खास चेलों 18:7 - Garhwali

⁷ तब पौलुस प्रार्थना भवन तैं छोड़ि के परमेस्वर का भक्‍त तीतुस यूस्तुस नौ का मनखि का घौर मा गै, जु कि यहूदी जाति को नि छौ। अर येको घौर प्रार्थना भवन से चिपक्युं छौ।

गढवली नयो नियम

⁷ अर यहूदियों का मिलणा का भवन मा बट्टी चलि के उ तीतुस यूस्तुस नौं का एक अन्यजाति भक्त जु पिता परमेश्वर की आराधना करदु छो अर अन्यजातियों तैं सिखांण कु अयुं छो, जै कु घौर यहूदियों का मिलणा का भवन का बाद छों।”

खास चेलों 18:7 Referans Kwoze

खास चेलों 16:14

अर ऊंमा बटि लुदिया नौ की एक जनानि छै अर वा थुआतीरा नगर की छै, वा परमेस्वर की भक्‍त छै अर बैंगनि रंग का कपड़ों को व्यापार करण वळी छै। अर प्रभु न वींका मन तैं खोली दिनी, ताकि वा पौलुस की शिक्षा तैं ध्यान से सुणी सैको।

कुलुसी 4:11

अर भै ईसु जैकू यूसतुस बुले जान्दु, तुमकु सलाम बोन्‍नु च। दगड़्यों, हमरा ये भै न खतना का रिवाज तैं पूरु कर्युं च अर यू ही च जु कि परमेस्वर का राज तैं फैलाण मा मेरु दगड़्या च अर यू बगत-बगत पर मेरी हिम्मत तैं भि बढौन्दु।

खास चेलों 17:4

तब ऊं लोगु मा बटि भौत सा लोगु न ऊंकी बातों तैं स्वीकार कैरी, अर पौलुस अर सीलास का दगड़ा मा मिली गैनी। अर परमेस्वर पर सरदा रखण वळा भौत सा यूनानी लोग, अर कुछ खास-खास जनानियां भि ऊंका दगड़ा मा ह्‍वे गै छै।

खास चेलों 13:42

अर जब पौलुस अर बरनबास वे प्रार्थना भवन बटि जाण लगि गैनी, तब लोगु न ऊं बटि बिन्ती कैरी कि दुसरा सब्त का दिन भि तुम लोग ईं बात का बारा मा हमतै बतयां।

खास चेलों 10:22

तब ऊंन बोलि, “हमतै सुबेदार कुरनेलियुस न इख भेजि, अर वु एक धरमी अर परमेस्वर पर अपणी पूरि सरदा रखण वळु मनखि च, अर यहूदी लोग भि वेकी भौत तारीफ करदिन। अर परमेस्वर का एक पवित्र स्वर्गदूत न कुरनेलियुस तैं बतै कि तुमतै अपणा घौर मा बुलये जौ, ताकि तुमरा द्‍वारा वु उपदेस सुणी सैको।”

खास चेलों 10:2

अर यू परमेस्वर को भक्‍त छौ, अर यू अर येका घौर का सब लोग परमेस्वर पर अपणी पूरि सरदा रखदा छा। अर यू गरीब लोगु तैं भौत दान-दकछिणा देन्दु छौ, अर जादातर परमेस्वर बटि प्रार्थना कनु रौन्दु छौ।

यूहन्ना 9:31

हमतै यू पता च, कि परमेस्वर पापि मनखियों की नि सुणदु, पर वेकी सुणदु जु कि वेको भक्‍त च अर वेकी मनसा पर चलदु च।

खास चेलों 13:43

अर जब वा सभा समाप्‍त ह्‍वे गै, त भौत सा यहूदी, अर जु लोग यहूदी रीति-रिवाज तैं मनण लगि गै छा वु लोग पौलुस अर बरनबास का पिछनै ह्‍वे गैनी। तब ऊं दुईयों न ऊं लोगु का दगड़ा मा बात-चित कैरिके समझै कि परमेस्वर की किरपा मा बणयां रा।

खास चेलों 13:50

मगर यहूदी लोग न कुछ आदर-सम्मानित भक्‍त जनानियों तैं, अर नगर का मुख्य लोगु तैं भड़कै दिनी, ताकि यू पौलुस अर बरनबास का खिलाप मा ह्‍वे जा। तब यों लोगु न ऊं पर जुलम करण शुरु कैरी दिनी, अर पौलुस अर बरनबास तैं अपणा मुलक बटि भैर निकाळि दिनी।