नगर मा लये जौ, अब चै उ जनानि हो या बैख।

2 कुरिन्थि 6:9

अर कुछ लोग अच्छे से जणदिन कि हम परमेस्वर का सच्‍चा सेवक छां, मगर कुछ लोग ईं बात तैं स्वीकार नि करदिन। अर कई बार लोगु न हमतै मरणे की कोसिस कैरी, मगर हम अभि भि ज्यून्दा छां। अर कई बार हमतै भौत पीटे गै मगर हम फिर भि नि मुरयां।

खास चेलों 24:14

मगर मि तुमरा समणि ईं बात तैं स्वीकार करदु, कि जु बात नियम-कानूनों अर रैबर्यों की किताबों मा लिखीं छिन, मि ऊं सब बातों पर बिस्वास करदु। अर जै बाटा पर मि चलणु छौं, वेका मुताबिक ही मि अपणा पितरों का परमेस्वर की भक्‍ति कनु छौं। अर साब, ये बाटा कू ही यू लोग गळत बोन्‍ना छिन।

खास चेलों 22:4

“अर मिन यीशु पर बिस्वास करण वळा लोगु तैं भौत सतै, इख तक कि भौतों तैं मार भि दिनी, इख तक कि भौत सि जनानियों अर बैखों तैं बन्धी बणै के जेलखाना मा डलवै दिनी।

खास चेलों 18:26

अर यू प्रार्थना भवन मा बेधड़क ह्‍वेके बुलण लगि गै। अर जब प्रिस्किल्‍ला बैंण अर अक्‍किला भै न येकी बातों तैं सुणी, त वु येतैं अपणा घौर लि गैनी, अर येतैं परमेस्वर का बाटा का बारा मा और अच्छा तरीके से बतै।

2 कुरिन्थि 6:5

अर कई बार हमुन मार खै अर हमतै जेलखानों मा भि डळै गै। अर कभि-कभि त हमरा खिलाप मा भीड़ इकट्‍ठा ह्‍वे जान्दी छै, मगर हमुन फिर भि कड़ी मेनत कैरी। अर कई रात्यों त हम सै भि नि छा, अर कई दिन-रात हमुन भूकि कटिनी।

2 कुरिन्थि 11:26

अर मिन भौत सि जगों को सफर करण का बगत अपणा जीवन मा भौत सि मुसीबतों तैं झेली। जन कि, गाड-गदन्यों तैं पार करण को बगत, डाकुओं का द्‍वारा, अर मेरा अपणा यहूदी लोगु का द्‍वारा, अर ऊं लोगु का द्‍वारा भि जु की यहूदी जाति का नि छिन। अर मितैं नगरों मा, निर्जन जगों मा, समुन्दर मा दुख-तकलीफ झिलण पोड़ीनी, इख तक ऊं लोगु का द्‍वारा भि मितैं सतयै गै, जु की झूठ्‍ठ बोलि के खुद तैं यीशु मसीह को बतौन्दिन।